LIVRE QUATRIÈME

faire à Wimpfen, au lundy d'aprèsle dimenche de Oculi, elle a esté diflerée pour la’maladie du comte palatin, qui est au lict malade. A ceste cause les princes s'assembleront à Haidelberge , et dès le dixiesme de ce mois, venu à Haidelberge le duc de Bavieres en personne. On attend le duc de Wirtemberg , les evesques , le maistre de l'ordre d’Allemagne , et je ne sçay quels autres. Aucuns dient que les electeurs du Rhin iront là. Je mettray peine d'entendre ce qui s'y er PORE vous en donner advis.

» Le marquis Albert voudroit bien que les evesques luy tinssent promesse ; car , encores qu'il face du courroucé et qu'il menace lesdicts evesques, neantmoins on estime qu'il sera bien diflicile de venir à bout d'eux , ainsi equippés et en ordre qu'ils sont, si ledict marquis n’est secouru d'ailleurs. Mais après que l'assemblée de Haidelberge sera depar-tie, l'on verra la fin de ceste affaire.

» Le duc de Wirtemberg est encores en:

armes : environ le premier jour de mars ; à la premiere monstre qui a esté faicte de ses subjects, on a choisi seize mille picquiers, six mille ballebardiers et deux mille arquebusiers , ainsi que l'on m'a escrit de Thuringe.

» “Chacun se desfie de ses voisins, de sorte que ceux d'Auspourg ont. tousjours leurs six enseignes , et soudoyent par sous mains quatre cens chevaux qui n ‘attendent que de leurs . nouvelles; ils ont d'avantage six autres Capitaines, lesquels ils entretiennent pour assembler gens incontinent que l'affaire le requerra.

» Ceux de Nuremberg sont en plus grand equipage; le marquis Albert a refusé leur bailler sauf-conduict pour aller par le païs de Bamberge , mais leur a dict un autre chemin par lequel ils pourroient seurement envoyer leurs marchandises aux foires de Francfort :

en somme , il y a quelques commencemens qui prognostiquent un pre trouble pose l'Alemagne. :

» Combien que je ne doute que vous n° ayez entendu par Justus Jonas les nouvelles des affaires de Saxe , toutesfois , pour vous faire foy de ma diligence , j'ay advisé de vous faire sçavoir ce qu'un de mes amis m'a escrit dudict pais de Saxe, par homme qui est veny

exprès de deçà qui arriva hier; et m'a esté escript de mot à autre comme il s'ensuit :

+ Je vous ay n'agueres escript de l'armée de Saxe du comte Wolrad, comme elle est partie de Gaudershem et de Sem, de là elle est venue devant Alfeldt ; et peu après , ayant en une escarmouche perdu quarante chevaux, en est partie et s'est retirée en l’evesché d'Alberstat et à Campe, près la ville de Osternhem , où celle a sejourné quelque temps; et après, ayant ledict evesque donné dix sept mil tallers pour se redimer du travail et brus- Jemens que faisoit ladicte armée aux habitans du puis , dont a esté distribué à chacun des gens de gucrre un florin, est encores ladicte armée retournée le 45 fevrier au pais du duc Henry de Brunswich. Alors le conseil dudict duc Henry de Brunswich a tant faict, qu'il a impelré treves pour adviser de pacifier ce trouble , lesquelles treves toutesfois’ n'ont duré que trois jours, d'autant que, estant leurs demandes desraisonnables , on les a envoyés sans rien faire. L'armée , partant de là, est venue près de Hildezhem , et estoit bruict du comte Wolrad , du duc de Holsten, et que ledict duc devoit prendre possession de l'evesché. Il estoit aussi grand bruict qu'il venoit argent; mais les gens de guerre ne pouvans plus attendre, et voyans que leur payement et la venue dudict comte estoit differée de jour à autre , ont faict un grand tumulte, , de sorte qu'on n'a peu appaiser ladicte armée par prieres, promesses ou admonitions quelconques , ets’est toute desbandée. Les gens de pied avec leurs enscignes desployées se sont separés çà et là ; les gens de cheval ont retenu l'artillerie.

t » Il y avoit lors en cette trouppe quatre gentils hommes du marquis Albert, qui ont pris grand peine de retirer les gens de pied et de cheval; mais ils n'y ont rien profité.

Le duc Henry de Brunswich a aussi voulu avoir toute ladicte armée , et a fait de belles promesses; mais il n'a semblablement rien faict. En fin le duc Maurice a mis en avant par les siens pour se faire recognoistre pour chef, sans avoir aussi rien gaigné fors mille chevaux qui s'en sont allés à Magdeboursg ;

les autres sont entrés dedans Brunswich avec leur artillcrie.

MÉMOIRES DE BOYVIN DU VILLARS

» Je vous escriray en bref comme les gens de pied se sont escartés çà etlà. Mais j'estime qu'après que ceste premiere ardeur et insolence des gens de guerre se sera un peu passée, que le duc Maurice les aura , et, si je ne suis bien trompé, on a exprès faict ceste sedition pour casser ceste armée sans aucun payement , car il estoit deu à aucuns le payement de quatre mois, et eust esté besoin d'une bonne bource pour satisfaire à tous ; et par ceste practique le duc Maurice aura moyen de recouvrer ceste armée, et de present il fournist à chacun desdicts gens de cheval, par chacun mois, cinq tallers jusques à ce qu'il leur face sçavoir ce qu'ils auront à faire.

» Le comte Wolrad a laissé garnison à Stenubruel , et y a mis vivres, de sorte qu'il ne sera aisé au duc Henry de Brunswich de recouvrer ceste forteresse ; mais on estime qu'il est en plus grand danger qu'il n'estoit à cause de ceste nouvelle practique quise manie avec grande industrie et dissimulation. On voit en ces quartiers des ambassadeurs françois , et incessamment se dépeschent des courriers, tant de la part du duc Maurice que de cestelà du land-grave. On faict une grande assemblée à Lubec , à laquelle s'est trouvé pour le duc Maurice Christophe Alvoyd, chancelier de Haidfelt. Ledict comte Wolrad s'est trouvé à caresme-prenant avec le duc Maunce à Dresde. En somme , il approche une grande foudre , Dieu sait à qui. Hier, qui estoit le dimanche de Reminiscere , le duc Maurice a faict assembler à Lipse ses subjects et sa noblesse , et vous advertiray de tout ce qui surviendra.

» Depuis quatorze jours en çà sont decedés quatre comtes, qui estoient les comtes de Salms, Salis, Rudolphe Furstemberg fils de Frederic ct le land-grave qui avoit espousé la fille du comte de Hanau.

» Depuis les dernieres lettres venues de Terouene, se sont faictes en ce lieu deux belles choses : l'une fut, il y a six jours, que je fis sortir le capitaine Forces avec quatrevingts hommes en une tranchée près le chasteau, laquelle fut soudain abandonnée par les ennemis se retirans à une seconde tranchée large et profonde, y estant grand nombre d'hommes et tenant au camp de leurs Alle-

| SR — EEE ER

[1553] mans, à laquelle ils combattirent à coups de picques et de hallebardes ; mais ils furent contraints se retirer, et y eut un grand carnage, parce que tous nos arquebusiers tiroient de ladicte tranchée et en fond et aux deux flancs ; et demeurerent maistres desdictes deux tranchées long-temps, sans qu'ils en partissent sinon à leur volonté ; et r'apporterent cinq petits faulconneaux et de toutes sortes d'armes , tant picques, hallebardes, espées qu'autres armes, en sorte quil n'en revint un seul qu'il ne r'apportast quelque chose : et se retira ledict Forces bravement et en homme de grand service tel qu'il est, sans perte d'un seul, sinon deux blessés qui se portent bien maintenant. Depuis tout ce, lesdicts ennemis nous ont retranché tout autour de la ville et d'un fort en l'autre ; et il y a quatre jours qu'ils ont mis au haut de La Justice d'entre Sainct Jean et Sainct Augustin quatre couleuvrines qui tirent au travers la ville, et quelques autres semblables "qu'ils ont mises à leur fort qui est sur le chemin de Hesdin tirant aussi à la ville; et ce matin en ont amené deux dudict fort le long d'une grande tranchée au bout de nostre chaussée , à l'embouchure du chemin de Gmegnate, desquelles ils nous battoient nostre porte et nostre moulin. Ne estans contans de ce M. de Montmorancy , ny le sieured'Esse, ils envoyerent M. de Warty et M. de Rantiony, avec soixante chevaux de mondict seigneur de Montmorancy, droict à ladicte tranchée où estoit assise ladicte artillerie, où ledict sieur de Warty a aussi sagement et aussi vaillamment travaillé et executé ce qui avoit esté entreprins, que jamais homme fist , estant si bien suivy et si bien obéy qu'il vous y a fuict un grand service. Luy, ledict sieur, et Rantigny et sa trouppe , ont porté chacun un arquebusier en crouppe jusques à ladicte tranchée, lesquels estans conduicts par le capitaine Goille qui a faict en sorte qu’il a emporté le dessus de ladicte tranchée. Et après luy tost sont venus cent corsellets que conduisoit le capitaine Alonze , licutenant de M. de Losses, qui estoient ensemble deux cens hommes et vingt-cinq arquebusiers allemans : lesquels tous ensemble ont si bien joué leur jeu, qu'ils se sont faict faire place autour de ladicte ar-