PRES ET

pence, longueur de temps et beaucoup de hasard. Le sieur de Richelieu en eut le gouvernement , duquel il s’acquita fort genereusement. Baptiste Fornar , gouverneur d’Albe lorsqu'elle fut prinse , devint depuis serviteur du roy, et 'se trouva en ceste armée, pendant le sejour de laquelle tous les chasteaux et bourgades des environs dudict Courtemille se vindrent presenter pour rendre obéyssance à Sa Majesté. Il n’y eut que celuy de Castres et de Cossan , dans lesquels il y avoit garnison , qui firent contenance de se vouloir faire battre ; mais, voyans marcher partie de nos trouppes , sous la conduicte de Bonnivet, ils furent assez laschement rendus. Le Fornar eut charge de garder Castres, pour de là dresser des practiques dans Gennes, dont depuis il s'acquita assez mal, verifiant la verité du proverbe italien qui dit: D’inimico reconciliato non ti fidar , se non vuoi esser gabato.

Pendant ces executions, le sieur domp Ferrand diligentoit l'amas de ses forces, en intention , comme le bruit couroit, de secourir la place ou de donner bataille. Or, tout ainsi que les infortunes qu'il avoit precedemment courues le pouvoient ranger à prendre ce hasardeux party, les prosperités au contraire du mareschal l'invitoient à s'en garder et à se retirer , non pas dans les garnisons, mais bien dans les tranchées de Poyrin ou de Carmagnolles, qui font quasi le centre du Piedmont , à fin de considerer de ]Jà les mouvemens de l'ennemi, et, selon iceux, s’advancer ou reculer; car, tout ainsi que la valeur et le sage conseil sont ceux qui, sous la benediction de Dieu, emportent la gloire des batailles , tout de mesme l'orgueil et la temerité les font perdre, ruynant l'utilité, la seureté et la gloire des conquestes precedemment faictes. Ne s'estans donc entrerencontrés, l'ennemi marcha du costé d’Ast, et nous de Poyrin, et de là aux garnisons. Ce.

pendant le mareschal ne perdittemps à Pourvoir toutes les places qui estoient du costé de l'ennemi. Cela faict, ayant esté adverty que domp Ferrand vouloit attaquer Villeneufve, il diligenta de faire de nouveau un corps d'arméc des trouppes qui avoyent sejourné par les garnisons , pendant que les autres tenotent la campagne , leur donnant le rendez-