CHAPITRE LXXXIX
Comment Ie roy Ionry fut congneu à Thoulouse.
Dedens Thoulouse estoit demeurant ung chevalier nommé messire Guillaume Gaillart, qui en Espaigne avoit esté avec le conte de La Marche, et le roy Henry avoit servi, qui de grans biens luy avoit fait. Elen l’hostel du chevalier se fit le roy Henry mencr par son hoste. À celle heure estoit assis messire Guillaume Gaillarl avec sa femme au disner. Quand le roy fut léans entré, tantost le congneut le chevalier, qui de la table se leva et contre luy vint s’agenoiller. Le roy leva messire Gaillart, eten l'oreille luy dit : que de luy ne fist semblant, afin que congneu ne fust de nul homme. Tanlost mena messire Gaillart le roy en une chambre ; et demoura l’hoste dehors, qui csmerveillé fut que Henry pouyoit estre. Tantost relourna messire Gaillart qui à l’hoste dit : « Amis, en » vostre hostel alez, et les gens de ce genlil- » homme amenez cy, qui céans disneront avet » leur maistre.» Après s’en relourna messire Gaillart au roy Henry, qui la desconfiture et la bataille de Nadres luy conta : dont il fut moult doulent, mais moult reconforta le roy Henry.
Pour accompaigner le roy Henry vint messire Gaillart querir sa fernme, qui csmerveillée estoit de la grant honneur que à Henry portoit, et point ne lui avoit dit qui il estoil; el pour c£ qu’elle ne savoit qu'elle devoit faire, estoil cncores à table demouréc. De la Lable fit messiré Gaillart lever sa femme et en sccret lui dit : « Dame, à la chambre vous en alez, et le che- » valier honnourez de tout ce que vous pour-
» rez : car bien en est digne. Et sçaichez que » c'est ung des grans seigneurs de ce monde, et » si est roy couronné ; mais gardez que de le » reveler ne soyez si hardye. »
Saige fut la dame, qui bien la chose cella et dedens la chambre entra ; el puis quand le roy Henry achoisy ‘, le genoil mit à terre conte luy et humblement s’inclina. Et léans vindrent les chevaliers qui au roy estoient, qui bien lost congneurent messire Gaillart, lequel à son pouvoir les honnoura. Et après disner perlerent le roy et ses chevaliers à messire Gaillart, pour eulx conseiller que faire pourroient. Au roy respondit messire Gaïllart : « Sire, au » duc d'Anjou, qui à Villeneufve est, vous » en irez, el moy en vositre compaignie. Ne de » chevaulx ne de finance ne vous doublez que » jà souffrelé ayez; Car assez pour vous ay des » biens, qui de Dieu et de vous sont venus et » vostres sont. El en droit moy, j'ay fiance que » par mon seigneur le duc trouverez voye de » recouvrer vostre royauime. »
Au lendemain, au point du jour, se partirent le roy Henry, messire Gaillart et les* aultres chevaliers qui leur chemin prindrent droit à Carcassonne. El ne furent que six en tout, sans pages mener. Et conta le roy Henry du fait de l journée, et comme Espaignols n'avoient point voulu croyre messire Bertrand.
