LIVRE DEUXIÈME
bGL
hors d'offense , en trois halenées, monter la montagne et gaigner le pied de la bresche, et, à la faveur de l'artillerie, donner dedans ; que le semblable se peut aussi faire en mesme temps du costé de la ville , avec esperance que, là où il adviendroit que la chose se trouvast plus rude ou plus diflicile que nous n’esperons pas , que vostre vertu, valeur et devotion, esprouvée en plus grandes choses, sera celle qui la surmontera ; à quoy faire, s’il vous plaist, vous m'aurez pour compagnon et pour coadjuteur. Ce sera maintenant à vous , messieurs, à bien considerer, non seulement les facilités et les impossibilités de l'entreprinse , mais aussi celles que l'ennemi nous y peut apporter , et duquel, comme vous sçavez trop mieux, il faut tousjours faire le compte plus advantageux qu'il n’est pas , à fin d'estre moins exposés aux injures et aux inconveniens. Cela faict , nous attaquerons ce qui sera le plus facile , le plus necessaire et le moins hasardeux : de mesme suitte nous emporterons aussi, ayans ainsi nettoyé, le chasteau de Viu ,qui est une place située parmy des ours et des precipices inacessibles , et auquel Ia valée de Lanz va aboutir , pour tirer contre le Montdevis et la Novaloise qui en fait le pied. »
Ces seigneurs, qui sçavoient que ler mareschal n'entreprenoit jamais semblables jeux s'il ne se voyoit en main de quoy gaigner la partie, trouverent tous fort bonne l'entreprinse de Lanz, promettans de ne rien espar— gner de leur part pour en avoir l'heureuse fin, que dès maintenant ils se promettoient par sa prudente conduicte.
; Ayant par ce moyen l'entreprinse de Lanz et de Viuesté resolues , le mareschal , le dixhuictiesme du mois, assembla de toutes les garnisons jusqu à cinq mil François et douze cens Italiens , et environ douze cens chevaux, donnant charge au sieur Francisque Bernar— din de se mettre devant avec deux cens chevaux et quatre cens arquebusiers , pour aller gaigner la ville et l’advenue du chasteau, pendant que le reste de l’armée le suivroit avec dix canons et deux coulevrines. Cette petite troupe avec le conducteur fit si bien, qu'elle sc rendit maistresse de la ville, mettant par les chemins en pieces quarante ou
cinquante soldats , qui estoient sortis de Vulpian pour aller à la busque..
+ Le vingticsme du mois l'armée arriva à Lanz, où nous trouvasmes les nostres escarmouchans avec ceux de dedans, qui avoient fait une saillie. Le sicur de Bonnivet, de pleine arrivée , les fit si rudement saluer , qu'il en demeura dix ou douze , que morts que blessés.
Par iceux on apprint que ceux de dedans ne se doutoient aucunement de ce siege , et qu'ils avoient delibcré de faire leur devoir attendant secours. Ces choses entendues , le mareschal alla luy mesme recognoistre la place, laquelle il trouva forçable par deux endroicts, Selon qu'il a esté cy devant discouru , mais qu'il y falloit et du temps et de la peine plus qu'ilnc luy avoit esté rapporté; à l'abregement desquels il trouvoit un seul remede , c'estoit de monter une ou deux picces sur un haut rocher qui estoit de l'autre costé de la vallée, et qui regardoit quelque peu par courtine l’endroict qu’on vouloit battre par vallée : mais la grande roideur de la montagne rendoit ceste execution fort diflicile. Toutesfois Gonnort, frere du mareschal, autant sage en conseil que deliberé aux plus difliciles entreprinses , ne voulant laisser les choses en si beau chemin, entreprint de monter l'artillerie à force de bras, si faire se pouvoit. Et ayant peu après esté bien recognoistre toutes les advenues de ce rocher", il print trois cens bons hommes avec lesquels il mit soudain les mains à l'œuvre, travaillant avec telle diligence et affection, -uy et toute sa troupe , que le lendemain les deux pièces se trouverent logées sur la platteforme , et prestes à tirer quand il seroit com- .mandé : ce qui fut differé jusques à tant que la bresche commença à estre raisonnable, pour ne donner occasion à l'ennemi de se couvrir par traverse contre le mal que ces deux pieces pouvoient faire.
.« Cependant Caillac , licutenant general du grand maistre de l'artillerie , qui estoit puis .peu de jours venu en Piedmont , dressa diligemment deux batteries, l'une par la ville, et l'autre par le bas de la vallée. A celle d'en “haut , les ducs de Nemours et d’Aumale demanderent à commander , et à celle de la val- Jée Montmorency et Bonnivet. Le lendemain, dès le point du jour , l'artiherie commença à
MÉMOIRES DE BOYVIN DU. VILLARS
tirer en batterie sans intermission. Ceux de dedans ne s'espargnoient pas non plus, tirans continuellement force arquebusades, et, selon le beau jeu qu'ils voyoient, quelques coups de coulevrine , endommageans par le costé de la ville grandement les nosires. Mais ayant le duc de Nemours en fin observé que les pieces de l'ennemi ne monstroient jamais le nez qu'après la vollée des nostres , la fumée desquelles leur servoit de couverture , il commanda à un canonier , nommé Seisneuret, et qui étoit fort adextre à ce mestier , de pointer et braquer sa piece droict au flanc par où cette coulevrine tiroit , et de n’y donner feu qu'après la vollée des autres pieces, à fin de l'embouscher , ou desmonter entierement. À quoy il ne faillit pas, car au mesme instant que le canonier de dedans s’avancoit pour donner feu , cestuy cy le mit aussi, et tant à propos , qu'il embouscha la piece , et blessa si bien le canonier qu'il ne peut depuis servir. La batterie continua tout le jour , mais la muraille se trouva si forte que la bresche ne paroissoit encore gueres.
Le lendemain elle recommença avec telle furie, qu'il tomba plus de quatre toises de muraille du costé de la vallée. Quoy voyant Brissac , il commanda soudain que les deux coulevrines qui estoient sur le rocher commençassent à tirer dans les ennemis, qu'ils voyoient de là hant à descouvert , et tout de
mesme à Bonnivet de marcher avec ses trou-
pes à l'assaut. Ce que voyans les ennemis, qui estoicnt tant las et recrus pour avoir esté tenus nuict et jour en continuelles alarmes qu'ils n'en pouvoient plus, ils donnerent la chamade, laquelle ouye le mareschal envoya vers eux Francisque Bernardin, qui rapporta qu'ils demandoient à parlementer, et que ce pendant la batterie cessast ; ce qu'il fitau commencement difficulté d'accorder pour tousjours plus les intimider. Toutesfois, ayans envoyé dehors quatre otages, Francisque Bernardin et Monbazin furent envoyés, et moy avec eux , pour accorder sur la reddiüon de la place, sur quoy fut en fin faict cette Capitulation : a
« Capitulation accordée entre les seigneurs Fraucisque Bernardin de Vimercat, et de
