CHAPITRE XI

Comment le roy de France fcist de belles ordonnances sur le faict de ses gucrres et de ses pays, ct comment le duc de Bourbonnois et le connestable s'entr’aymoient,

Le roy Charles qui bien sçavoit les belles armes que son conneslable de France, et mossire Loys de Sanxerre avec leurs gens, faisoicnt chascun jour, en augmentant son honneur, qu'ils avoicnt prises plusieurs places sur les Anglois, et les eurent morts et desconfits, les manda pour faire ct ordonner aucunes belles ordonnances et bonnes sur le faict de ses guerres et de son pays, qui despuis durerent bien longuement. El futlo vouloir du roy de baillerles charges à chascun selon qu'il devoit avoir. Premiérement bailla au conneslable de France, quand il fut venu, mille el cinq cens hommes d'armes, de quoy il auroit en ce nombre l'un des mareschaux et le maistre des arbalestriers. Et fut ordonné le duc Loys de Bourbon à huict cens hommes d'armes et deux cens arbalestriers, qui estoit le nombre de mil combatans; et avec le duc esloit le comte de La Marche.

Messire Loys de Sanxcrre ot en charge cinq cons hommes d'armes. Ordonna aussi le roy cinq cens hommes d'armes sur la frontière de Calais, que ot en conduicte le sire de Sempy. Et encores fil le roy une ordonnance : que le duc Loys de Bourbon et le connestable ensemble auroient la charge de la duché de Guyenne. De rechef ordonna le roy que, au jour de Noël venant, lous les seigneurs, capitaines et ofîMficiers se lrairoient devers luy à celle feste, pour estre grandement accompagné de chevalerie, et aussi pour bailler les ordonnances que chascun devoit faire pour l’année. Et commanda le roy que loutes gens fussent sus à l'issue de mars. Et ordonna les (résoricrs des guerres à un chascun sclon qu'il esloit, pour payer de mois en mois. Si fut baiïllé pour trésorier au duc de Bourbon ct au connestable, le Flament ; et aux autres capitaines certains trésoriers. Et fut conclud que l'on payeroit les gens d'armes de mois en mois, jusques à cinq mois que l’hi-

ver venroit, qu’on asserroit les frontières, el que la grande puissance se retrairoit. Les ordonnances accomplies, le duc Loys de Bourbon regardoit amiablement messire Bertrand de Claiquin connestable de France, et laimoit moult, pource que ledict connestable esloit repairé d'Espagne, où il avoit vengé la mort de la roynce d'Espagne sœur au duc Loys, que le roy Pietre son mary ot faict mourir, laquelle estoit une très-dévote et sainte dame. Et l’aymoit le duc aussi pour la bonne chevalerie dont plain esloit le connestable; et pareillement le connestable aymoit le duc, ct ainsi s’ent’raymoient de saint amour, car le duc de Bourbon aymoit honneur et tous vaillans chevaliers.