CHAPITRE CXXXIII
La bataille de Pont-Valain.
Quand messire Bertrand sceut que près du Pont-Valain estoyent Anglois assemblés, hastivement conduisit droit là sa chevalerie. Et celle nuyt faisoit messire Bertrand l’avantgarde, avec lui messire Olivier de Mauny , son frere , messire Alain de Beaumont ; et en sa bataille avoit cinq cens combatlans ; mais si hastivement chevauchoit que suir ne le povoient ses gens, ain-
: { Worsley. — ? En Anjou.
çois estoient par routles et par troupeaulx, ne assembler ne se povoient pour l'obscurité de la nuyt, el soubs plusieurs mouroient leurs chevaux par leur travail. Ung coursier lua-messire Bertrand celle journée de nuit. Tant chevaucha messire Bertrand que au point du jour de Pont- Valain approucha, et entour luy regarda, ne de toutes ses gens d'armes ne trouva avecques luy que environ deux cens hommes d’armes. À pié fit messire Bertrand ses gens descendre, et leurs robbes secouer qui de pluieestoyent moillécs ; puis fit les chevaux ressangler. À celle heure cessa la pluie, et à lever se print le soleil, qui le temps eschauffa : dont François se resjouirent. Lors messire Bertrand et sa chevalerie monterent à cheval; et tant chevaucherent que en une valée apperceurent Anglois qui logier se vouloyent. Ses coureurs envoya messire Bertrand devant, qui les Anglois viserent, et bien les nombrerent à huil cens chevaliers etescuyers. Après fit messire Bertrand ses gens descendre en ordonnance de bataille , et Lousjours lui creurent gens. De l’aultre part fut messire Thomas de Grantson, qui ses batailles ordonna. Ses bannieres fit messire Bertrand desployer ; et moult furent Anglois esbahis, quand Françoys virent en ordonnance, car silost ne les croyoient pas veoir , et bien dirent que bien matin s’estoit levé Bertrand.
En ordonnance, bien serrés, et tous de pié, partirent les batailles à venir l’une contre l’autre. À l’assembler fut grant le froissis des lances, et longuement des lances se combatirent, qui entrer ne povoient les ungs ès aultres; puis prindrent François des haches, el Lant firent que dedens Anglois entrerent. Là eut bataille fiere el merveilleuse, car hardement se deffendirent Anglois; et non pourtant à l'assembler en morut bien deux cens ; mais la bataille renforço messire Thomas de Grantson qui, en criant son enseigne, fierement assembla contre François, et tant fit d'armes que merveilles fut à veoir.
A celle envahie que fit messire Thomas, furent moult grevés Françoys ; mais briefvement vindrent le mareschal d'Audenehan, le conle du Perche, messire Jehan de Vienne et mes sire Olivier de Clisson atout sept cens hommes d'armes. Là renforça la bataille des François ; et moult fierement entrerent és batailles des
‘ Néanmoins.
Anglois qui en pou de heures furent desconfils.
Là furent prins messire Thomas deGrantson, David Holegreve, Orsclay ! et plusieurs aultres chevaliers el escuyers anglois. Sur le point de la desconfiture arriva messire Hue de Cavrelay à trois cens lances ; mais en la balaille n’entra point, ainçois se retrahit. De la bataille eschapperent Cressouelle et plusieurs Anglois, qui en l’abbaye de Vas se retrahirent.
Là conduisit messire Bertrand sa chevalerie.
A Vasse refreschirent les François el d’assault la prindrent. Et devant Risle envoya messire Bertrand ses coureurs ; mais de là s’estoyent parlis Anglois, el le lieu desemparé avoyent, ct plusieurs aullres places et chasteaulx desemparerent.
Quand la desconfilure sceurent du Pont-Valain, en l’abbaye de Sainct-Mor-sur-Loyre ? se retrahirent Cressouelle et plusieurs aultres Anglois qui leurs forteresses avoient laissées : car moult fut forte l’abbaye et grant garnison d’Anglois y eut.
