CHAPITRE LXII

Comme le duc de Bourbon alla en Espagne la seconde fois. ‘

Messire Guillaume de Neullach et son compagnon, leurs gens d’armes, ensemble ceux de Bourbonnoiïs, ne pouvoient mie estre en Avignon, que nouvelles vindrentau roy de France, comme la maisnye* d’Angletcrres’en passoiten Espagne, dont estoit chef le duc de Lanclastre. Si fut le duc de Bourbon moult troublé sur ce qu’il devoit faire , et delibera qu’il iroit en Espagne. Si prist congé du roy, pour s’en aller en Bourbonnois pour accueillir gens, et faire son chemin. Et manda partout en Beauvoisin et ailleurs : que quiconque le vouldroit

1 Suite, compagnie,

servir, si le suyvist. Et vindrent plusieurs à son mandement, pour le bien qu’ils sçavoient en luy, et mesmes les plus des gens de l’hostel du roy alloient à luy. Et se partit le duc lors de Paris, et s’en vint en son duché de Bourbonnois , atout grandes gens , où il trouva le sire de Nourrys qui lui avoit amassé grandes finances, pour faire le voyage. Et le roy mesmes paya pour trois mois les gens de son hostel, qui estoient bien six cens gentils hommes. Et lant que le duc de Bourbon, estant en Bourbonpois, trouva, tant des gens du roy comme de Berry (outre les siens ), bien deux cens nobles hommes. Et se moeit le duc au chemin pour altcndre les autres. Mais de tout pays qu'ils ouyrent dire « le duc de Bourbon s’en va en » Espagne » chacun üroit après luy! tellement que ayant qu'il fut à Navarre, il ot bien trois cens gentils hommes, chevaliers et escuyers.

Et luy estant en Navarre ouyt dire que le duc de Lanclastre avec ses Anglois, ct grand foison de Portugallois avoient assiegé Burgucs en Espagne, qui estoit ville du roy Henry. Les deux chevalliers, messire Guillaume de Neullach et messire Gaulthier de Passac, que le roy de France avoit envoyés devant (qui s’estoient logés à Sainct-Dominique de la Caussade) aprindrent certaines nouvelles, comme le duc de Bourbon venoit en Espagne, dont ils s’esjouyrent moult; et manderent au duc de Bourbon qu'il se hastast. Si fut à eux dedans trois jours; et Je duc venu, feit-on grand’joye, et advisa l’on qu'estoit de faire : etdirent au duc les chevaliers: « Monseigneur, véez cy l'ambassade de » Burgues qui dict que les Anglois ont assiegé » la ville, et disent qu’il y a force mortalité en- » tre eux : advisez qu’il est de faire. » Adonc respondit le duc de Bourbon. « Puis qu'ils se » meurent, il est bon que nous leur aydions, et » en plus farre mourir ; et me semble que le plus » bref est le meilleur, car ils n’ont point de re- » traicte d’icy en Portugal, où il y a longue » voye. » Si fut moult aggréable ceste parolle à tous ceux du conseil du duc de Bourbon, qui dict outre: « Allons d'icy à l’Hospital-la-Royne, » dont il n’y a que trois lieues jusques à Bur- » gues , 6t envoyons gens d'armes à sçavoir » comment Anglois sont logés , si que demain » àl’aube du jour nous allions ferir parmy » eux.» Et dit chacun que c’estoit bien pris, et qu'on ne pouvoit mieux.

VIE DE LOUIS DE BOURBON