LIVRE QUATRIÈME

et dès le vendredy M. le condestäble devoît partir pour gaigner le devant, à fin de dônner ordre à toutes choses qui il verra estre requises et necessaires auparavant. Depuis cela par ceste victoire le duc Maurice ne jure que par la foy qu'il veut doresnavant porter au roy, de maniere que l'empereur se troùve à present bien esloigné de l'effect de ses princibaux desseins. Escript à Compiepne le vingtiesme jour de jun 4553. HENRY. DUTHIER.

Le 21 juillet 1553, le roy manda au mareschal que, le jour precedant les nouvelles qu'il lui avoit envoyées d'Allemagne sur là deffaicte du marquis Albert, il fust adverty de la prinse de Hesdin faicte par les enneris, lesquels, après leurs grandes batteries et àaésaux donnés, au dernier desquels le duc Horace avoit esté tué, et dont Sa Majesté portoit tel regret et ennuy qu'il pouvoit penser , orès qu'ils eussent perdu un grand nombre de leurs gens et des meilleurs qu'ils eussent , et quelques uns de leurs capitaines , estoient venus aux mines et à la sappe, lesquelles ils avoient tellement continuées sans aucun intervalle de temps , qu’à la fin ils avoient faict tombér la pluspart des remparts de la place, de sorte que ceux de dedans s'estoient trouvés découverts jusques àu milieu de ladicte place, qui est petite , et eux contraincts de parlementér et se rendre, estans les ducs de Bouillon et comte de Villars faicts prisonniers avec quelques autres; et encores qu'il y ait peu dé perte de gens, si est-ce qu'il sont beaucoup plus à plaindre que la mesme place ; pour là garde de laquelle y alloit plus de réputition que d'importance et utilité dont l’on pensoit qu'elle fust : que, voyant cela, elle avoit fait incontinent partir le connestable pour aller devant donner ordre au faict de l'armée qui s’en alloit toute preste, et où Sa Majesté esperoit se trouver bientost , et prendre la revanche à son tour de ce que l'on à faict sur elle, en sorte que l'ennemi trouvera ( si Dieü plaist n'y avoir pas grand advañtapé. Du 21 juillet 1553.

L'importance de la ville d'Albe, le goùvernement de laquelle fut donné au sieur de Lvoux , frere de Montluc , maistre de camp, donna occasion à monseigneur le maréschal

de croire que l'empereur feroit tous ses efforts pour la recouvrer , et que par ainsi il la falloit tellement fortifier au dedans par grandes tranchées et traverses , et au dehors par nouveaux bastions , mesmes estant commandée comme elle est par un costeau qui est tout joignant , et la pourvoir aussi de telle quantité de vivres et de soldats , qu'elle peust atiendre un long siege et une furieuse batterie. La charge de tout cecy , et de commander et de combattre la place, fut donnée à Bonnivet , colonnel, avec treize cens François, six cens Allemans et autant d'Italiens, sous la charge dudict Venture d'Urbin, choisi parmy tous les autres par Bonnivet , cinquante gentils-hommes volontaires, et deux ‘cens chevaux. Ce seigneur mit soudain la main à l'œuvre , et en telle diligence , que la place, avec l'aide des soldats et des habitans qui travailloient à l'envy l’un de l’autre, fut en six sepmaines si bien pourveue et accommodée , qu'ils avoient tous plus de peur que cela decourageast l'eunemi de les assaillir , que de crainte de l'estre. Domp Ferrand , supportant mal-volontiers ces frequentes secousses, et desirant y remedier , ne perdoit temps à assembler gens et argent pour venir attaquer Albe ; et de fait , s'estant jetté en campagne, i se vint presenter devant la ville avec son avantgarde , composée d'environ quatre à cinq mil hommes de pied. Soudain Bonnivet jetta dehors environ trois cens des meilleurs soldats françois et italiens , departant le reste, partie en la place de la ville, et l'autre ès environs des murailles ct des portes. Ceux-cy attaquerent soudain une si furieuse escarmouche contre les Espagnols qui s'estoient avancés jusques près la contre-scarpe , pour donner moyen à domp Ferrand de mieux recognoistre l'estat de la place , qu'ils les firent reculer plus de deux cens.pas. Le combat dura près de deux heures ; il y mourut environ vingt-cinq des nostres , et deux braves gentils-hommes , l'unnommé le capitaine Tortorin , et l'autre Appate, de nation basque, et de ceux de l'ennemi de cinquante à soixante, à ce qui fut depuis sceu par les païsans qui baillerent les charettes pour les emmener, avec plusieurs blessés. Tant y a que domp Ferrand trouva les choses en tel estat, qu'il

MÉMOIRES DE BOYVIN DU VILLARS

print resolution de laisser ceste-cy et d'aller attaquer Sainct-Damian , comme il fit environ le dixiesme d'octobre 1553, qui est le mesme temps que l'empereur attaqua Mets, qui luy servoit jadis de propice magasin contre la France.

Les affaires ayans prins quelque relasche après ces factions , le mareschal print resolution de se jetter à la campagne : pour ce faire il commanda aux trouppes sortir des garnisons et de se rendre à Carmagnolles au trentiesme jour d'avril, où il se rendroit aussi, comme il fit deux jours après. Il n’y fust pas plustost arrivé , que tous les seigneurs et prin- Cipaux capitaines de l'armée le vindrent trouver , tant pour, à leur accoustumée , le saluer , que pour le prier de vouloir au plustost faire faire la monstre. Pourquoy faire avant fait mettre l'armée en bataille , et recognu le nombre d'icelle , il trouva environ huict mille, que François , que Italiens , deux mille Allemans sous Roquendolfe et trois mille Suisses, quelques arquebusiers à cheval, deuze cens chevaux , tant hommes d'armes que chevaux legers. Ayant mis en ordre toutes choses necessaires pour uluilement employer ces forces, il marcha du costé des Langues , qui est une province montucuse , regardant la rivicre de Gennes, pleine de trafic et fort peuplée de chasteaux , avec intention de manger et consumer le païs ennemi , et d'assullir , selon le beau jeu que la fortune luy cffriroit et la qualité de ses forces le pourroit porter, Ceve, Courtemille ou Savonne. Pendant qu'il en bastuissoit et cspioit les moyens, il s'adonna à prendre plusieurs petits chasteaux qui luv pouvoient apporter domination dans le pais et faciliter son dessein. De premiere abordée il attaqua Gravesane , qui fut emporté ; delà on marcha contre Serraval , où s’estoient niches un tas de brigandeaux, lesquels firent contenance de vouloir attendre de canon : deux coulcvrines furent bracquées , lesquelles en moins de rien firent quelque apparence de bresche. Les François, sans attendre commandement , donnerent dedans , la forcerent, tuerent tout ce qui s’y trouva , excepté cinq ou six pauvres soldats qui furent depuis pendus en vengeance du Guierche Racanat , pendu à Sainct Martin. Voilà comment les genc-

mn — " ""2# eee ae "#0

OO D eme

raux d'armée‘ doivent estre retenus en ces executions de justice parmy la licence des armes; car la vengeance en tombe puis sur tel qui par sa valeur peut donner une victoire de ville ou de campagne. Pendant qu'on attaquoit cestuy-cy , Montluc alla aussi denicher ceux qui estoient dans Dogliany, auxquels commandoit Leon de Belleparde , Espagnol, autresfois nourry en France, lequel ayant voulu faire du mauvais à credict , fut forcé et prins et prest à estre pendu , comme ceux de Serraval, sans l’importune instance et supplication que tous les capitaines françois firent au mareschal pour le garentir de mort : le plaisir par luy faict à aucuns, avec ce qu'il estoit fort galandhomme, luy moyennerent sa grace; verifiant par là que Dieu ne permet jamais qu'un bien-faict demeure sans contrechange.

Le temps etles affaires militaires, qui doivent estre balancés et mesurés à l'œil de la prevoyance , firentrecognoistre au mareschal qu'il ne pouvoit pour lors rien entreprendre sur Courtemille ny Savonne , et que la partie se pourroit mieux executer sur Ceve, qui n'estoit de moindre importance que Courtemille. Les choses deliberées , le mareschal fit marcher l’armée vers Ceve ; mais auparavant que de traicter de l’execution- de l'entreprinse , il faut representer la bizarre situation de la place. Ceve est un des anciens marquisats qui furent donnés par l’empereur Otho à Aleran son gendre , de longue main fugitif et puis recognu ; les partages qui ont été faits des descendans de l’un à l'autre, l'ont reduit en plus de deux cens portions , les unes si foibles qu'elles n'ont pas deux escus de rente , et neantmoins, chassans l'asne au moulin, veulent estre appellés marquis. Ce sont des traicts de la gloire et de l'ambition que nous ne pouvons quitter, pour bassement que la fortune nous ait renversés. La ville, assez grande et bonne, est située au pied d'un grand roc qui reçoit aisément Îa taille. En iceluy jadis certains hermites se logerent, cavans dedans eglise, chambres et autres commodités qui se sont peu à peu augmentées, ne laissans autre advenue pour y parvenir qu'un chemin de trois ou quatre pieds de large , avec un grand precipice au-dessous.

Or , les Genevois, qui voyoient avancer les