CHAPITRE CXLIX

Comment le capial faisoit son armée on Guienne pour le siège lever.

L'istoire raconte que, au temps que devant Saincte Severe tenoient siège les ducs de Berry et de Bourbon, le conte de La Marche, messire Bertrand, connestable de France, et la chevalerie, estoit en Guienne le captal de Buc, licutenant du roy d'Angleterre , et en Angolcsme assembloit très grant armée d’Anglois, pour le siège de Saincte Severe lever el Françoys combattre. Et en brief terme se trouva bicn à deux mille chevaliers et escuyers et cinq cens archiers. Et de jour en jour luy croissoient gens.

1 Ville du Limousin:

Quand le captal se vit fort, son chemin print droit à Saincte Severe ; et guieres ne ala avant que plusieurs Anglois , qui par finance cstoient eschappés de Saincte Severe, rencontra, el la prinse de la ville et du chaslel luy raconterent; dont doulent fut en son cueur ; et la chevalerie de son ot assembla, pour soy conseiller quelle part se pourroit traire , pour François grever. Et, pour ce que Anglois sceurent que en une abbaye à (rois lieues de la Sousterraine s'esloient Françoys relrais après la prinse de Saincte Severe, fut le captal conseillé de ses gens conduire à la Sousterraine qui leur parli tenoit : éar illee pourroient Françoys mettre siège et la ville prendre, si briefvement n'ayoient sccours.

Aux ducs de Berry et de Bourbon, au conte de La Marche, à messire Bertrand et à la chetalerie furent nouvelles apportées, que sur les champs se tenoit le captal en esperance de bataille livrer. Pour ce , fit messire Bertrand la chevalerie assembler, pour avoir advis des Anglois combatre ; et moult doubla la prinse des ducs de Berry et de Bourbon, du conte de la Marche et des aullres Princes de France qui esttent du sang royal. Et par le conseil des chevaliers, fut advisé : que sur 1cs champs demoureroit messire Bertrand pour Anglois recevoir, se bataille vouloient livrer , et dedens Bourges se retraisoient les princes ; et, se contre Anglois les Françoys avoient vicloire, les princes relourneroient pour la Sousterraine assieger, et de la Sousterraine pourroient aler assieger Chauvigny.