CHAPITRE IH

Cy dit quel chose est noblece de courage.

Or , Commençons donques en telle maniere :

Comme noblece de courage conduise les sens humains aux perfeclions salutaires, laquelle noblece se peut descripre et prouver par trois raisons, qui assez se terminent en une, c'est assayoir : tendre à haulles choses, amer bonnes meurs, et conduire ses fais par prudence; tendre à haultes choses, comme dit Aristote, poyons entendre aux choses plus parfaictes et de plus longue durée ; sur quoy povons noter estre les plus suppellatifs bien les celestielles choses comme perpetuelles; mais, selon l'entencion de nostre rural cours, c’est assavoir de ce qui touche à moralement vivre, le bien de renommée, acquis par verlu, peut estre attribué à l’acquerant noblece de courage; et pour ce est dit, Ecclesiaste 41, « Ayes cure » de bon nom, car il te remaindra plus que » nul tresor precieux : » et que le bien de renommée soit tendre à haulles choses approchans des biens non corruptibles, appert come choses terrestres soient de foible durée, excepté bon nom, lequel peut acquerir degré de per-

‘ Amateur.

petuité ; ce nous appert experience manifeste, sans autre preuve, si comme foy nous tesmoigne les dignes noms des biens parfaiz emprains en memorre elcrnelle, et sans terme deffalible.

Si poons! encore dire que ou bien de renommée sont incorporées les autres deux vertus susdictes , c'est assavoir amer bonnes meurs , et soy gouverner par prudence; car il convient de necessilé, pour emplir le bien de renommée, que vertus soient excercilées sanz delaissier ; comme renommée puist estre accomparée à la fleur que nous appelons lis, lequel est blanc, tendre et souef flairant, mais de moult petit hurt est froissié et taché , aussi bonne renommée convient que soit nectement gardée, et par grand soing enveloppée és odeurs de vertu : autrement son noble flair et beauté ne pourroit estre maintenu longuement.

Si convient encore que sagece aie l’administracion et gouvernement de ceste digne union, autrement tost seroit desprisé; car sanz le conduit d’icelle, -nulle vertu n’aroit lumiere par quoy le bon nom fust apperceu. Ainssi, cesle belle assemblée fait un digne corps ymaginable et non palpable ; lequel notable assemblement povons comprendre et trouver en la personne du solemnel roy de qui nous esperons traiclier, si comme cy-après apperra par la recitation de l'ordre de sa très esleue digne et très notable vie.

Doncques ces choses desclairées et veues pour une fois souffize , sans plus repliquer en fin de chascun chapitre suscedent en.ceste partie, par si que attribuée soit la gloire des vertus dudit prince à Dieu et à noblece de corage, prise en maniere de teume* en ceste premiere partie de mon volume.