CHAPITRE PREMIER

Comme le duc Loys de Bourbon alla en hoslage en Angleterre pour le roy Jean.

C’est l'histoire de très-excellent, puissant, et très-noble prince , le duc Loys de Bourbon, comte de Clermont, grand chambrier de France, duquel je considère l'excellence et la noblesse, pource que selon la droicte ligne de génération , ou degré de consanguinité, est descendu par généalogie de très-glorieux saint Loys, jadis roy du royaume de France, commo vous orrez. Iceluy seigneur roy sainct Loys, de la royne sa femme, eut plusieurs fils, dont l'un, nommé Robert, fut comte de Clermont, lequel espousa la baronne de Bourbon ; el de Robert yssit Loys, premier duc en Bourbonnois; car sainct Loys celle baronnie esleva en duché aprés son retour de Damiette; et prist à femme celuy Loys, dame Marie de Haynault, sœur au comte Guillaume. Duquel Loys et de Marie descendit le duc Pierre, qui espousa la sœur au roy de France nommé Philipe ; et de Pierre et Ysabel sa femme, fut Loys de Bourbon le troisiesme duc, dont cestuy livre est faict.

Lequel duc fut requis pour aller en Angleterre après la prise du roy Jean, qui fut pris devant Poicliers en bataille, laquelle gaigna le prinee de Galles contre luy, l'an mil trois cens cinquante six. Si obéyst le duc Loys de Bourbon et y alla, et si feirent maints autres

princes du royaume de France du sang royal, comme les ducs d'Anjou, Berry, et autres, et montoit la pleigerie du duc, pourquoy il estoit en hostage, la somme de cent mile francs d'or. Et la royne d'Angleterre qui lors vivoit, femme du roy Edouart, de l’hostel de Haynault, estoit sa parente à cause de la mère au duc, estant du lignage de Haynaull :

et par la valleur, belle jeunesse que la royne treuva au duc de Bourbon son parent, qui es- {oit moult bel et gracieux chevalier, ct qui aymoit l'honneur sur tout, bien regardoil aussi les bonnes mœurs dont il estoit plain, et le sien lignage, et qu’il fut un chevalier fort amoureux, premièrement envers Dieu, après envers toutes dames et damoiselles, plain de gratieuses parolles, et ne pouvoit estre en lieu où il ouyst dire mal de dames ne de damoiselles ; et ce a usé tout son Lemps, comine à plain est escripl en aucuns livres qui sont faicts de luy; dont ses vertus furent tant agréables à la royne d’Angleterre, et aux dames du pays, et à tous autres chevaliers et escuyers d'honneur, que le duc Loys alloit par tout le royaume à son plaisir; ét venoit souventes fois devers la royne à sa cour, où s’esbaloit aucunes fois au jeu des dez, où la royne passoit temps volontiers. Et celle grace d’aller et venir par toutes festes et esbanoys, avoit le duc Loys par sa gracieuseté, joyeuse parolle et bel vivre, ce que nul tenant les hostages n'avoit. Et tant que par le royaume d'Angleterre, dames, damoiselles, les chevaliers et escuyers l’appeloientle Roy d’honneur et de léesse. Et demeura le duc Loys de Bourbon en celuy hostage à ses propres cousts, frais et despens, pour son souverain seigneur, l’espace de sept ans et plus, montant la despence à la somme de quarante mil francs passés, sans le principal qui montoit cent mil francs d’or. Lesqueulx cent mil francs, ses pays de Bourbonnois et Beauvoisin payèrent comptans avec toute sa despense. Car en ce temps là le roy Charles de France qui vivoit, fils du roy Jean, qui mort cstoiten Angleterre, avoit tant affaire en son royaume , tant par les csmotions d’aucunes ses communes appelés Jaques et Maillets, comme pour le roy de Navarre et d’autres grandes compagnies qui luy esloient contraires, que le roy n’avoit peu ayder au duc, nonobstant que le roy de France eust espousé sa sœur aisnée à femme, et le roy Pierre d’Espagne l’autre, et que l’autre de ses

VIE DE LOUIS DE BOURBON

sœurs eust par mariage le comte Verd de Savoye , un grand seigneur et vaillant. La quarte espousa le comte d’'Harcourt; la cinquiesme le seigneur d’Allebret, et la sixiesme fut prieure de Poissy; et la tante du duc Loys eut pour mary le roy de Behaigne.