CHAPITRE XXII

Came le duc de Bourbon ayda au duc d'Anjou de sa guerre "8 Guyenne, et les places qu’ils prindrent, ct les dons que let le duc d'Anjou au duc de Bourbon.

Aiguillon rendu, se partirent les ducs d’An-

PAR CABARET, D'ORRONVILLE.

jou et de Bourbon et s’en allerent au port Saincte Marie ; et feirent par leurs gens assaillir un faulxbourg qu’ils orent forüfié, lequel fut pris, et y mourut un des enfans de Nades ; et sur ce la ville se rendit, et y mit garnison le duc d'Anjou. Du port Saincte Marie partirent les ducs, et chevaucherent devant la Riolle à sept lieues de Bordeaux , qui fut assiegée, et si estoit l’'unedefortes places du pays. Et devant la Riolle avoit fait mener le duc d'Anjou l’une des grandes bombardes que l'on sceust nulle part; et feurent au sicge les ducs neuf jours. Et estoit le duc de Bourbon o les siens de son pays, logé vers {es Cordeliers sur les vignes, où il y avoit une porte : et le duc d’Anjou sur la greve vers la riviere, où estoient les truyes et bombardes. Et un jour de la Riolle saillirent les Anglois, par leur malle advanture, sur le guet du duc de Bourbon, qui feurent reboutés si lourdement que pesle-mesle on entra avec eux aux Cordeliers dedans la ville. Et par celle prinse feurent perdus les vivres, qu’ils ne peurent rafraichir le chastel; et ne se ünt le chastel que trois jours qu'il ne se rendit au duc d'Anjou, qui fut une des grandes joyes que Île duc peust avoir, car c’estoit la place qu'il desiroit le plus. Et pour non faire long conte, print celle année Je duc d’Anjou, le duc de Bourbon estant avec luy, Penne d’Agenois, et Penne d'’Albigeois, et Sainct Machaire, Langon, la cité de Condon, Florence Jeune , tous en Gascongne. EL puis allerent les ducs tous en leur compagnie en Bigorre, devant le chastel de Lourde ; et tant assaillit on par souventes fois la ville, qu’elle fut prise, et le chastel rendu au duc d'Anjou, par promesse qu'il ot entre eux. Et par ainsi se passa la saison. Pour l’hyver qui commençoit , licencia le duc d’Anjou ses gens, et s’en vint à Tholouze pour hyverner ; et là le duc de Bourbon luy demanda congé pour s’en retourner, nonobstant ce que le duc d'Anjou le vouloit bien retenir, qui le remercia du service que luy avoit faict : et avec ce feit le duc d'Anjou au duc de Bourbon moult de beaux dons, en luy donnant trente mille francs d’or sur ce que l'on devoit au duc d’Anjou pour la comté de Forest, laquelle jadis ilavoil acheptée, lequel droit il donna au duc de Bourbon pour les beaux, bons et agréables services qu'il luy avoit faits ès guerres où il avoit esté continuellement ès parties de Guyenne et de Gascongne pour le roy et le duc d'Anjou.

Outre, paya ses gens pour un mois, et donna le duc d'Anjou de beaux dons aux chevaliers qui estoient avec le duc de Bourbon, de vaisselle d'argent et draps de soye : et donna au seigneur de Beaujeu qui estoit avec le seigneur de Bourbon, un coursier à deux mille escus d'or. Aiasise partirent le duc de Bourbon, leseigneur de Beaujeu, et leur compagnie du duc d'Anjou, et s’en allerent à Montpellier où le scigneur de Beaujeu prit le mal de cours de ventre, de quoy il mourut; dont le duc de Bourbon fut moult courroucé et dolent. Et fut un grand dommage, car il esloit un des beaux chevalliers de ce royaume.