CHAPITRE XLIII
Comment lg comte de Bouquingan se leva de devant Kantes ; et comment les quinze Anglois nc feirent leurs armes aux quinze François.
Charles le roy de France, pour l’honneur de son sacre, feit moult de chevaliers, desquels plusieurs en avoit à Nantes qui grandement eux et leurs compagnons se maintenoient contre les Anglois. Le comte de Bouquingan qui veil telle fermeté entre ces gens, et qui rien ne profiloit à tenir plus son siege devant Nantes, ot propos de soy lever pour celle saison ; mais il le retardoit aucunement, pource que quinze hommes d’armes de l’hostel du duc de Bourbon avoient emprise une bataille en l’isle près de Nantes, et à autres quinze hommes d'armes anglois de l’hostel du comte de Bouquingan à combattre à outrance, et qu’il n'y auroit juges sinon deux heraulx, l’un de France et l’autre d'Angleterre ; et fut la chose promise et jurée, qui faillit aux Anglois, comme vous orrez ; et cousta celle emprise au duc de Bourbon trois mille francs de harnois et d’habillemens qu'il
envoya à ses gens tous les jours, par l’espace de trois scpmaines. Les quinze qui estoient de l'hostel du duc de Bourbon, ne faisoient que requerir les Anglois à tenir celle journée : mais les Anglois les menoient par parolles, et leur disoient : « Attendez, attendez, nous le vous di- » rons bien à poinct. » Sur ce, le comte de Bouquingan voyant trop perdre de ses Anglois par flux de ventre, à un soir se deslogea et toutes ses gens. Et à lendemain par matin les quinze Anglois manderent par un herault aux quinze François de l’hostel du duc de Bourbon qu'ils ne tenoient point la journée : mais s'ils vouloicnt venir à Vennes où leur maistre le comte alloit, ils accompliroient leurs armes. Autre responce ne feirent les quinze du duc de Bourbon, sinon dire au herault : que st le duc de Bretaigne leur vouloit donner bonne seureté qu'ils iroient faire et accomplir là. Ainsi se partit du siege de Nantes sans rien avoir faict de son profit, le comte de Bouquingan , et ses Anglois chevaucherent vers Vennes. Et après eux saillirent les capitaines françois, messire Jean de Chastel-Morant, messire Le Barrois, messire Pierre de Bueil, le mareschal de Sayoye , qui bien esloicnt huict cens hommes d'armes, qui costoyerent et tinrent Anglois de près, el gaignerent beaucoup de leur cariage, avant qu'ils fussent à Vennes. Et se retrairent les François au chastel Josselin, où le seigneur
de Clisson, nouvel connestable de France, estoit venu , et luy demanderent congé ceux de la garnison de Nantes, pour eux en aller vers leurs-
maistres. Le connestable leur dict de non, en
leur priant qu’ils attendissent que les Anglois fussent montés en mer. Et entretant les quinze
de l'hostel de Bourbon qui estoient retournés
à Nantes en leur establie avec les autres, manderent aux quinze Anglois qu'ils estoient appareillés d'accomplir leur promesse , et sur ce
leur envoyassent bonne asseurance du comte de Bouquingan leur maistre, ou du duc de Bretaigne; et là ils iroient volontiers. Si apporta un herauit les saufconduits à messire Jean de Chastel-Mlorant, au Barrois, et leurs compagnons, et qu'avec eux peussent mener cinquante gentils-hommes , pour eux accompagacr, et baillerent volontiers les saufconduits,
cuidans que les quinze François n’y deussent
point aller: mais nonobstant les saufconduits, manderent les quinze Cordelleur de Gironne, escuyer d'escuyrie du roy de France, pour l'as-
VIE DE LOUIS DE BOURBON
seurance, au comte de Bouquingan et au due de Bretaigne, qui l’apporta ; et s’en allerent les quinze compagnons avec Cordelleur à Vennes au duc de Bretagne, et au comte de Bouquingan, eux presenter leur noûifier que ce qui avoit esté promis, ils estoient venus tous prests de l’accomplir lendemain après leur messe.
