LIVRE DEUXIÈME
faire Noël pour s'aboucher avec l'empereur, qui trouvoit fort mauvais que le pape voulust entendre à la paix, et l'abandonner après avoir eslé cause que luy-mesme l'avoit rompue avec les François ,. auxquels pour resister il ne pouvoit recouvrer argent : de maniere qu'au lieu de fournir cent mil escus au pape, comme il avoit promis, il ne luy en pouvoit bailler que cinquante mil; priant Sa Saincteté que , quoyque le roy, les Allemans et les Suisses sçachent faire ou dire, . de ne rompre l'assemblée du concile, ains la continuer tousjeurs. C'estoient toutes shoses. propres, ores que simulées , à tenir le pape en crainte, et pour le degouster aussi de la paix , qu'il desiroit et demandboit tant.
. En ces entrefaictes vindrent nouvelles que le Turc avoit reduict les affaires de la Transsilvanie à mauvais party, ayant prins onze ou douze des meilleures places du pays, et assiegé la principale, nommée Temisfar , de la prinse de laquelle on doutoit fort, et consequemment de la perte de tout le pays.
Aussi, que dès le mois de novembre M. de Termes estoit entré dans Parme avec si bonne provision d'argent, que de long temps il n’estoit pour avoir faute de rien; et que, combien que le sieur de Sansac, qui commandoit à la Mirandole, fust fort resserré, il ne laissoit tous les jours de faire de braves et victorieuses sorties, resolu d'attendre le secours, selon la commodité que le roy en pourroit avoir. Et parce que les trenchées estoient si fréquentes et si bien gardées qu'il n'y avoit ordre qu'il peust recouvrer de la chair fraische pour soulager les plus debilités, il trouva moyen de faire sortir un paisan , auquel il commanda, argent en main, d'alleracheter des pourceaux, promettant d'en donner dix escus de la piece s'ils entroient dans la ville : pour quoy faire sans peine il falloit conduire lesdicts pourceaux dans l'armée ennemie, tout joignant les trenchées; et que luy avec quelque jeune truye essayast de revenir dans la ville la nuict precedente, à fin que sur les deux ou trois heures du jour, voyant de la muraille arriver lesdicts pourceaux, il sortist horsla porte etfist fort crier la truye, aux cris de laquelle tous les pourceaux accourroient vers elle. Le faict fut si bien manic , qu'au cry et grongnement
de ceste truÿe il entra plus de soixante pourceaux dans la ville, à travers les armes de ceux qui gardoient les trenchées. Ce fust un bon raffraischissement aux assiegés.
Le quinziesme dudict mois, la plupart des forces qui estvient attendues d'Allemagne arriverent au Parmesan , où le marquis de Muz, dict Le Medeguyn, les retint en intention d'executer certaine entreprinse qu'il avoit dressée sur la ville, avec resolution , selon que les choses succederoient , d'en faire marcher la pluspart du costé de Piedmont. Considerant le mareschal, par une longue routine et experience qu'il avoit de la guerre, combien d'effets incertains elle produit ordinairement , à combien de necessités et inconveniens elle est sujette, et que la fortune y a le plus souvent plus de part que la prudence et justice, il estoit en une perpetuelle deffiance quelcs moyens ne luy deffaillissent au besoin pour emporter et l'utilité et la gloire de celle que pour lors il demesloit; ou bien que l'ennemi, plein de ruse , d'experience et de toutes commodités, ayant toute la Lombardie à ses espaules, ne fist quelque traict qui peust renverser le soin et la prevoyance que il practiquoit en toutes choses. Après donc avoir longuement ruminé sur cela, il jugea que , tout ainsi qu'il estoit presque impossible de faire perdre le Piedmont au roy par la voye des armes, c'estoit par le contraire chose bien aisée à le faire par celle des vivres, toutes les fois que l'ennemi l'eust ainsi recogneu et qu'il eust voulu jouer au feu, et faire de ce costé-là la mesme cruelle guerre au laboureur et au bestail, qui estoit lors indifferemment practiquée du costé de Picardie et Champagne ; attendu qu'estans les vivres du Piedmont gastés, et le moyen de labouter osté, il n'y avoit plus d'ordre d'en recouvrer d'ailleurs, au moins pour convenablement soustenir et le peuple et les places ; joinct que de tous costés il n'y à que pais desert et sterile, comme sont presque toutes les montagnes de Savove, de Provence, et de Dauphiné, lesquelles tant s'en faut qu'elles en puissent fournir à autruy, qu'au contraire elles n’ont autre moyen de vivre la moitié de l'année que de ce qu'elles tirent du Piedmont. D'en recouvrer du Lyonnois, chacun sçait la stérilité ÿ estre telle, que, sans le secours de
MÉMOIRES DE BOŸYVIN DU ŸILLARS.
la Bourgogne, que lai produit 14 ritiere de Saone , il auroit tousjours guerre ouvette avec la famine. Il se pourroit toutesfois bien faire que ceste mesme Bourgogne donneroit pareil secours au Piedmond qu'elle faict au Lyon-— nois ; mais si nous considerons qu'il faut que de Lyon le tout soit porté, à force de mulets, par montaignes incommodes et mal aisées à passer , et notamment durant l'hyver, et qui durent plus de soixante lieues françoises, nous conclurrons tout soudain qu'il y auroit tant et tant de longueur et de despence , que le roy seroit à Ia parfin contrainct de tout quitter.
Quant à l'objection qu'on pourroit faire pour ce regard, à sçavoir que la mesme pauvreté, desordre et inconveniens que les Imperiaux pourroient apporter au Piedmont, que le mesme Picdmont pourroit aussi donner à la duché de Milan, qui est la plus foissonnante estape que l'empereur ait point en Italie pour yentretenir la guerre, les mesmes mieux et les mesmes necessités qu'ils auroient ainsi cruellement apportés à autruy; l'apparence de ceste oppinion est belle, mais l'effect en est faux. A la verité, ce ne sont pas choses pareilles, ains grandement differentes en la nature et aux circonstances, pour une infinité de raisons qui furent sagement preveues et digerées par le mareschal', et que je juge necessaire d'estre apportées sur ce theatre pour servir d'instruction à la posterité.
Sera premierement consideré que ceste partie du Piedmont , qui est aussi bien que l’Astisane possedée la pluspart par les Imperiaux, a derriere elle toute la riviere de Gennes, où ils pouvoient aisément faire une fort feconde estape des bleds venans de Sicile, qui est le plus secourable grenier de l'Italie, et delà en trois jours les rendre en Alexandrie. De ce lieu ils peuvent estre mis sur la rivicre du Tanarre, qui separe la ville en deux , et par ainsi entrer au Pau, dans lequel ceste riviere se descharge au dessous de Basignane , dont ils peuvent estre fort commodement et à peu de frais envoyés et departis par tout le Piedmont, Vercellois et duché de Milan. Ils peuvent encores par ceste mesme riviere estre remontés jusques en Ast, et d'iceluy departis par toutes les autres terres tenues par Îles Imperiaux.
D'ailleurs Milan a d’un costé le Bressan, le
Cremonois, le Mantouan, et de l’autre le Plaisantin, le Parmesan et tout le reste de la Lombardie, fertile en bleds, vins et autres commodités necessaires à la vie de l'homme, d'où l'ennemy pouvoit estre tousjours aisément secouru, et faire remonter le tout, tant par le Pau que par le Tesin, et mesme par la Sezia, qui separe le Piedmont du Milanois. Il faut maintenant distinguer les frontieres, et recognoistre si la françoise peut aussi bier entreprendre un degast sur l'ennemy que luy sur elle. A le bien prendre, il n’ÿ a ny proportion ny convenance aucune; en voicy la raison : Celle de l’ennemy, à la main gauche du Pau, est bornée et couverte de Novarre, Mortaré, Verceil, Sainct-Germain, Trin, Crescentin, Mazin et Yvrée; et à l’autre main de Pavie, Tortone, Alexandrie, Casal, Ast, Albe, Foussan et Cony : la frequence et la force de ces places retranche quasi tout à faict la commodité au François de pouvoir facilement entreprendre avec ces garnisons ua degast general, qui veut pour ces considerations une armée toute entiere. Lesravages et les courses quotidianes luy seront bien permises, avec beaucoup de hasard toutesfois, et sans pouvoir néantmoins apporter au Milanois dommage qui puisse estre en rien considerable, ny proportionné à celuy que le Piedmont peut recevoir en deux fois vingtquatre heures. |
: C’est ce qui faisoit que le mareschal s'abstenoit le plus qu'il pouvoit de porter le moindre dommage du monde à Ja campagne et aux villages, jusques à ceux mesmes qui estoient possedés par les ennemis, punissant severement tous ceux qui faisoient le contraire.
Ceste mesme consideration lui faisoit, contre son naturel, couler les fautes de ses voisins, . lesquels vindrent une fois brusler des metairies jusqt’aux portes de Thurin, sans en faire Autre ressentiment que de paroles, à fin de les attirer peu à peu à faire quelque convention et accord pour la guere du laboureur :
prevoyant aussi, outre les maux cy devant discourus, que là où il en adviendroit autrement, il perdroit la commodité des moyens et des facultés du pays qui lui pouvoient aider à soustenir la guerre , au cas que ceux du roy devinssent courts et debiles comme ils firent
