CHAPITRE XXX
Comme ke roy baïla la charge au dus de Bourbon de la conqueste du Poictou : comme le seigneur de Clisson fut secouru, el comme Montconiour fut pris.
Après bien peu de terme que le duc de Bourbon eust demeuré en son hostel, et visité ses pays, ne larda gueres que le ray de France ne l’envoyast querir, en luy priant et requerant que, sur tous les plaisirs qu'il luy vouloit faire, venist parler à luy. Si n’y alla point le duc à celle fois, et se feist demander trois au quatre fois avant qu'il y voulsist aller, dont le roy fut mal content : mais moult le desirait pour la grande renommée qu'il véoit en luy. Au fort, la chevallerie du duc de Bourbon { dont il avoit de belle } luy conseilla, comme ce feust, qu'il y allast , et à ce ne devoit point refuser, nonobstant la petite ayde que le roy luy eust faicte. Si y alla le duc, et y estant devers le roy, luy dist le roy de belles paroles, et loua moull les grandes choses qu'il avoit faictes, et s’excusa le roy vers luy de sa pelite ayde, pour les grandes affaires qui luy survenoient tous les jours ; à laquelle respondit le duc de Bourbon humblement : «Mon très-redouté seigneur (dit » le duc) vous m'avez assez faict, et je suis » content de vous et le doy estre : mais il a » bien tel à vostre service, dont je ne suis con- » tent, et Dieu luy rende, si ne luy meffis-je » onques rien par ma foy, j'ai bonne volonté » en vos besongnes. » Le roy entendit assez où le duc vouloit aller, et luy dit : « Beau cousin, » je vous prie n'ayez nulle desplaisance en » rien , car ( par ma foy ) j’ay bonne volonté en » vos besongnes , et le dois bien avoir; et vous » ay à faire une requeste que je vous prie que » me vueillez octroyer avec les autres plaisirs » que vous m'avez faicts, c’est à sçavoir, que » vous vueillez entreprendre en chef à aller à » Poictiers, vous et le connestable en vostre » compagnie, et aucuns officiers. » A laquelle
VIE DE LOUIS DE BOURBON
chose respondit au roy le duc de Bourbon:
« Sire, je voudrois ohéyr à tousjours, mais cest » chose me vient mal. que moy et les pauvres » gentilshommes de mon pays, qui m'ont servy » en mes grands besoings, sommes en pelit » poinct de vous bien servir, car ils ont des- » pendu le leur en mon service, et aussi ay-je » le mien, qui n’ay point eu d’ayde. — Ha!
» beau frere de Bourbon (dit le roy), je vous » prie, ne parlez point de cela, ear je vous cer- » Ufie que je les rafraischiray vous et eux, et » ne leur faudra rien. » De laquelle offre le duc de Bourbon le mercia humblement , et luy dit: « Sire, je vous remercie, et vous jure que je » scrois en bien pauvre point, quand je fau- » drois à vous obéyr. — Je le sçay bien, beau » frere, et vous me le monstirez. »
Ainsi fut lors empris le voyage de Poictiers. Et tantost en mars chevaucherent le duc de Bourbon et le connestable en Poictou, à trois mille hommes d'armes, et huit cens hommes de traict; et eux eslans devant Poictiers, où ils traictoient à ceux de la ville qui estoient bien durs, vindrent nouvelles au duc de Bourbon et au connestable à minuit, par un gentilhomme et un herault : que le sieur de Clisson leur mandoit à grand haste qu'ils chevauchassent auprès de Montcontour vers luy, ou 1l estoit perdu; car messire Vaultier Spurton, Anglois, estoit party de Nyort, et estait venu devant luy à plus de gens la moitié qu'il n’avoit, et ne pouvoil avoir le seigneur de Clisson nuls vivres , pource que les Anglois le tenoient trop court. Et-partirent le duc de Bourbon et le connestable à mynuict, pour tirer celle part, et allerent repaistre à Lodun. Et n'arresterent guere les seigneurs, pour la peur qu’ils avoient de Clisson, et feurent celuy jour auprès de Montcontour, entre vespres et soleil couchant, dont fut moult joyeux Clisson des seigneurs qui luy estoient venus à secours. Et celle nuict messire Vaultier Spurton qui véit lost des seigneurs approcher, se deslogea, et s’en alla à Nyort à grand’ coyte ; et lendemain assaillit-on Montcontour, où fut l’un des beaux assauts qu’on peust guere veoir après Saincte-Severe, car le duc de Bourbon et le connestable semoncerent leurs gens et soudoyers de bien faire , lesquels point ne se faignoient, mais s’efforcerent de gravir aux murs par crocs de fer, et miner, monter par eschelles , trayre el lancer, emplir les fossés, et faire tout œuvre qu’en tel cas appartient. El
armé de toutes pieces , le bacinet en la teste, aux creneaux du chastel.
