CHAPITRE XX
Comme le seigneur de Clisson destroussa parie des Angloïs €$ faulxbourgs de Sens : et comme Anglois chevaucherent par Bourbonnois.
Tant allerent Anglois qu'ils se logerent és fauxbourgs de Sens ; et eux estans logés, feit une emprise le seigneur de Clisson, avec une partie des gens au duc de Bourbon et d’autres des seigneurs, et allerent mettre une grosse embusche à deux lieues de Sens, de mille hommes d'armes, et près de Sens, à une lieue, une autre de deux cens hommes d'armes; et manda le sire de Clisson par ses coureurs à ceux de la premiere embusche : qu'ils feissent semblant dé fuyr jusques en la grosse premiere embusche; et ainsi fut faict. Si advint que les Anglois chasserent les coureurs jusques à la premiere embusche , et ceux de la premiere embusche les voyans venir commencerent à fuyr. Ce regardans les Anglois, se desroutcrent etsuyvirent la trace des fuyans, cuydans que plus n’y eust embusche. Et celle premiere embusche de deux cens combattans se vint retraire à course d’csperons en l’embusche du seigneur de Clisson où ils estoient bien douze cens combattans. Adonc se descouvril le seigneur de Clisson de son aguel o sa compagnie, et courut ferir sur les Anglois qui venoient à desroy et follement. Iceex re-
boula le sire de Clisson par force d’armes jusques à leur logis, où luy et ses gens se frappoient bien avant ; et en ce lieu occirent des Anglois jusques au nombre de six cens , ct y orent de bons prisonniers; et fut la plus grosse destrousse que les Anglois eussent en celuy voyage; car onques puis celle destrousse les Anglois ne chasserent, pour nulles gens qui vinssent devant eux, et orent moult de pertes de leurs gens en chemin par parties, non mye tout ensemble. Et quand le duc de Lanclastre et le duc de Bretagne veirent chascun jour leurs gens descroistre, chevaucherent par leurs journées jusques à Brives-la-Gaillarde en Lymosin, où ils feurent receus par ceux de la ville qui feurent traisires au roy de France. Et là estimerent les Anglois le nombre qu’ils pouvoient catre illec despuis leur descendue de Calais, où ils estoient en nombre seize mille combatans, el à Brives ne se trouverent sinon huict mille, dont la moitié estoit à pied, car les autres orent eslé tous morts ou prins en chemin. Et lors les gens aux seigneurs de France regardans la trahison de Brives se partirent du Pont pource qu'il approchoit Noël, el s’en tirerent chascun vers leur maistre, c’est à sçavoir ceux du mareschal de Bourgongne, du duc de Berry, du duc de Bourbon , qui poursuivoient toujours les Anglois; iceux chevalliers porterent chacun à son maisire la trahison des gens de Brives qui ayoient receu les Anglois.
