LIVRE TROISIÈME

advis. Toutesfois le Siennois ne laissa de voir

ouvrit tout à fait [a boutique, declarant à Ludovic de Birague que, s’il pouvoit trouver moyen de faire couler jusqu'à Milan cent ou six vingts, que François que Italiens, bien determinés, et mesmes aucuns qui eussent à commandement la langue espagnole, qu'il se faisoit fort de les faire entrer dans la ville et dans le chasteau , les retirans en une sienne maison qu'il avoitprès d'iceluy, avec esperance de le prendre par leur moyen, et le tenir pendant que le secours viendroit. Il dict aussi avoir observé qu'au caresme-prenant tous les pentils-hommes et tous les soldats qui n'estoient de garde sortoient du chasteau et alloïient coucher en ville, pour plus commodement s’esbattre parmy les festes ct parmy les comédies qui sont fréquentes ce jour là dans la ville ; que le chasteau ainsi destitué estoit prenable par une canoniere qu'il avoit recognue. Ludovic de Birague loua infiniment l'invention et l'affection du Siennois à si haute entreprinse , le priant la tenir secrette jusqu'à tant que la France ouvrist la guerre à l’em- Pereur, ce qui adviendroit bientost; que cependant il lui feroit fournir trente escus par mois pour son entretenement, qui luy seroient deboursés dans Milan; prenans entre eux et chiffre et marques pour seurement traicter et conferer par après. Le Siennois $ ayant receu quelque centaine d'escus, s'en retourna fort content et fort deliberé.

… Peu après l'ouverture de la guerre, Ludovic de Birague communiqua tout ceCy au mares- Chal , afin d’adviser par ensemble ce quiseroit à faire. Le faict, portant avec SOy une consequence inestimable pour la conqueste de l'Italie, esveilla le cœur et l'esperance aa mareschal, lequel fut d'advis que les choses fussent maniées entre eux sans les communiquer au roy, jusques au coup de l’execution ; et qu'il depeschast vers le Siennois quelque sien fidele ami ou serviteur, pour luy donner advis de la communication ainsi donnée au mareschal , et de la resolution prinse à cultiver les fruicts de son labeur et intention, et sur tout pour entendre de luy en quels termes estoient les affaires, et son advis sur le.total pour y donner la derniere main. | Le capitaine Pedre Marie Bresignelle, fort accort et vaillant soldat, fut depesché, pre=

nant le chemin des Grisons, pour de là aller tomber en seurté vers Milan, où Dieu le conduisit à sauveté, avec quelques cscus qu'il portoit au Sicnnois. 11 le trouva non seulement en Ja mesme deliberation premiere, mais aussi tout preparé à donner feu à la mine. Pour à quoy parvenir plus seurement il avoit desjà loué une maison près le chasteau, où tout le jour, par artifice pourpensé, se trouvoit une infinité de jeunesse; les uns tirans des armes, et les autres jouans, chantans ou dansans, et en fin faisant tel tintamarre, que les passans s'y amusoient aucunes fois pour voir que c'estoit; mais cela estoit desjà passé , lors de l'arrivée de Bresignelle, en telle coustume qu'on n'y prenoit plus garde. 11 l'avoit ainsi advisé, afin que quand il auroit recueilly une trouppe de gens de guerre, que le bruict qu'ils pourroient faire ne tirast aucun en SOupÇon de ce que ce pouvoit estre.

k Il trouva aussi qu'il avoit luy-mesme faict de sa main deux eschelles de corde, l'une grande et l'autre mediocre; autres deux de bois de mesme forme que la grande, estans de deux pieces qui se remboittoient ensemble. En cest endroict les choses furent mal basties, et pirement recognues, comme vous verrez Cy-après.

k Que les affaires du chasteau estoient et seroient au mesme estat qu'il avoit discouru au sieur Ludovic, et qu'il ne faloit plus penser qu'à se preparer pour l'execution au prochain caresme prenant, qui se faict et se continue à Milan jusques au premier dimanche de caresme , et s'appelle parmi eux 5! vecchio carnovalle. Qu'il faloit de bonne heure penser à se rendre si forts en Italie, que, l'execution succedant par la main de si petit nombre d'hommes, il y eust soudain dequoy les secourir , asseurer ct poursuivre la conqueste, laquelle apporteroit de toutes parts tel estonnement , qu'il seroit aisé à s'emparer de toute la duché de Milan et de se saisir de tous les officiers et ministres de l'empereur, desquels on tireroit dequoy payer leurs labeurs et despenses. Est à noter en ce fait que leur resolution estoit de prendre vifs, si possible estoit , les principaux chefs du chasteau, et la dague à la gorge les mener sur le por-

MÉMOIRES DE BOYVIN DU VILLARS

(1552; tail, et leur faire dire à ceux de la ville qu'ils envoyassent querir le sieur domp Ferrand, tous les seigneurs du conseil d'estat et Îles presidens , pour remedier à un desordre quil y avoit là dedans; tous lesquels, à mesure qu'ils entreroient dans le portail, ils mettroient prisonniers en attendant le secours des nostres. Le complot eust esté fort réussible si la fortune n eust tout renversé.

Ces choses ainsi fidelement rapportées au mareschal, present Ludovic de Birague, il fut resolu que luy-mesme, en habit desguisé , s'en iroit à Bergame , et que de là il se rendroit en une cassine, c'est à dire mestairie, sur les confins de la duché de Milan, pour sourdement tirer à leur cordelle deux mil Suisses et deux mil Italiens des terres de la scigneurie de Venise, afin d'estre preparés pour soustenir l'execution, comme auss pour recevoir les soldats qui seroient envoyés de Piedmont, leur donner instruction et les introduire dans Milan, et mesmes ordonner au Siennois ce qu'il auroit à faire pour reduire les choses à ceste projectée et desirée perfection: que, pour ne rien faire ou entreprendre mal à propos, je serois depesché vers le roy pour donner communication du tout à Sa Majesté, et la supplier tenir la chose secrette , et cependant faire tenir preste une levée de six mil Suisses, et du costé du Lyonnois une trouppe de cavalerie, pour les faire marcher à grandes journées selon ce qu'il leur commanderoit, et que l'on auroit nouvelles certaines et asseurées du bon ou mauvais succès de l'affaire, de soy assez incertain; et que luy mesme, avec une trouppe choisie et deliberée , se tiendroit prest pour marcher au premier vent qu'il auroit de l'execution , laissant Bonnivet au Piedmont pour commander en son absence. Je fis le voyage, et rapportay du roy promesse de taire et de faire tout ce que j'avois demandé, et pour moy la promesse de la generalité des finances , que le roy me promit fort liberalement. Pendant que je fis le voyage le mareschal fit choisir parmy toutes les bandes, de cent à six vingts des meilleurs soldats, que Gascons, que Biarnois ct Basques, qui se peurent trouver ; il leur fist faire commandement de se tenir prests pour marcher , et sans au-

tres armes que l’espée et la dague , au 'premier commandement qu'il leur feroit.

, Soudain que je fus de retour , il me commanda de recevoir en ma chambre ces soldats, qu’il y envoyeroit cinq à cinq seulement, pour estre enregistrés et recevoir de ma main vingt-cinq escus chacun, et un memoire du chemin et de ce qu'ils auroient à faire, et lequel je mettrois en la main de celuy seul qui devoit conduire et commander ses quatre compagnons, sans que les autres en eussent COgnoissance.

x Le memoire portoit le lieu et les journées que ils devoient faire afin que les cinquaines ne s'entre-rencontrassent , comme autrement elles eussent peu faire. Le rendez-vous estoit de se rendre, par la vallée Camonica, au Bergamasque , et de Ïà en la cassine où estoit caché le Birague , lequel avoit donné tel ordre conforme au memoire susdict , qu'au sorür de la vallée la premiere cinquaine, et de main en main toutes les autres, trouvoient paysan ayant un chappeau de paille avec deux plumes de faisan , et auquel tout aussitost celuy qui commandoit devoit demander :

O buon compagno , vuoi tu vender ms quella capellina ? à quoy il devoit respondre : Messer no , ne ho bisogno per me. C'estoit le mot du guet, lequel ainsi recogneu , ce chef, sans plus mot dire, suivoit le paysan, lequel le conduisoit à la cassine, où soudain il montoit au colombier où estoit caché Birague, duquel il recevoit le commandement et le contreseing pour se rendre à Milan. Ce commandement estoit tel : assavoir qu’il eust à suyvre, au sortir de Ja cassine , certain autre paysan qui auroit une sequenie de toile bleue et gamache de mesme; que aussitost qu'ils auroient passé la riviere d'Agde au port de Vaure, qu'ils cheminassent jusques à l'annuictement au pont du Navile de Milan, proche du monastère des Anges , sur lequel estant arrivés que le chef branslast tout doucement une sonnette de la façon qu'on luy avoit baillée ; et qu'aussitost qu’il oyroitla responce d'une mesme sorte de sonnette , qu'il demeurast arresté , et que lors il verroit sortir de dessous le pont un homme qui estoit le mesme Siennois , lequel leur diroit « Vous soyez les bien venus, suyvez-moy ; ce qu'ils