CHAPITRE LXI

Comment la duchesse d'Anjou honnoura le roy Henry qui à Carcassonne arriva.

Dedens la cité de Carcassonne estoit adonc madame Marie de Bretaigne, femme du bon duc d'Anjou, et fille de monseigneur Charles de Blois. Et pour la veoir y esloit alé le roy Henry; mais dans ce temps! estoit couslume que nulle princesse ne véoit seigneur estrange sans lettres ou mandement de son seigneur.

Pour soy recommander à la duchesse, le roy

Henry envoya devers elle messire Gaillart et

deux de ses chevaliers, qui la desconfiture de Nadres luy raconterent; dont grand ducil print à demener. Puis luy conterent comment le roy Henry s’en aloit par devers son seigneur le duc à refluy.

Pour le roy Henry honnourer, envoya la duchesse messire Henry de Bretaigne, son frere, accompaigné de deux fils du conte de Granpré et de plusieurs chevaliers d'honneur, qui le roy Henry moult reconforterent et avec luy mengerent. De grans dons luy fit faire la duchesse. Et après disner convoya messire Gaillart le frere de la duchesse dans la cité.