LIVRE . DEUXIÈME

FH

en quoy il les avoient employés, à quels termes les affaires estoient pour lors reduicts, les inconveniens et desordres qui en pouvoient advenir , les continuelles remonstrances et supplications qu'il avoit faictes au roy, le peu de compte qu'on avoit tenu d'y pourvoir , et finalement son impossibilité à pourvoir , sans secours, remedier auxdicts inconveniens ; priant ces seigneurs d'en dire leur opinion, à fin que selon icelle il peust par après presser le roy pour son propre bien et interest ’particulier , et demeurer justifié de ses actions, mesmement de ce que, contre le commandement de Sa Majesté, il avoit esté contrainct retenir jusques à lors six compagnies italiennes. qu'elle vouloit -estre cassées , et sans lesquelles toutesfois il n'eust sceu convenablement pourvoir les places. Adjousta aussi à ces remonstrances que le connestable cornoit tousjours par toutes ses depesches la venue des capitaines Vicques et Labit, et des mil Gascons pour remplir les compagnies’, tout ainsi que si c'estoit un renfort suflisant pour donner bataille ; et qu'il estimoit que cela le rendroit plus negligent ou plus difficile à le secourir, et qu'il craignoit que les vaines esperances dont (sur la parole du roy ) il avoit entretenu les gens de guerre, qu'ils ne perdissent (se voyans trompés) le courage, l'affection et l'obéissance aussi.

Ayans tous ces seigneurs diligemment recogneu toutes les necessités et la dangereuse consequence des affaires qui leur avoient esté vivement representées par le mareschal , outre ce qu'ils en avoient d'eux -mesmes assez observé , avec la negligence des provisions, et le foible secours que ces pied-deschaux de Gascongne, dont le connestable faisoit si grand cas, pouvoient apporter, ils furent tous d'advis que ces compagnies italiennes fussent retenues, et non cassées, comme estoit l'intention du roy, attendu que c’estoient tous gens d'eslite et bien armés, et que les cassant c’eust esté envoyer autant de renfort aux ennemis, qui les eussent recueillis à nostre danger et desadvantage, dont Sa Majesté eust après estée marrie; que, par homme exprès qui seroit envoyé vers cle, elle doit estre mieux eschaircie

pa

qu'elle n'estoit lors de la verité et de J'estat des affaires, et notamment de la recepte et despence qui avoit esté faicte, du nombre des forces, forteresses et chasteaux qu'il fal- Joit necessairement garder; de toutes lesquelles choses il sembloit qu'elle n'eust point de çogaoissance, ou que si elle l'avoit, elle là dissimuloit sans toutesfois s'appercevoir du mal que cela apporteroit à ses affaires: ce qu'ils esjoient tenus luy appertement remoastrer et ramcnteyoir , à fin que la coulpe n'en fust rejetée, comme tousjours elle seroit, sur le mareschal. Luy, s'accommodant à leur epinion, depescha vers le roy le secretaire Plancy, avec un estat abregé des deniers receus et despendus, par lequel il apparoissoit que pour septembre, premier mois de la guerre , il n'y avoit eu que sept mil huict cens vingt payes; pour octobre, ouze mil cent vingt-sept ; et pour novembre, les six compagnies italiennes susdictes comprises, douze mil quatre cens dix-huict tant seulement; le tout sous vingt-quatre enseignes de Bonnivet, sept de Chastillon, et cinq du sieur de Strozzy, remises sus au lieu de celles qui avoient esté envoyées à Parme.

Qui considerera maintenant la difference qu'il y à tousjours des payes au nombre verilable des bommes , trouvera que toute ceste force pouvoit à peine estre bastante pour raisonnablement fournir douze grandes forteresses et vingt-deux chasteaux, tous entremeslés parmi les places ennemies. Ces forces estoient bien differentes de celles que le roy esümait monter à dix-huict mil hommes, lesquels si le mareschal eust eu en main, il ne se fust arresté en si beau chemin, et moins encures amusé à importuner Sa Majesté de nouveau renfort.

Plancy donna tel esclaircissement à Sa Majesié sur toutes choses, que la verité, qui avoit jusques à lors esté couverte de passions et de nuages, commença à se monstrer toute claire ; ce qui donna tel courage au roy, qu'il trouva fort bon que les Italiens eussent csté retenus, promettant de les faire payer comme les autres, de faire haster la levée des Suisses, et d'augmenter ce renfort de quelque gendarmerie et fanterie françoise.

+. Le maccschal fil aussi entendre au roy que

MÉMOIRES DE BOYVIN DU VILLARS

Ludovic de Birague avoit dès le 14 du mois deffaict une enseigne d'Espagnols naturels qui s'estoient venus nicher dans Soré, petite bourgade du Montferrat, en estans morts sur la place jusques à quatre-vingts, et les autres faicts prisonniers; et que Carle, son frère, avoit de la mesme course deffaict aussi à Vestigue, au dessous de Masin, soixante soldats de la compagnie du frère du sieur de Masin, suppliant Sa Majesté qu'ayant consideration à leur valeur et aux bons et fidelles services, tant d'eux que du president Birague, qui luy servoit de conseil pour là justice, et de très-advisé et resolu capitaine pour La guerre, il leur voulust faire quelque bien et honneur, n'ayans, à cause que leurs biens estoient confisqués à Milaa, autre moyen de vivre que de celuy de leurs estats et appoinctemens. La vertu fut louée, et la rescompense assignée sur les fallacieuses moissons de l'esperance.

Par la deduction des remonstrances faictes par le mareschal à ceux du conseil, et par ce dont Plancy fut chargé, comme encores par les resolutions que le roy print là dessus , il sera aisé à remarquer avec quel desordre et obscurité les affaires estoient maniés, et combien cela fit perdre de temps et de belles occasions au mareschal pour la prosperité de l’estat, les affaires duquel ne doivent jamais estre degruisés au maistre, et moins estre remis au lendemain , si on en veut avoir honneur eten recueillir fruicts qui soyent considerables. Il y en a bien encore pis : c'est que ceux qui cosnoissent ces fautes et maladies, et qui y ont interest , tel qu'avoit le mareschal , sont le plus souvent contraincts, mal— gré qu'ils en ayent, de patienter et dissimu— ler, demeurans exposés à la discretion, bien souvent trop indiscrette , des grands qui ont le maniement près du maistre , la pluspart desquels assouvissent leurs passions aux despens de son service et reputation, le rangeant, s'il n'est bien advisé, à tel poinct, qu'il met le pied sur la gorge à celuy qu'il devoit le plus honorer. Le mareschal recommanda aussi à Sa Majesté la grande vertu, valeur et affection des seigneurs de Nemours, d'Aumalle , de Bonnivet et Gonnort, entoutes sortes d'affaires, la suppliant en vouloir faire

quelque demonst ation digne de sa bonté et |

de leur merite , à fin de les animer, et les autres aussi, par cest exemple, à faire de bien en mieux. A quoy le connestable, mieux informé que precedent il n'estoit pas, disposa si bien le roy, que tous ces seigneurs demeurerent fort contens et satisfaicts, et les provisions acheminées.

P En ce temps il print envie aux capitaines Malherbes et Achaux, qui avoient la garde des chasteaux d'Aviliane et de Ravel, de quitter leurs charges pour servir la campagne. Chacun ayant remis sa place entre les mains du roy, il commanda au mareschal de luy nommer deux autres personnages propres à leur succeder ; mais luy, qui se souvenoit de ce que Sa Majesté luy avoit faict

dire dès le commencement de la guerre pour semblables provisions, ne voulut entrer en ceste nomination, luy semblant, comme aussi estoit-il veritable , qu’elle servoit d’une tacite responce et garentie sur Ce qui en pouvoit après advenir : suppliant Sa Majesté faire elle-mesme ceste eslection, et qu'il luy suflisoit de rendre compte de sa charge, sans s'obliger pour celle d'autruy.

| Et pour autant qu'il n'a encores esté faict aucune mention du nombre des villes et chasteaux qu'il faloit lors garder en Piedmont, il pourroit advenir que quelqu'un qui remarqueroit le nombre d'hommes qu'il y avoit, jugeroit qu'il n'auroit tenu qu'au mareschal qu'il n'eust entreprins plus avant qu'il n’avoit faict, je n'ay estimé impertinent d'inserer icy le mesme roolle qui en fut baillé à Plancy pour porter au roy, cottant sur chacune Ie nombre d'hommes qu'il falloit pour simplement les garder de surprinse , car , en cas dé force ouverte, il eust esté necessaire de la redoubler en aucunes d'icelles. |

À Tburin, ville capitale de la province, deux mil hommes.

À Chivas, mil.

À Montcallier, trois cens.

À Quiers, mil.

À Sainct-Damian', quinze cens.

À Carignan, cinq cens.

À Pignerol, cinq cens.

À Saviglan, six cens.

À Cental, quatre cens