PREMIÈRE PARTIE. — CHAPITRE VL

très christien peuple françois, pour la reparaion, confort et preservacion dudit lieu, lequel, par pluseurs adversités de nostre sire, peut este consentyes pour cause de correccion , si comme le bon pere chastie ses enfens, tout ainssy comme jadis donna Moyse, né de nobles parens, ou temps de l’adversité d'Egypte, aux enfens d'Israël, le sage conduiseur pour ledit peuple en espace de jours tirer hors du servage de Pharaon, volt la divine Providence faire naistre de parens solemnelz et dignes, c'est assavoir du bel et chevalereus Jehan, roi de France, et de la royne Bonne s’espouse

, ‘ fle du bon roy de Bahaigne*, ycelluy sage

Charles, lequel fu le cinquante-sixieme roy de France, puis le roy Pharamont dit dessus, regnant glorieusement par l’espace de mille vingt trois ans courus jusques au couronnement d'icelluy dit sage roy Charles. Né fu au bois de Vincennes, le jour saint Agnès, vingt-unieme de janvier, en l'an de grace 1336, à grant joye receus , comme de ses pareas primier né; administracion de nourreture etestat luy fu baillié si notablement comme droit et noble coustume requiert à telz royaulx enfens : de laquelle chose grant narracion faire n'est mie neccessaire, ne au propoz singulier où je veuil tendre, qui n’est fors seulement traictier de ce qui touchera ses vertus et cstat en sages et bonnes mœurs et autres particularités , lesquelles sont assez sceues par le common ordre du nosble estat royal de France ne seroyent fors prolixitez non neccessaires, si me passeray de son enfance assez legierement; par l'exemple que nous véons ès escriplures de tous les plus notables passez, n’estre escript de leur juene aage, fors comme chose apocriphe et sans grant foy, mesmement de l'enfence et adolescence de Jhesu-Crist peu traicté l’'Eyangile, de laquelle chose comme il fut tout sapient pareillement ou cours de sa vie; peut estre que ainssy luy plost esire fait pour monstrer que la perfection du sens humain ne doit estre prise fors en aage de discrecion, ouquel temps homme est appellé vir. Si n'en diray autre chose, exepté que la sage administra-

. cion du pere le fist introduire en lettres moult

* souffisamment et lant que competemment en-

tendoit son latin, et suffisanment sçavoit les riges de granmaire; laquelle chose pleust à Dieu

t Bohème

que ainssy fust acoustumé entre les princes! et ce seroit chose très convenable et pertinent aux causes des cas divers et particuliers dont la cognoiscence leur est imputée et de droit comise, de quoy ne peut avoir introduccion des loys, ce n’est par estranges expositeurs, tout par pcresse d'un petit de temps souffrir l'excercitation et labour d'estude.