CHAPITRE XLIX

Comme le duc de Bourbon se contenioit mal de laisser le siege de Verlueil, et pour cela soy envoya excuser au roy.

Le duc de Bourbon, qui de grand cuer, sousmission ct de bon vouloir se tenoit au siege devant Verlueil, afin que honnorablement le peust avoir, oyes ces nouvelles de par le roy, futentrepris et fort pensif, et appella deses privés chevaliers et serviteurs, et leur dict : « Véez une des » grandes desplaisances que j’eusse pieçà : car » elle touche mon honneur en deux manieres ; » l'une, si je laisse ceste place, je la laisse à mon » très-grand deshonneur; et si je n'obéys à mon » scigneur le roy, aucunes gens pourroient dire » que ce seroit mal faict : parquoy en ces choses » j'ay beaucoup de pensées, et non sans cause. » Et oultre dict le duc à ses chevaliers à qui il seconscilloit : « Je vous diray de quoy je me suis » pensé, s’il vous semble bon, et pour le plus » honnorable à mon advis : j'envoyeray deux » chevalliers devers monseigneur le roi, pour » luy monstrer que j'ay grand desir d'äccomplir » son commandement, ct luy dire que j'ay assez » douleur et desplaisance de moy partir devant » cesle ville et chastel de Vertueil si honteuse- » ment, qui touche fort à mon honneur. » Et pour celle ambassade fournir, allerent, de par le duc de Bourbon, au roy à Paris, messire Jean de Chastel-Morant, et l'Hermite de la Faye qui dirent au roy la parolle et les regrets de leur scigneur : dont le roy print bien en gré leur venue. Et leur dict le roy : qu’il falloit que son oncle le duc de Bourbon s'en vinst, toutes choses laissées. Et respondirent les deux chevalliers au roy : «Sire, vous sçayez que ce seroit deshon- » neur à ce seigneur s’il laissoil celle place sans » la prendre: et aussi, amener les Poictevins qui » sont grosses gens, il n’a mie dequoy les con- » duyre. Si advyisez sur ce qu’en est de faire, car

. » les Poictevins ont à leurs despens faict la guer-

» re, dont monseigneur le duc de Bourbon vostre » oncle est chef. » Et cecy disoient les chevaliers au roy pour donner alonge, afin que leur seigneur le duc de Bourbon feist sa besongne en prenant le chastel de Vertueil, et s’en venir

honorablement devers le roy. Si respondit le roy aux chevaliers : « Ha! ha dea! pour ar- » gent ne demeurera pas, car avant que vous » parlez j'envoyeray par vous à bel oncle la fi- » nance , pourquoy il s’en pourra venir. » Si feurent les chevaliers joyeux de la responce du roy, laquelle tantost ils manderent au duc à son siege de Vertueil, et qu'il se hastast le plus qu'il pourroit de prendre celle place, car ils eurent sceu par le roy, comment besoing esloit qu'il s’en retournast. Mais tant orent faict les chevaliers, que le duc avoit trois sépmaines pour l'argent que le roy leur avoit dict qu'ils porteroient, c'est asçavoir quinze jours avant que feust receu l'argent, et huit jours devant qu'ils feussent à luy; mais lui mandoient les chevaliers : « Hastez-vous de » vostre œuvre, par manicre que quand nous » serons par delà que vous en puissiez venir. » Le duc de Bourbon, oye la relation de ses chevaliers, se hasta moult, et meist doubles ouvriers à parfaire la myne. Et advinst que, quand ks chevaliers vindrent au siege à toute la finance, ils relatcrent au duc comme le roy et le duc de Bourgongne estoient partis de Paris, et pouvoient jà estre à l’Escluse pour remedier encontre l’armée des Anglois qui là esboit descendue : et en tant que les chevaliers orent mis à venir vers luy, il ot tant exploicté qu'ilne s’en falloit mie deux jours que la myne ne fust parachevyée.