PREMIERE PARTIE

d'aage et moult reamplis de vertus et savoir, si comme fu le roy Charles dont nous traictons , qui mesme en très jueune aage voull cognoistre les effects de vertu , qui estoit don de Dieu par dessus nalure.

Et parcillement sont à mains influées telles graces ; mes n’est mie doubte que se lelz hommes, ainssy esleus, peuent vivre jusques en aage de meureté, que à cent doubles est crue en eulx la perfection de leur graces.

Et pour ce que la verité est manifeste que en ancien homme sage a plus parfaicte clarté de cognoiscence que en autre aagé, et comme la gloire et joye de soublil et bon entendement precelle toutes aultres léesses', me suis aulcune fois moull esmerveilliée de oyr mains hommes jà enviellis et que on tenoit à sages, voire des sçavoirs fortunés du monde, lesquelz encore regrailtoyent les folies de leurs jueneces et estre en tel aage; et comme sur ce je les interrogasse de la cause qui les mouvoit, trouvoye que ce estoit pour l'appelit encore demouré en Ll'affeccion et non en puissance de l’accomplir des delis esquelz juenece s’encline ; et pour ce que yceulx plus prisoyent la fragilité de delit * de char que le perfection d'entendre, je les presumoye, nonobstant leurs vieulx jours, estre nus et ignorans des jugemens de bien cognoistre , et par consequent non sages.