CHAPITRE V
Ci dit comment le roy Charles avisa, par bon sens, d’en faire alter les grans compaignies de France.
Or, comme assez ay dit devant, le sage roy Charles après son couronnement, en jeune aage averti par l’administracion de raison de ce qui eslait convenable à faire à bon chevalereux prince, selon l’ordre de son estre, auquel , comme droit pasteur apertient à garder ouailles , s’est son peuple et ses subgiez, ouvry les yeuls de son entendement, regarda son peuple et royaume batu et desolé de longue et greveuse guerre, etencore chascun jour mengié et devouré par grandes et excessives compaignies esparses en divers lieux en son royaume ; meu de grant pitié, moult voulsist aviser comment sans sang humain espendre, lequel, selon la saincte loy, on doit espargnier, ce baston et flayel ‘ peust estre osté de son royaume.
Si vint lors, comme il plot à Dieu , nouvelles que le roy d'Espaigne nommé Pietre, lequel avoit espousé la seur de la royne Jehanne de Bourbon, femme du roy Charles, avoit fait mourir sa femme, et comme maulvaiz et pervers crestien mainlenoit une sarrazine, par lesquelles males façons un frere bastart nommé Henry, que ceHuy roy Pietre avoit à l’ayde de partie du pays, qui pour ses demerites le héoyent*, lui faisoit la guerre.
* Adont le pourveu roy Charles à juste cause ordonna que son mareschal nommé Hernoul d'Endrehen, Bertram du Clequin, et autres chevetains *, conduisissent et menassent toute celle gent de compaigne en Espaigne, faire guerre au roy Pietre; ainssi fu fait. Parquoy en la fin, nonobstant que, après ce que par l’ayde de celle gent françoise qui orent tant
! Fléau.
2 Haïssaient.
3 Capitaines.
fait que le frere bastart fu couronné à roy d'Espaigne , et chacié Pietre : lequel Pietre ala requerir ayde au roy d'Angleterre, auquel ayde ala en personne l’aisné fiiz dudit roy, Edouart, dit le prince de Gales, avec grant foison d’Anglois, par lequel ayde fu remis Pietre en son royaume, et Françoiz desconfis, et Bertram du Clequin et pluseurs Françoiz pris. Et après ces choses , environ l’espace de trois ans, Bertram de Clequin, par rençon délivré, rala Henry en Espäigne avec luy Bertram et foison de Françoiz, et, aydié dudit pays d’Espaigne, fu remis comme roy ou royaume, et conquis tout le pays; le roy Pietre pris par son frere, le chief trenchié; et ainssi demoura Henry roy paisiblement : et ce serve pour partie de preuve le roy Charles estre comme prince chevalereux , vray sage, deffendeur et gardeur de son peuple.
