CHAPITRE CXLVI

Comment Bertrand print Saincie Severe.

Pour la ville prendre, dresserent Françoys

eschielles et au pié des murs minerent contipuellement. Et tant fit l’abbé de Male-Payc que dedens Saincte Severe entra le premier de tous les Françoys; mais tant fut surprins d'Anglois que retenu y fut par force: car de haches y fut tellement feru que estourdy fut, et d’Anglois trainé, pour le desarmer. Mais a celle heure entrerent Françoys par le pas où passa l'abbé; et quand par Anglois le virent trainer, à eulx assemblerent et l’abbé recouvrerent; mais guieres ne sejournerent que par force François ne fussent repoussés dehors la ville par ung peruis de la muraille, dont n'eut que couroucier en eulx. Grandement fut honnouré des princes et de messire Bertrand l’abbé de Male- Paye pour sa prouesse, et refreschir le firent ; puis s’en retourna à l’assault. En une partie assillirent François et Brelons ct Berruyers qui dire oyrent que dedens Saincte Scvere estoient Françoys entrés. Et ceste chose leur fil messire Bertrand assavoir, pour l'assault renforcier. Adoncques commença plus fort que devant ; et de toutes pars eschellerent Françoys la ville; mais du hault des murs les gettoient Anglois à lerre ès fossés. Et non-pourtant minerent Françoys, qui bien pouvoient entrer en la ville tixante hommes de front tout armés ; mais illec se assemblerent Anglois qui le pas leur escondirent ‘ tellement qu'il n’y entroit nul. D’aultre parl, monterent Françoys ès eschielles et sur kes murailles vindrent; mais là furent Anglois sur les creneaulx qui main à main à eulx combatirent. En telle maniere se combatirent les Anglois de Saincle Severe que plusieurs Françoys occistrent et nayrerent. Et par Françoys aussi y eut plusieurs Anglois occis el navrés. Bien s’apperceurent Anglois que longuement ne pouvoient la ville tenir. Adoncques envoya

‘ Refusérent.

messire Richart Giles ‘, chevalier anglois, capitaine de Saincle Severe, par devers messire Bertrand requerir que l’assault fit cesser pour parlementer. Et requeroil que scurement de la ville peust departir, Iuy et sa compaignic, avec leurs chevances, ct que, pour la forteresse hivrer, luy fussent baillés trente mille frans. A ce ne se voult messire Bertrand accorder ; ainçois fit l’assault lousjours renforcier. Et au capilaine fit respondre : que, se de la villese vou- Joit departir lui et les Anglois de par delà la mer, aler les laisseroit seuremenl'et à chascun ce que de sa chevance pourroit emporter ; mais, quant aux aultres qui du royaulme de Franco estoyent nés, lesquels estoient en leur com paignie, jamais n’en seroil nul respité*; et bien sceust que jamais d'’illec ne partiroit, jusqu’à que prins auroit la ville et le chastel. En ce point faillit le parlement, et contre la muraille de la ville furent Françoys qui tousjours assailloient par eschielles et par mines.

Au droit des murs du chastel fit l'abbé de Male-Paye sa mine commencer; el tant fit que la muraille perça et dedens entra. Bien apperceut l'abbé un feneau de foin qui layens fut, et le feu bouta dedens. Là coururent Anglois de toulcs pars, pour le feu estaindre ; et à destasser le foin se prindrent à ung des bouts de la feniere. Mais à celle heure entrerent Françoys dedens Saincle Severe par les cschielles et par les mines, en telle manière et par tel effort que la ville gaignerent et plusieurs des Anglois occistrent; et aucuns se retrahirent dedens la grosse Lour pour leur vie sauver ; mais lant entra de fumée dedens la {our que rendre les convint.