CHAPITRE XXXIX

Comme le connestable messire Bertrand se partit de Bretaigne, sur l’esperance de s'en aller en Espagne , et passa par Bourbonnois, où le duc le festoya, et alla devant Chastel-Ncuf de Randoa où il mourut et ot le chastel.

Jà couroit l'an de grace mil trois cens septante neuf, que le bon connestable, messire Bertrand de Guesclin, meut du pays de Bretaigne pour vuider le pays et royaume de France, comme il avoit promis aux ducs d’Anjou et de Bourt o1. Et pour son bon los, à l’accompagner et suivre se presentoient plusieurs barons et scigneurs de moult de parties, lesquels 1l regracia de celuy offre: et ne voult mener o luy pour son aller accomplir, fors trois cens hommes d'armes. Et bien ordonnée son affaire se mit au chemin pour s’en aller demeurer en Espagne; et avec sa compagnie vint passer par Bourbonnois, où le duc lors estoit, qui le fesloya grandement ; et derechef le cuyda convertir et le relenir, comme celuy qui avoit grand regret à son allée : mais le duc n’y peut oncques mettre remede. Et à son partir luy donna le duc un bel hanap d'or esmaillé de ses armes, luy priant qu’ily voulsist boire tousjours pour l'amour deluy, etluy donna aussi une belle ceinture d’or très-riche de son ordre d’Espérance, laquelle lui meiïst au col, dont le connéstable le mercia et en fut moult joyeux.

Ainsi prinrent congé l’un de l’autre. Et luy bailla le duc de Bourbon dix gentilshommes

de son hostel pour le conduire quatre journées, lesquels furent Jean de Chastel-Morant qui portoit l'enseigne du duc de Bourbon, Germain Micaille, Perrin d’'Uxel, messire Oudin de Roullac, Champrompin, le bastard de Glarins, le borgne de Veaulse et autres. Et estoient gens que le connestable aymoit moult, et qu'il cognoissoit. Et le convoyerent au Puy- Nostre-Dame, où les citoyens le supplierent que pour Dieu voulsist aller devant Chastel- Neuf de Randon, qui destruisoit tout Ie pays, et que ainçois qu’il se partist du royaume, le delivrast des Anglois, et que ce luy seroit louable memoire , avec les autres biens qu'il avoit faicts. Si leur octroya le connestable. El après qu'il ot visité l’'eglise Nostre-Dame et faict son pelerinage , il dit aux compagnons qui le conduisoient : « Vous, mes chers compagnons , » frères et amys de l’hostel de mon bon duc, » seigneur et messire, le duc de Bourbon, puis » qu'il n’a guieres jusques là , je vous prie, » faictes moy compagnie devant la place, si » verrez que nous ferons : car à Dieu le veut, » nou les arons , les gars! et si le soleil y en- » tre, nous y entrerons. » De ceste parolle se rirent les compagnons , et dirent que de bon cœur le conduiroient. Adonc se partit le connestable du Puy o sa compagnie, et chevaucha devant Chastel-Neuf ‘de Randon, où il meit le siege: mais avant ot dit à ceux du Puy : « Mes » amis , c’est la derniere place angloise que je » sçache en mon chemin pour m'en aller : mais » ainçois que je parte, à Dieu le veut , je l’au- » ray. » Et quand le connestable ot visité la place, il meist son siege en belle ordonnance, et commanda à ceux du Puy qu'ils garnissent le siege de vivres, d'artillerie et de mangoneaux, et autres engins à jelter léans : si le feirent, et y séit le connestable trois sepmaines, ct illec furent faictes de belles emprinses d’armes de ceux du siege ; et y esloicnt plusieurs des seigneurs d'Auvergne et de Vellais, qui moult volontiers entendoient à delivrer ceste place. En tant que les assaulx se faisoient de ceux de l'ost à ceux du chastel par plusieurs jours, eux véans que gucres ne se pouvoient tenir, advint que au quinzicsme jour que le connestable ot assiegé celuy chastel, luyÿ print une maladie dont il mourut; et les Anglois qui dedans esloient, véans que nul remede n'avoit en leur faict, qu’à la longue ne fussent pris par force, se rendirent au bon cenrestable ( qui

VIE DE LOUIS DE BOURBON

point ne sçayoient qu’il fust mort ) et s’en allerent où bon leur sembla. Et fut grande gracc de Dieu au bon connestable, que oncques n accueillit place que à luy ne se rendit, vif ou mort. Chastel-Neuf de Randon rendu au ro".

fut semée la mort du vaillant et preux conne:table, dont pleurs, cris et gemis furent de sr: gens et par la contrée. Si le feirent les noble: hommes du duc de Bourbon appareiller et en:bausmer , et l'emmenerent par forests à Moulins en Bourbonnois, où le duc Loys luy fui faire moult solemnel obseque en l'eglise de Nostre-Dame de Moulins, où de nouvel le duc avoit fondé un college perpetuel. Et paravant avoit mandé le duc de Bourbon au roy Charlc:

la mort de son bon connestable, de laquelle 1 fut moult marry. Et pource que le roy se recordoit des agréables services que son connestable messire Bertrand de Guesclin luy avi

faicts en sa vie, le volt recognoistre après « mort, car le roy ordonna que après son deced: ledict connestable feust ensevely honorablement à ses pieds, à Sainct-Denis, où les roys de

France reposent, pareillement le bon maret-

chal de Sanxerre, qui servy l’ayoit loyaument:

et ainsi fut faict, et 1llec gisent. Et ne demeur:

guere après que, l’année en suy vant, ne trespas-

sast de ce siecle le roy Charles de France, cin-

quiesme de ce nom, qui tant vaillamment t!

sagement gouverné avoit le royaume, le-

quel fina l’an de grace Nostre-Seigneur mil

trois cens quatre vingt'; et fut porté en royal:

littiere à Sainct-Denis, et ensevely si haute-

ment comme il appartient à tel prince, et du-

rerent les obseques quinze jours.