PREMIÈRE PARTIE. — CHAPITRE XI

soyent ameres ou doulces, qui ramener le peuvent à vraye santé; et telle maniere tenir doit estre appellée la sage compassion, non mie celle qui laisse pourrir la playe pleine de vers, par pitié de l’espraindre".

Aussi ne doit homme nullement jugier, tant voye le juene folloyer ou desvoyer en quelconques voye dissolue, que jamais bien ne fera, et que estre deust chacié comme publican ; mais doit dire d’icculx, si comme il est vérité és parolles de Jhesu Crist, « Pere, pardonnez » leur, car iz ne scevent qu'ilz font; » et rappeller les doit-on par moderacions propices, si comme Valere * raconte de Polemon le philozophe, lequel en sa jueunece fu sanz nul frain abandonné à luxure et à toute dissolue vie : si avint un jour, comme il se fust levé pour aler en la taverne, encore estoit matin, si passa pardevant l’escole Senocrate, qui lisoit alors sa lecçon ; et comme il entrast et s’assist entre les disciples, Senocrates, qui vit qu’il avoit le chapel ou chief et son maintien desordené, Jaisse le propos de quoy il disputoit, et se va tourner aux vertus, et comment vie d’omme doit estre autre que de beste. Polemon osta primierement le chapel de sa teste, et puis mua sa contenance; et ne cessa Senocrates de poursuivre ceste matiere, qu'il l’ot parfaictement converty ; si fu après moult vaillant homs et __ grant philozophe.

Et ainsi souventefoiz, mesme en noz aages, en avons veu et voyons des plus desvoyés re- Yenir à droicte sente; pour ce, n’est nulz qui sache la voye que homme tendra à la fin, quelqu'il semble cstre en sa jueunece.

Et à ce propoz est encore escript, és ystoires des Grieux, du bon chevalier Themiscodes *, qui tous passa, en sens et chevalerie, ceulx d’Athenes en son temps, et par sa valeur fu desconfit le grant ost de Exerces #, le roy de Perse; et, comme lesmoigne Valere, il fu tant pervers en sa jueunece que son pere le priva de tout droit de filiacion, et sa mere se pendy pour la douleur de ses perversités ; et toutefois depuis fu cestuy Themiscodes le patron et soustenail de tout le pays en toute vertu et sagece.

Si ne doit nul desesperer du salu de telz en-

La presser.

$ Valère-Maxime, 3 Thémistocle.

® Kerxès.

fens, nonobstant le grand peril, et que maint par voyes desordonnées en y ait de peris, si est moult gænt charité de les retraire, se par quelquonques voye faire se pueut.

Et par un gros exemple povons comparer l'omme au vin creu en bonne plante : si avient aulcunefoiz, par accident de froidure ou gellée, ycelluy vin nouvel cueilly estre vert, cru et mal proufitable, comme celluy qui n’est mie en boisson ; maïs lui laissié en Lonniaulx crouppir au long d'iver à la gellée, avient souvent que celle verdeur se tourne en bon vin et en meurelè convenable ; et semblablement doit retourner l’homme, après toute verdeur de juenece, au complanct de meureté raisonable.