XVI: siècs, La PI. et La PL

GUERRES DE BELGIQUE, LIV. X

lendemain le reste suivit, ainsi qu’il avoit esté promis, sans leur estre fait aucun tort ny destourbier, n’y demeurant un seul Anglois, mais bien une incroyable quantité de poudres, artillerie, munitions, laines et vivres qui ontesté réservés et retenus, et le surplus fut donné en proye aux soldats.

En ceste sorte, en moins de six ou sept jours fut reconquise toute la forteresse de la ville de Calais, que l’on estimoit pour le présent imprenable, devant laquelle, ainsi que le tesmoignent les chroniques de France, régnant PhilippesVI, dit de Valuis, et en Angleterre Eduard III, l’armée anglesque tint le siége l’espace d’un an entier. Finalement, estans les assiégés réduicts à telle nécessité et famine que de manger les rats et les cuirs de bœuf, estant dedans capitaine et chef un vaillant chevalier nommé messire Jean de Vienne, leur fut rendue le troisiesme d’aoust en mil trois cent quarante-sept. Et de laqueile ville iceux Anglois ont jouy depuis le terme de deux cens dix ans; tellement que maintenant l’on peult dire qu’en ayant esté par eux dépossédé un Philippes roy de France, estant un Philippes roy d'Angleterre, elle a esté réduite et remise ès mains de son vrai et naturel seigneur. Ainsi les faits esmerveillables de l'Omnipotent surpassent toutes les puissances et préméditations des hommes, quelque grands qu'ils puissent être. Il ne faut douter que, lorsque les Anglois l’usurpèrent, elle ne fust de beaucoup moins forte qu’elle n’est pour le jourd’huy ; car adonc, je pense, et comme encore l’on le peult veoir, elle estoit seulement fermée et close de murailles de pierre, avec force tours rondes, proches les unes des autres, percées pour tirer cassefrusts et flèches, et tous autres coups detraicts sans feu, à la vieille mode, sans aucuns rempars, ny autres artifices et fortifications inventées contre l’esmerveillable tempeste de l'artillerie dont à présent l’on bat les forteresses. Mais, en l’estat ou elle est maintenant, est jugée l’une des plus belles et fortes villes de guerre de l’Europe, d'autant qu'oultre ce que naturellement elle est située en lieu inaccessible, pour estre environnée des trois parts de rivière, ruisseaux ct marescages, et de l’autre flanquée de la mer, avec un fort grand et spacieux port, sans en estre en rien subjette ny commandée, artificiellement ils luy ont donné une forme plus quarrée qu’autrement, revestue par le de-

hors de remparts fort larges et massifs et bien conroyés ; ayant aux trois coings devers les malaires, bien flancqués et armés, pour couvrir et rets trois gros bouleverts en pointe et triangudéfendre les courtines; et à l’autre quarré, devers les dunes, est le chasteau, par lequel, pour n’en avoir esté cogneue, ou pour n’avoir remédié à l'imperfection, est advenu ceste dernière prise. Oultre plus, ceste ville est en tout environnée de fossés larges et fort creux, à fonds de cuve, tousjours pleins d’eaue, à cause qu’il y a une petite rivière qui vient devers Hames, laquelle passant à travers la ville les abbreuve et remplit; aussi que tous les autres petits ruisseaux qui résourdent dans ces marets, y tombent et s’y escoulent la pluspart. Mais, ce qui est encore plus à louer en une ville de guerre, il y a une des plus belles places publiques qu'il est possible, en laquelle pour le moins l’on mettra en bataille de quatre à cinq mille hommes, Pour conclure, je croy que ceste ville est accomplie de la meilleure part des perfections requises en une forteresse inexpugnable; et si le profit et le grand revenu du port l’améliore encore davantage, pour estre l’un des principaux et plus renommés de la mer Océane, auquel sont apportées de toutes les parties du monde jnfinies et inestimables richesses, et toutes sortes de marchandises, et de là aussi en après départies et distribuées en divers pays et régions; de laquelle traficque ct commerce revient journellement grand denier et émolument. En ce port à la prise de ceste ville furent trouvés, prins et saccagés quelques vaisseaux pleins et chargés de marchandises, et autres meubles de bonne estoffe et valeur ; et dit on que d’autres, se cuidans sauver à voile en mer, furent combattus et arrestés. Toutefois il est fort difficile le spécifier et déduire plus apertement, d'autant qu’en tels saccagemens et pillages le tout y est si confus quele plus souvent le faux y précède le vray. Pendant aussi que l’on comhattoit ceste ville, le tonnerre et le bruit de l’artillerieestant entendu d'Angleterre, ou bien estans advertis de ce siège, furent armés force navires, et remplis de soldats et toutes munitions pour y envoyer secours. Mais quand ils approchèrent, et qu'ils recogneurent les enseignes et croix blanches plantées et venteler desjà sur la tour de ; Risban et les murailles de la ville, sans appro-

cher davantage s’en retournèrent pour repor- :

FRANÇOIS DE RABUTIN

ter advertissement de ceste mauvaise adventure en leur pays.

Estant la ville de Calais surprise et emportée en si peu de jours qu’à esté dit cy-dessus, par la très prompte diligence de M. de Guyse, fut en après disputé et consulté auquel des deux lon s’adresseroit, ou à Gravelines ou à Guines, d'autant que ces deux forteresses sembloiemt estre comme les deux espaules ct appuis de ceste ville, et comme deux forts bouleverts et obstacles pour clorre les deux principales advenues, à scavoir, Gravelines pour Flandres et les Pays. Bas, et Guines pour France. Toutefois, toutes causes amplement débattues et espluchées, ln plus saine opinion résolut, à mon jugement, que Guines importoit plus pour la conservation de Calais que Gravelines, encore qu’elle fust plus forte et de difficile oppugnation. Selon lequel advis, ce prince d’invincible courage, et auqeel le travail de la gucrre est comme exercice coustumier, proposa l’assiéger, et n’en départir qu’il ne l'eust ou de gré ou de force. Parquoy, sans donner grand loisir à l’ennemy de respirer et penser aux remèdes, poursuivant de près sa victoire, le treiziesme de ce mois enveloppa et alla assiéger Guines, là-dedans estant chef un grand seigneur anglois, nommé millord Gray, avec force gens de guerre et de toutes autres munitions. D’arrivée, nossoldats francois, trou vans la ville abandonnée, s’y logèrent pour s’es aider à battre et assaillir la forteresse qui cstoit joignante ; mais les Anglois, les surprenans sur un commun désordre des logis, firent une sortie par une poterne du chasteau, et les en déboutèrent de première furie, et maugré cux mirent le feu par la meilleure part des maisons, puis se retirèrent. Tantost après, M. de Guyse, suivant son accoutumée célérité et promptitude, fit commencer Îles tranchées, encore que l'espouvantable et incrédible tempeste de Partillerie luy donnast tous les empeschemens qu’il estoit possible, ce'nonobstant, d’une obstinée asseurance, sans intermission fit poursuivre l’œuvre où luymesme, pour augmenter les courages et pour servir d'exemple à chacun, se présentoit le premier, et avoit aussitost la main à l’outil et à tirer et poulser le canon, que le moindre pionnier de toute la troupe. Et tellement continua à remuer terre et dresser gabionnades, que dans deux ou trois jours après il approcha et mit les bouches de son artillerie, au nombre de trente-

cinq pièces, en batterie, jusques sur le bord et contrescarpe des fossés, pour battre tant de droit fil qu’en croisant et traversant en trois endroits, principalement l’addressant à l’un des plus grands et principaux bouleverts qui. flanequoit d’un costé la courtine de la porte, et de l’aatre part leur grand boulevert., qu’ils appelloient le grand boulevert de la Cuve, entreprenant le plus fort de ces bouleverts, soubs espérance d'obtenir en après à bon marché les moindres et plus petits. Autant ou plus soudai-

nement commenca la batterie, laquelle dura sans :

cesse deux jours et demy en si esmerveillable furie et tonnerre, que le commun bruit est tel, en si peu de jours y avoir esté deschargés de huit à neuf mille coups de canon; de sorte qu'’estant ce gros boulevert désarmé et ouvert, la bresche apparut, dans le vingtiesme de ce mois, raisonnable pour l’assaillir et forcer. Ce néantmoins, M. de Guyse bien instruict, et sçachant en combien de sortes et artifices se peult raœustrer et réparer une bresche, et les moyens et ruses que l’ennemy peult inventer pour y attrapper l’assaillant et se fortifier au dedans, avant qu'y hazarder ses soldats, voulut à plus que d'une fois faire recognoistre ka bresche et l'accès pour y aller. Et pourtant du premier coup y envoya quatre soldats des plus dispos qu'il peut eslire, suivis d’une vingtaine d’autres braves et vaillans, qui en furent incontinent retirés par son commandement. Le lendemain de rechef y envoya cinq ou six autres soldats non moins hardis et adventureux que les premiers, lesquels donnèrent bon espoir et advenue de ceste bresche. Ce nonobstant, ce prince très humain, ne se fiant à tous ces rapports, pour ne vouloir exposer à crédit et à une soudaine fricassée la vie de vaillans hommes qui sont voloatiers des premiers en un bon affaire, encore une autre fois envoyasix vingtssoldats francois pour gaigner et préoecuper des premiers le dessus et le plus hault du parapect qui estoit du costé des

assaillans, afin de couvrir et soustenir certain mombre de pionniers qu’il y feit monter par mesme suite, pour applanir et adoucir la montée de la bresche qui estoit encore haulteet roide. Et commanda toutefois à ces six vingts soldats n’attenter ny entreprendre au par-dessus de leur charge et ce qui leur avoit esté commandé; à quoy ils obéirent, exécutans bardiment et vaillamment ceste entreprise. Et se peult croire

GUERRES DE BELGIQUE, LIV. X

que ce ne fut sans expérimenteret se soubsmettre à infinis dangers qui sont ordinairement prests et préparés à ceux qui font les premiers essais des assaults, combien que ce prince, les ayant en fort grand espargne, estimant leurs vies fort chères, pour les soulager les faisoit rafreschir: et rechanger de fois à autre. Enfin estant certain que le chemin estoit abaissé et préparé, commanda à M. Dandelot, général sur toute la fanterie francoise, se tenir prest avec ses soldats, pour, quand il donneroit le signe, se présenter promptement à Passault. Et luy, pour spéculer et veoir à l'œil le commencement et l'issue de ce qu'il en adviendroit, et, s’il estoit possible, le dedans de ceste bresche et l'appareil que nos gens y trouveroient, monta sur un tertre et colline assez haulte, d’où il descouvrit que pour soustenir et défendre cestc bresche ne se présentoient tant d'hommes qu’il doutoit etavoit en opinion. Parquoy tout à l’instant, ce mesme jour 20 de ce mois, feste Sainct-Sébastien, feit avancer et marcher droit à la bresche, pour ouvrir Le premier passage, un régiment d’Allemans esleus, lesquels, de grande asseurance et sans crainte, s’y enfournèrent. Par mesme moyen feit signe à M. Dandelot qu'il suivist avec ses troupes, comme il feit; et tout cela ensemble feit un merveilleux effort pour entrer, se plongeans la pluspart des soldats ct entrans dans l’eau et les creux des fossés, profonds de septante picds de haulteur, de telle ardeur et désespérée hardiesse, qu’ils en oublioient tout danger, fust de l'eaue ou du feu; encore que M. de Guyse eust fait bastir des ponts à travers ces fossés de pippes et vaisseaux vuides attachés les uns aux autres, sur lesquels l’on avait fait jetter et lier des planches et clayes, ce nonobstant, la véhémente furie les précipitoit et poulsoit tellement, qu’ils n’avoient esgard ny a ponts ny à passages, pour le seul désir d’y entrer. Toutefois leur impétuosité ne peut estre si grande et furieuse, que de premier bond ne fussent repoulsés par les ennemis, s’aidans fort bien de leurs feux artifieiels, et combattans pour leur tuition avec une estrange et incroyable obstination. Ce qu’appercevant M. de Guyse, descendit incontinent de ceste montagnette, et, se représentant au milieu d'eux, reprenant les uns, sollicitant les autres, leur remit de telie sorte le cueur au ventre, que, retournans visages et recommencans de plus belle, redoublèrent

un extreme devoir, et s’y esvertuèrent de telle force que les assiégés défaillirent soubs le fais, ne pouvans davantage soustenir ceste dernière recharge; et, estans ainsi renversés, abandonnèrent l’entrée et la bresche aux nostres, avec perte des leurs de plus de trois à quatre cens hommes, entre lesquels se trouvèrent près de quatre-vingts ou cent Espagnols des plus braves et de réputation qu'ils eussent; le surplus tourna le dos, et furent, ou tués à la furie, ou faits prisonniers. D’un autre costé, ce jour mesme, les Allemans du colonel Reichroch, conduits par son nepveu, forcèrent et emportèrent deux autres petits bouleverts qui aussi avoient esté patius, où l’on avoit fait bresches. Et ainsi fut ce jour du tout gagnée la basse court du chasteau. Le millord Gray, avant ceste perte, et prévoyant ce danger arriver, s’estoit retiré avec un sien fils dans le vieil chasteau et leur principal fort, qu’ils appelloient le boulevert de la Cuve, comme aussi estoient les principaux capitaines et meilleurs soldats, et avec eux avoient transporté leurs plus riches et précieuses bagues et meubles. Tous ceux-là, ayant quelque peu pour pensé a leur fait. ne se sentans assez asseurés et forts pour esprouver de rechef ceste effrénée et comme enragée furie des Francois, délibérèrent de parlementer. Et envoya le millord Gray ce jour mesme deux gentilshommes vers M. de Guyse, lui remonstrer qu’en défendant ceste place de marque et d’importance, à la garde de laquelle il avoit esté commis, il ne devoit trouver estrange ny mauvais s’ils’estoit, comme homme fidèle et selon son devoir, bien défendu et jusques à endurer Passault; faisant autrement, c’eust esté contre son honneur et sa foy, le requérant enfin luy octroyer une honneste composition. Ce prince, après avoir entendu ses propositions, en remit la response au lendemain, et non sans que depuis beaucoup d'hommes de bon jugementnesesoient esmerveillés comme ce millord Gray, que l’on a tenu entre les plus cxpérimentés capitaines de sa nation, perdit sitost cognoissance et entendement, et que si soudainement le cueur et le courage luy assoupirent, se rendant si légèrement, sans adviser et considérer qu'il estoit encore sur pied et presque aussi fort qu’en premier, ayant encore ce vieil chasteau sain et entier, de très forte et très ancienne matière, environné de fossés fort creux ct pleins d’eaue, où il eust fallu faire nou-

FRANÇOIS DE RABUTIN

velle batterie, et où. aussi il se fust peu retrancher, estant la place assez spacieuse. Oultre cela luy restoit ce gros et large boulevert de la Cuve, qui commandoit à tous les aultres, le tout garny d'artillerie et munitions, et défendu des mieux advisés et plus vaillans hommes qui fussent.

Mais en cela ne faut donner autre response, sinon que ce sont œuvres de Dieu, lequel, quand il luy plaist, déprime et rabaisse les grands, et fait faillir le sens et science aux sages, et extolle et eslève de mesme les petits et infimes. Or, le lendemain, qui estoit le vingt et uniesme de ce mois, M. de Guyse accorda ceste composition qui s'ensuit au millord Gray: que les soldats sortiroient avec leurs armes, mais que leurs enseignes demeureroïient dans la place avec toute l'artillerie, pouldres, boulets et toutes autres munitions, tant de guerre que de vivres. Quant au millord Gray et tous les capitaines et hommes de qualité qu’il avoit avec luy, ils demeureroicnt prisonniers de guerre, en la puissance du roy et de M. de Guyse. Estant ceste capitulation receue et approuvée des assiégés, le jour suivant sortirent de ceste place de neuf cens à mille hommes de guerre, partie Anglois, partie Bourguignons, et quelque nombre d’Espagnols, sans le menu populaire, qui prinrent tous tel chemin qu’ils voulurent, sans leur faire aucun mal ny desplaisir; et restèrent ou furent en

tout, par leur dire mesme, des leurs de morts

ou blessés, de quatre à cinq cens. Le millord Gray fut retenu prisonnier; aussi fut un capitaine espagnol que l’on appelloit Mont-Dragon, lequel, auparavant ayant esté prisonnier en la Bastille à Paris, s’estoit sauvé, et depuis s’estoit renfermé là dedans. Cela fait, M. de Guyse, pource que ceste place sembla dangereuse si elle estoit reprise, et grandement nuisible au chemin de France à Calais, mesmement pour estre fort proche d’Ardres; aussi que ce seroit double despense de la garder, ayant fait metire hors toute l’artillerie, munitions et vivres, la feit ruiner et démollir. À ce propos j’ay bien voulu cy adjouster qu’il est escrit aux chroniques de France qu'en l’an mil trois cent cinquante et un la ville et le chasteau de Guines furent prins par les Anglois, nonobstant les trefves qui cstoient lors, pour la conspiration et trahison d'un nommé Guillaume de Beaucouroy, lieutenant du capitaine dudit lieu, lequel, pour ceste cause, et selon qu’il le méritoit, en fut décapité et

el 6 De mue te ME on =

après pendu. Doncques ne restoit plus de tout le comté d’Oye qu’un petit chasteau appellé Hames, qu’il ne fust remis entièrement en l’obéissance du roy; et, pource que ce chasteau, encore qu'il soit petit et non remparé, ny fortifié d’artifices, est néantmoins naturellement en telle difficileet commeinaccessible forte assiette, pour estre environné de paluds, viviers et marescages, qu’il est presque impossible d’y approcher n’y asseoir artillerie, n’ayant qu’une bien estroitte chaussée pour y aborder, encore traversée en plusieurs endroits de ponts de bois rompus et ostés, l’on estoit en fort grand doute en quelle manière et invention l’on le pourroit assiéger. En ces entrefaites, M. de Sipierre, qui avoit este commis avec la compagnie de Lorraine, dont il estoit lieutenant, et quelques autres, pour garder ceste chaussée, advertit M. de Guyse que ceux qui estoient dans Hames, effroyés et espouvantés de la prise de Guines, l'avoient abandonné et s’en estoient fuis ceste nuict là par certains sentiers qu’ils scavoient dans ces marets; et ainsi fut fort aisé à s’en saisir, où l’on trouva force artillerie et provisions. En après demeurèrent les François en tout et partout les maistres, et n’y eut forts ny chasteaux qui ne leur fussent ou rendus ou abandonnés, estant chose manifeste qu’en ces places que M. de Guyse a conquis sur les Anglois, oultre les riches butins qui y ont esté trouvés et pris, ont esté gaignées et recouvrées plus de deux à trois cens pièces d'artillerie de fonte, montées sur roues, et autant de fer. En quoy sera clairement cognue la fertilité et richesse du pays, et combien cestegent angloise curieusement travailloit, et estoit soigneuse à cultiver, augmenter et garder ceste province, laquelle, à mon opinion, est celle dont la seule ville de Calais porte te nom maintenant, et laquelle César escrit en ses commentaires avoir conjuré avec les Belges contre les Romains, et qui envoya en ceste guerre dix mille hommes de secours.

Au mesme temps que M. de Guyse entreprenoit et estoit en ce voyage, M. de Nevers, qui n’ayme à estre oysif et séjourner longuement en repos inutile, ayant envoyé au long de la frontière de Champagne, tant pour scavoir comme toutes choses y passoient et estoient conduites, que s’il s’y pourroit recouvrer aucune occasion d'entreprendre sur l’ennemy de ce costé, fut adverty que la pluspart des garni-

GUERRES DE BELGIQUE, L1V. X

sons et forces ordinaires du duché de Luxembourg estoient retirées où estoit leur plus grosse armée, ou en leurs maisons, tellement que les places fortes estoient fort vuides et despourveues. Sur lequel advis voulant délibérer et 1onder une bonne exécution, secrettement, et le plus couvertement qu'il fut possible, advertit les gouverneurs et capitaines qui estoient restés ès places de son gouvernement, qu’ils eussent à tenir leurs compagnies prestes, et au meilleur équipage que faire pourroient, et, oultre plus, de recueillir et amasser tant d'hommes de guerre et soldats de ceste contrée qu’ils en sçauroient recouvrer. Et d’ailleurs manda aux chefs et membres des compagnies de messieurs de Bouillon et de Jamets, qu’ils eussent à faire retirer en leurs garnisons tous les gentilshommes de leurs compagnies avec armes ct chevaux, pour estre prests à estre employés quand ils seroient advertis; commandant oultre plus au sieur de Saint-Simon, guidon de sa compagnie, qui lors estoit près deluy, mander et resserrer le plus qu’il pourroit de ceux de sa compagnie, mesmement deses voisins, car le surplus avoit eu congé pour se retirer ès vieilles garnisons, afin de l'accompagner et se trouver en ce voyage. Ainsi, ayant diligemment pourveu à toutes choses, M. de Nevers partit en poste d’une sienne maison près de Chaalons en Champagne, le 2 de février, feste de Nostre-Dame de la Chandeleur, et arriva le vendredy ensuyvant à Yvoy, où ce jour mesme avoient assignation, et estoit le rendez-vous à tous les susdits capitaines et où aussi se trouva ce bon vieillart et sage chevalier M. de Jamets. Auquel lieu, et en présence de tous lesdits capitaines qui s’y estoient desjà assembles, le seigneur de Haulcourt, gouverneur de ceste ville d'Yvoy, remonstra en bons termes, sentans son sage et bien advisé capitaine, à M. de Nevers, qu'il v’avoit pour lors place plus dommageable et nuisible à ceste frontière, que le chasteau de Herbemont, pour estre le principal lieu où s'amassoient toutes les assemblées des Ardennes, et où se dressoient toutes les entreprises que ils appareilloient ceste part, et où aussi après ils faisoient leurs retraites. Parquoy estoit la première place où il falloit, et où estoit le plus nécessaire s’addresser, en laquelle prenant, on couvroit non-seulement ceste ville d'Yvoy et toute ceste lisière, mais aussi l’on s’estendoit et

avoit-on entrée de plus de six ou sept grandes . furieusement, et y besongna si bien en peu

lieues dans le pays de l'ennemy. Sur lesquelles remonstrances, après avoir advisé de tous moyens, fut résolu par M. de Nevers d’attenter cest exploit, et de partir ce jour mesme à mipuict. À quoy le seigneur Despots, qui pour lors commandoit en toute ceste frontière en l'absence de ce prince et de M. de Bordillon, avoit donné si bon ordre, que desjà estoit prest un bon nombre de chevaux, pour trainer six Canons et une longue coulevrine, et par mesme moyen avoit levé certain nombre de paysans et manœuvres, pour servir de vastadours et pionniers ; estans avec tout cela les compagnies de gens de pied et de cheval, si peu qu’on en avoit, prestes à marcher, l'on commanda aux sieurs de Troussebois, gouverneur de Mésières, de Chambry, gouverneur de Maubert-Fontaine, et à celuy de Bouillon, que dès ce soir ils allassent, le plus soudainement et diligemment qu’ils pourroient, enclorre et envelopper ce chasteau; et par le chemin de Sedan, avec autres compagnies de gens de pied et quelques chevaux-lé- -gers, On feit marcher une partie de l'artillerie. D'un autre costé, le sieur de Haultcourt eut la conduite du reste de l'artillerie et des inunitions, dont estoit commissaire le capitaine Jacques Tolfi : letout conduitavecune si grande promptitude, que M. de Nevers, le samedy à sept heures du matin, avec ses petites forces et équipage susdit, se trouva campé devant ce chasteau, et non sans avoir eu grandes fatigues et difficultés à faire passer l'artillerie oultre la rivière de Semois, qui a son cours au-dessoubs de ce chas- ‘4eau, à cause des grandes neiges et glaces. D’arrivée fut de près recogneue la place avec force £scarmouches, ct où le capitaine Caumont avec sa compagnie feit fort bravement, ayant gainé, maulgré toutes les harquebusades :et ca- :nonnades de ce chasteau, une petite bassecourt ‘et enclosture où les bonnes gens et paysans faisoient la retraitede leur bestail.Tantost après fut affustée et logée une partie de l'artillerie pourcanonner et battre l’un des flancs de ce chasteau ; Anais pource que l’on cognut la petite exécution qu'elle y faisoit à cause de la difficile et mauvaise assiette où elle estoit, l’on fut contraint, £t la feit-on planter et braquer droit au front et à la teste, pour battre un boulevert qui y estoit, et qui couvroit et défendoit la seule ad- (1) Wott.

FRANÇOIS DE RABUTIN

venue pour y aller et entrer; laquelle y tira si

d’heures, que, ce faisant et monstrant presque la bresche raisonnnable pour y donner l'assaut, le capitaine se présenta à parlementer, requérant quelques conditions. Mais estant du tout débouté de ses demandes, et lui estant faite briefve response par ce prince, qu'il ne falloit parler d'autre composition que de se rendre à sa volonté et discrétion, autrement, que s’il ne se hastoit bientost, il le feroit, avec tous ceux qui estoient avec luy, tailler en pièces, iceluy capitaine, craignant tomber en ce danger, encore qu'il ne luy fust si proche que faute de cueur le luy représentoit, se confiant en l'humanité et bonté de ce prince, se rendit à sa miséricorde, et laquelle aussi, aux prières de M. de Jamets, ils trouva et expérimenta, usant M. de Nevers de telle clémence et douceur que le renvoyer avec sa femme.et famille, et gencralement tous les soldats qui estoient là-dedans, vies et bagues sauves, sans estre pillés ni rançonnés. Cela fait, ce prince envoya quelque nombre de chevaux-légers et harquebusiers à cheval, pour recognoistre Îles forts de Jamoigne, Chigny, Rossignol et Villemont, partie desquels ils trouvèrent desjà abandonnés, et les autres à la première semonce se rendirent. L’on estoit sur les arres et en délibération de poulser encore plus avant et donner jusques à Neufchastel ès Ardennes; mais les pluyes, neiges et grandes froidures interrompirent ses desseings. Or, la seule prise de ce chasteau de Herbemont ne doit estre mise et nombrée entre les moindres; car, oultre ce qu’il est naturellement fort et facile à estre rendu inexpugnable, comme estant situé sur un hault et dur rocher de tous endroits inaccessible, fors que par l’advenue, où il fut battu et pris, et hors de batterie, encore estoitil fort propre et convenable pour couvrir et asseurer toute ceste advenue des Ardennes en toute la Champagne, et secondant le fort chasteau de Bouillon, pour commander et assubjectir toutes les Ardennes. Il appartient au comte de Billistin et de Rochefort, à la garde duquel fut ordonné capitaine le sieur de La Croix,

lieutenant de M. de Haultcourt. De ceste prise, advenue le six de fevrier, M. de Nevers advertit incontinent le roy par le sieur de Sainct-Simon,

guidon de sa compagnie, lequel en fut très aise

et content, et-en rendit, comme j'estime, gra-

ces à Dieu. de ce qu'estant la fortune contraire | changée, en un mesme temps et en divers lieux ‘luy ottroyoit de si belles et amples victoires, qu’elles sembloient à tout le monde comme miraculeuses, tant estoient admirables.

Le roy, sur ce prospère commencement qu'il avoit pleu au supresme Dieu tout-puissant luy départir, délibéra s’évertuer davantage, et employer jusques au bout toute sa puissance, pour contraindre son ennemy par un dernier effort se retirer des limites de son royaume où il avoit empiété, ou accepter une amiable paix, ainsi que par plusieurs fois luy avoit présentée, et acquérir avec les armes le repos universel à tout son peuple. Pour ce faire, tant pour déclairer et démonstrer publiquement son entière affection et intention, que pour requérir et convier chacun à le secourir de ses moyens, voulut convoquer et assembler en sa capitale ville de Paris tous les estats de son royaume, au sixiesme jour de janvier en cest an. Auquel jour se trouvèrent au Palais-Royal plusieurs prélats et ministres de l’Église, députés ct envoyés pour toute la généralité, comme aussi feirent autres grands seigneurs et gentilshommes pour la noblesse, et généralement autres pour la justice et le populaire, tant des villes

que du labeur; et où mesmement le roy voulut comparoistre et assister avec François son premier fils, daulphin de France, pour déclairer par sa propre voix et parolle à son peuple et subjects les parfaites et cordiales affections qu'il avoit envers eux, et qu’au réciproque il espéroit et attendoit d'eux, avec un grand contentement du passé ; et finalement pour leur affermir et asseurer le désir qu’il avoit de les conserver et défendre, et d’user envers eux de tous offices d’un bon roi. Doncques estans tous les députés de ces estats arrivés et assemblés en l’une des salles de ce palais, appellée la salle Sainct-Louys, furent les prélats et ministres ecclésiastiques, vestus de leurs rochets et surplis, assis sur des siéges qui leur avoient esté préparés à dextre et à senestre; et en un siége hault eslevé, du costé droict, estoient les baillifs, séneschaux et autres pour la noblesse. Sur un banc bas, couvert de fleurs de lis, estoient les présidens des parlemens; au bout duquel, sur un autre plus petit, du mesme costé, estoient les gens du roy du parlement de Paris, les deux

GUERRES DÉ BELGIQUE, LIV. X

quet y avoit une petite table quarrée, couverte d’un tapis de toille d'argent, près de laquelle es. toientassis trois secrétaires descommandemens, à sçavoir, l’Aubespine, Duthier et Clausse. Et deux pas plus avant, sur un banc bas, au pied de la chaire du roy, estoient assis les thrésoriers gencraux des finances, au-dessus desquels, et au plus éminent ct apparent lieu de ceste salle, estoient deux chaires : l’une, et la plus baute, couverte de velours violet, semé de fleurs de lis d’or, qui estoit le siége du roy ; et à un pas et demy près, d’un mesme rang, y en avoit une autre plus basse, couverte de toille d’or, pour M. le daulphin son fils; et au-dessus estoit un ders ! de mesme parure que le couvert de la chaire royale. Le prévost des marchands de Paris et les eschevins, les députés de Rouen, ceux de Lyon, ceux de Tholose, et consécutivement des autres villes, furent rangés du costé des évesques, où la place estoit plus spacieuse. Tost après arrivèrent les chevaliers de l'Ordre de France, ayans au col leur grand Ordre, à scavoir : M. de Nevers, M. le prince de La Roche-sur-Yon, le comte de Sancerre, messieurs Durfé et de Bordillon, lesquels montérent du costé droict au-dessus de toute la noblesse, auprès du duc de Lorraine et autres jeunes princes. Peu après vindrent le roy et M. le daulphin son fils, accompagnés de messieurs les cardinaux de Lorraine, de Bourbon, de Guyse, de Chastillon et de Sens. Estant le roy assis, s’assirent M. le daulphin et lesdits cardinaux du mesme costé et rang. Le roy commenca le premier à remonstrer que, depuis son advénement à la couronne, il avoit continuellement eu la guerre contre lesanciens ennemis de France, les Anglois et les Bourguignons, laquelle guerre il fut contraint commencer pour le recouvrement des places frontières que lesdits ennemis avoient usurpées et occupées, comme le Boulonnois et autres; et que, pour fournir aux frais d’icelle guerre, il avoit esté contraint vendre son domaine, et depuis imposer sur ses subjects plusieurs subsides, desquels, à son très grand regret, ils ont esté fort travaillés. Que, pour l’esgard et commisération de eux, il s’estoit offert d'obtenir la paix, encore que ce fust à conditions dommageables pour luy, mais pour le désir singulier qui l’esmouvoit de tenir son

. peuple en pacifique repos, lequel a tousjours avocats et procureur du roy. Au milieu du par- !

(1) Un dais.

trouvé fort fidèle et enclin à son obéissance et service. Et pource qu’il avoit esté adverty que sesdits ennemis estoient en plus grande délibération que jamais d'entreprendre et assaillir le royaume de France, il avoit toute sa fiance, après Dieu, en la fidélité et secours de sesdits subjects; et pourtant il proposoit, comme contraint par la nécessité, de faire une forte, grande et extresme guerre pour recouvrer une bonne paix. Mais d'autant que l’argent est le principal nerf de de la guerre, il prioit bien fort un chacun des estats le vouloir maintenant secourir pour résister à l’ennemy, et qu’en après il se mettroit en tout devoir d'acquérir et conserver à ses subjects une tranquillité; promettant, en foy de bon roy et prince, les traiter d'ores en avant si gracieusement, et remettre toutes choses en tel ordre, que chacun auroit occasion de se contenter; que, pour tesmoignage de sa bonne volonté et affection, il avoit voulu faire telle promesse en public et en présence de son fils, lafin que tous deux y fussent compris et obligés. Le roy ayant fini son propos, M. le cardinal de Lorraine, tenant le premier lieu, et parlant pour l'estat de l’Église, commença une oraison et harengue fort docte et gravement prononcée, qui dura l’espace d’une heure, tant à la louange du roy que pour le remerciement de sa volonté et promesse; concluant pour le clergé, que tous leurs corps et biens ils soubmettoient à son bon plaisir et disposition. M. de Nevers, parlant pour la noblesse, en peu de paroles dit qu’elle estoit tant affectionnée à son service et à la défense du royaume, qu'elle présentoit au roy, non-seulement les corps et les biens, mais la vie. En après, M. de Sainct-André, premier président de Paris, respondant pour la justice, estant à genoux, et tous les présidens des autres parlemens de France, a enpremier lieu remercié leroydu bien et honneur qu'il avoit pleu à Sa Majesté leur faire, érigeant un quart estat de sa justice, et aussi de manifester à ses subjects sa bonne volontéetaffection, avec plusieurs autres propos etremerciemenstendans à louer sa grandeur et sa promesse de vouloir magnanimement soustenir la guerre pour, en repoulsant l’ennemy, acquérir une longue et perpétuelle paix à ses subjects, et puis redresser toutes choses en leur ordre et bonne suite, au repos et contentement de chacun; offrant pour cest estat, et pour y survenir, non seule-

ment les biens, mais les corps des officiers de sa justice. Pour le dernier estat du populaireet des députés des villes, M. du Mortier se leva, et, ayant fait trois grandes révérences, remercia le roy très humblement de sa bonne volonté qu'il porte à ses subjects, les voulant conserver en paix après avoir résisté à l’ennemy ; spécialement luy approuva et loua grandement ce grand désir qu'il avoit de pollicer la France, laquelle a souffert quelques désordres pour la nécessité des guerres; que néanimoins, encore que le pauvre peuple fust desjà fort atténué et affoibli de puissance, si est-ce qu’il se saigneroit encore vlustost soy-mesme, pour, après luy avoir exposé les corps et les biens, luy sacrifier les vies pour la tuition du royaume. Après que tous Îles députés eurent parachevé leurs dires et propositions, avant que le roy se levast de son tribunal, M. le cardinal de Sens, garde des sceaux de France, se mit à genoux devant leroy, inclinant sa teste fort bas, puis se levant, se retourna devers les assistans, et dit que le roy luy avoit commandé porter ce propos à tout le peuple : que, pour commencer de remettre toutes choses en bonne disposition, pour le soulagement et repos de France, un chacun des

députés des villes eust à rédiger par escrit tou-

tes leurs doléances, et mettre par articles les poincts ayans besoing de réformation, et iceux rendre entre les mains dudit sieur du Mortier; sur lesquels le roy, avec les seigneurs de son conseil, ordonneroit particulièrement à un chacun ce qu'il verroit estre à faire par raison, et dans tel temps qu'il leur scroit dit; et que les députés n’eussent à s’en aller de la ville jusques à ce que ils eussent entendu la volonté plus ample du roy. Ces choses dites, le roy se leva et s’en alla, puis tout chacun se départit. Quelques jours après, les députés des villes furent mandés au logis de M. le cardinal de Sens, où se trouva M. le cardinal de Lorraine avec autres seigneurs du conseil privé, et là iceluy cardinal de Lorraine déclaira etremonstra ausdits députés des villes la fin et le but de cest assemblée, qui estoit que le roy vouloit emprunter trois millions d’or, et qu’il vouloit trouver trois mille personnes en son royaume qui luÿ prestassent chacun mille escus, déclairant que

le clergé avoit desjà offert mille hommes qui

en presteroient chacun mille; qu’il falloit que

les villes de France nommassant et trouvassent

deux mille hommes, et qu’on leur constitueroit une rente au denier douze. Et dit davantage ledit seigneur, que le roy vouloit diminue les tailles pour le soulagement du menu peuple, qui estoit fort travaillé, etqu’on ne mettroit plus de subsides sur la marchandise pour l’entretenement du commerce; enchargeant ausdits députés de faire deux choses : l’une, de bailler chacun à partsoy des rooles des aisés, qui fourniroient argent, et l’autre. de mettre et donner par escrit, entre les mains du sieur du Mortier, tous les articles qui bons leur sembleroient pour la réformation des affaires. Au partir de là, les députés advisèrent ensemble que, pour le devoir de leurs charges, ne devoient bailler aucun roolle, parce qu'il est impossible de pouvoir cognoistre la faculté des particuliers; car tel a réputation d’avoir argent, qui n’en a point. Et pour se descharger de donner tels roolles, le mesme jour furent devers M. le cardinal de Lorraine, auquel remonstrèrent qu’il n'estoit possible accomplir et rendre réellement 1eis roolles, à raison qu’on ne peult sçavoir et cognoistre la puissance et moyen des habitans, parce que tel a des biens en apparence qui n'a point d'argent ; et pour le regard des marchands qui font leur train sur le crédit, tel fait grand monstre et traficques extérieurement, qui est fort proche de faire bancqueroutte. Depuis, messieurs du conseil privé mirent ce faict en délibération ; sur quoy considérans que les députés des villes ne pourroient fournir tels roolles véritables, pour l'incertitude des facultés des personnes, conclurent qu’on chargeroit et cottiseroit en chacune ville tant d’hommesqui presteroient argent; et s'ils ne pouvoient prester mille escus, qu’ils en presteroient cinq Cens, en augmentant le nombre des personnes. Le quart estat depuis bailla les articles pour la réformation des affaires, selon le temps présent. Le dixiesme du mois de janvier, le roy, la royne, le dauphin, plusieurs princes et grands seigoeurs, et généralement toute la cour, furent ouyr messe en la Saincte- Chapelle, pour rendre graces à Dieu de la prinse de Calais, pour lesquelles bonnes nouvelles tous les estats ensemble accreurent de plus grande volonté d'aider au rov à poursuivre sa victoire; tellement que dès lors l’estat ecclésiastique accorda au roy, en pur don, un million d'or, oultre les décimes ; et le quart estat deux millions, luy déclairant que, XVI" ssièct.e, La PI. et La PI.

GUERRES DE BELGIQUE, LIV. X

si cela n’est suffisant pour soustenir la guerre et contraindre l’ennemy se ranger à quelque bonne paix, ils exposeroient tout le demourant de leurs biens et personnes pour son service. Ce que j'ay bien voulu déclairer et déduire amplement, encore qu’il ait esté desjà publié, mais pour en rafraischir la mémoire et la rendre plus durable et exemplaire à la postérité; faisant démonstration et représentant le bon naturel et très grande humanité d’un grand roy envers ses subjects affligés; voulant pour leur tuition exposer, non seulement ses avoirs et puissance, ains sa propre vie. En quoy aussi sera veue la très affectionnée et très fidèle obéissance d’un bon peuple, ne refusant, ains présentant les biens, les corps et les vies, pour aider et secourir son prince.

Le quinziesme de ce mois, le roy, faisant sa délibération d'aller veoir sa ville de Calais pour la-fortifier, voulut premièrement aller au palais pour tenir le siége de la justice; et y demeura depuis huict heures du matin jusques à unze, accompagné de M. le daulphin et de cinq cardinaux, avec les autres seigneurs de son privé conseil. Où devant Sa Majesté furent leus et publiés plusieurs édicts et autres constitutions touchant j’ordre politique. Quelques jours ensuyvans il parfit sondit voyage de Calais, et visita d’un bout à autre ceste belle et très forte ville, pour adviser et disposer, tant de la fortification qu’il y vouloit ajouster, que de toutes autres nécessités, pour la conserver et garder ; ordonnant, pour y commander et y estre son lieutenant et gouverneur, M. de Thermes, chevalier de son ordre, autant sage et digne de ceste charge, qu’il en eust peu eslire en tout son royaume.

Je ne veux oublier à dire, avant que faire fin à ce livre, que M. de Guyse, attendant la venue du roy, et temporisant avec l’armée en ceste nouvelle conqueste du comté d'Oye, commencoit tousjours cependant à fortifier et améliorer Calais, et d’autre part parachevoit de ruiner Guines, ainsi s’accommodant et appropriant de ce qu’il voyoit nécessaire, et ruinant ce qui estoit nuisible, pour, après avoir sceu {e bon plaisir et volonté de Sa Majesté, donner et passer oultre ou à Gravelines, ou à Sainct-Omer. Toutefois l’hyver s’aigrissant et empirant er froidures et toutes rigueurs da temps, l'on ad-

| visa de rompre camp, pour mettre une partie

de l’armée ès garnisons et villes fortes le long de la frontière, et renvoyer Le surplus se rafres-

FRANÇOIS DE RABUTIN

chir et reposer, pour se trouver prest de noveau, à l'esté ensuyvant.