CHAPITRE VIII

Comme messire Loys de Sanxcrre dist au duc de Bourbon qu’il parlast au roy d'aller devant Sainctc-Sévérce.

Demeurant le duc de Bourbon avec le roy à Paris, advint que messire Loys de Sanxerre, et messire Jean de Villamme qui sentoient le duc Loys moult cheyaleureux, luy requirent qu'il pleust au roy de le mander à Saincte-Scvère qui deslruisoit Poictou , Berry, et Bourbonnois, et eux avec luy : mais la royne voult en leur respondant qu’il attendisi son connestable qui estoit en Espaigne, lequel y avoit envoyé querre, et jetté de prison : mais à eux dit le roy, qu'il luy sembloit bon, si bien meist garnison sur le pays pour réparer au mal que faisoicnt les Anglois estans à Saincte-Sévère. Si fut ordonné de par le roy : que le duc de Bourbon bailleroit à messire Loys de Sanxerre cent hommes d’armes, chevaliers et escuyers, pour aller fournir les frontières de Berry ; ct ainsi fut faict. Si se partit messire Loys de Sanxerre de Paris, ct alla garnir les frontières, et quarante hommes d'armes des gens au duc de Bourbon à Bonnières , et à Oursan ( qui est un prioré }en meist autres quarante, et dix hommes à Borthenoux, et dix à Ponnière , et messire Loys de Sanxerre meist de ses gens en eslablye à Puyagu, des meilleurs qu'il eust, dont ceux de Sainct:-Sévère n'osérent depuis

chevaucher ès pays dessus nomimés , sinon un Anglois grand advanturier, qui s'appelloit Michellet la Guide, qui vint chevaucher de bois en bois luy septiesme, jusques à Souvigny près des portes. Et un bien matin comme à heure de tierce, Michellet rencontra au dehors un gentilhomme de Bourbonnois, frère du prieur de Souvigny , monté sur un bel coursier, avec un autre parcillement monté, et nommoit-on l’escuyer Lancellot de Chanillach père de la Renaude, que tous deux furent pris : mais en s’en retournant Michellet avec sa prise, il fut reneontré des gens au duc de Bourbonnois qui alloient d'une garnison à autre, et pouvoient estre huict : messire Guichard de Chastelmorant, Jean son frère escuyer , Perrin du Scel, Oudin de Roullat, et autres quatre gentilshommes, qui destroussèrent Michellet la Guide, et de faict le prist Jean de Chastelmorant.