CHAPITRE CLIII

Comment messire Bertrand se partit de Poictiers ct alla à Sainct Messand.

Après la prinse de Poictiers chevaucherent Françoys jusques devant Sainct-Messand' :etla ville, qui clouse fut , assiegerent: le chastel est bel et bien séant. Là vindrent nouvelles à messire Bertrand que, pour le siège lever, venoil le captal à grant nombre d’Anglois. Adonc fit messire Bertrand le siège lever et desloger ; ct à ung hamel au plat païs s’alerent François loger ; et au caplal manderent bataille, lequel la leur accorda ; mais au jour que avoit le captal accordé ne vint point.

Par quinze jours furent Françoys logiés dedans le village, en bataille attendant ; mais és forteresses anglesses se rctrahit le captal et ses

{ Sainlic-Maixcnce.

gens, sans bataille livrer. Et quand messire Bertrand et la chevalerie de France apperceurent que bataille ne pouvoient avoir, dedans Poictiers s’en retournerent. Là vint le duc Phelippe de Bourgongne, frere du roy de France, à grans gens. Au devant de luy ala messire Bertrand, et grandement le honnoura le duc. Et à Poictiers sejourna le duc Phelippe de Bourgongne par quinze jours ; puis se partirent les ducs de Berry, de Bourgongne ct de Bourbon, le conte de La Marche et messire Bertrand et la chevalerie de France, qui bien furent nombrés à trois mille cinq cens chevaliers ct cscuyers, qui tant chevaucherent que devant Sainct-Messand arriverent. En leur venue leur fut la ville rendue ; mais contre eulx se tint le chastel qui fut moult fort et bien garny. Le chastel fit messire Bertrand assaillir de tous coustés , et guieres ne demoura que par force d’assault fut prins.

Au partir de Sainct-Messand chevaucherent Françoys droit à Fontenay-le-Viel, qui à leur venue leur fut rendu; puis alerent devant Bourgneuf en Aunis, où bonne ville et bonne place avoit et forte eglise qui bien amparée! estoit ; mais à messire Bertrand fut rendue, et plusieurs aultres forteresses du pays d’Aunis.