CHAPITRE XI
Comme messire Bertrand entra en la cité de Rennes.
Dedans Rennes rentra messire Bertrand, qui honnorablement y fut receu et festoyé celle journée ; mais environ le vespre, fit assaillir le duc la cité; et en cel assault furent tant Anglois que ils menerent ung heut beffroy * bien près des murs de la cité. A la nuitée cessa l'assault, et mit le duc au beffroy gens d'armes et arbalestriers pour le garder, en esperance de lendemain recommencer l’assault par Île beffroy ; mais lendemain, au point du jour, par le conseil Bertrand, yssirent de la cité Le Boiteux de Pennehoet, le dit Bertrand et grand nombre de Rennois qui le beffroy assaillirent et les gardes occirent; là fut le beffroy ars par feu gregois : dont l’ost fut tout esmeu. Et assaillirent Anglois bien asprement ceux de Rennes qui yssus estoient. Là se deffendirent Rennois tant longuement en eulx retrayant et tant firent que sans riens perdre rentrerent dedans Rennes.
A ce lemps approuchoit la saison d'iver, et moult estoyent le duc et les Anglois travaillés du siege qui longuement avoit tenu ; et voulenliers eust le duc levé le siege ; mais il avoit juré que jà n’en partiroit lant que son, penon fust assis devant la porte de la cité.
En la cité estoyent en grant douleur, des vivres qui moult abaissoyent, et bien savoit Bertrand le serment que le duc avoit juré. Si fit assembler les chevaliers et barons qui dedans Rennes estoyent ; et, par le conseil de Bertrand, fut avisé que, se le duc de Lancastre, s0y dixiesme seullement, vouloit entrer en Rennes, on lui ouvreroit les portes, et, pour son serment acquiter, asseiroits son penon dessus les portes, mais que * son siege levast. Ceste chose fit Bertrand signifier au duc, qui debonnaire-
‘ Avec.
2 Tour.
3 D'asseoir, placer.
“Pourvu que.
ment loctroya, et demanda respit de trois jours pour avoir conscil;sur ce. | Par l'ordonnance de Bertrand fut crié en Rennes : que lendemain au point du jour fust chascun armé, et que tous vivres de pain, de blé, de chairs et de poissons fussent mis sur Jes eslaulx et fenestres de la cité. Tout ainsi comme Bertrand le devisa , il fut fait. En ce poinct auleuns chevaliers Anglois conseillerent au duc que de ce ne fist riens, se plainement la cilé n’estoit mise à son commandement, et qu’ils savoyent bien que la cité estoit affamée. Toutes voycs celle journée le duc devoit entrer en Rennes. Si se avisa le duc que, au jour d'uy que accordé avoit, il entreroit en Rennes ; el pour la ville et l’estal veoir chevaucheroit parmy la ville soy dixiesme, puis pourroit ouvrer selon ce que il verroit. Au jour que accordé avoit, entra dedans Rennes, soy dixiesme de chevaliers. Au devant du duc vindrent le capitaine et Bertrand; et par la ville le mencrent. Quand le duc vit la grand planté des vivres qui en Rennes estoyent sur les estaux, el les gens qui armés estoyent parmy la ville, il envoya ung herault en son ost querir ses bannieres et penons, qui tost furent apportées. Sur les portes de Rennes monta le duc, et ses bannieres y assist, puis descendit ; et lui fut le vin aporté, dont il beut. Après le vin, dit Bertrand au duc : « Sire, je vous supplie qu'il vous » plaise moy dire où sera la guerre doresna- » vant, car là me vouldroye retraire. » Le duc luy respondit doulcement : « Bertrand, » beaux amis, vous le sçaurez lantosi. »
