CHAPITRE IX
Comment le roy, par son sens, moult conquestoit en ses guerres, nonobslant n'y alast; et la cause pourquoy n’y aloit.
Mes, pour ce que aucunes gens pourroyent contredire à mes preuves de la chevalerie de cestui roy Charles, disant que recréandise ou couardie luy tolloit* que luy en propre personne n’aloit comme bon chevalereux aux armes et faiz des batailles et assaulx , ainsi que firent son ayol le roy Phelipe, et son pere le roy Jehan, et ses autres predeccsseurs; parquoy donques ne povoit avoir en luy si grant tiltre de chevalerie, comme je luy vueil imposer et adjoindre : à eeulx convient que je responde verité manifeste et pure au sceu de toules gens.
Que par recréandise n’alast en personne aux armes de ses guerres, n’est mie; car ou lemps qu’il estoit duc de Normandie, ains son couronnement , avec son pere le roy Jehan maintes foiz y ala; et aussi, luy seul chevetaine de grans routes de gens d'armes, fu en pluseurs besongnes bonnes et honorables, à la confusion de ses ennemis.
Mais, depuis le temps de son couronnement, luy, estant en fleur de juenece, ot une très
4 Rachetées. % La paresse ou la timidité l'empéchait.
grieve el longue maladie, à quel cause luy vint je ne sçay ; mais tant en fu affoiblis et débilité, que toule sa vie demoura très pale et très maigre, et sa complexion moult dongereuse de fievres et de froidure d'estomac; el avec ce, luy remaint: de ladicte maladie la main destre si cnflée, que pesant chose luy eust esté non pot sible à manicr; et convint, le demourant de sa vie, user en dengier de medicins.
Mais que pourtant le loz de sa grant vertu qui , sanz cesser, ouvroit * en toute peine pour la publique utilité, doye estre reprimé, n'est mie raison.
Car, dit Vegece, que « plus doit estre louée » chevalerie menée à cause de sens, que celle » qui est conduite par effect d'armes, si, » comme les Rommains, plus acquissent sei- « gneuries et lerres par le sens que par la force,» semblablement le fist nostre roy, lequel plus conquesta, enrichy, fist aliances, plus gran armées, mieulx gens d'armes payés et loule gent; plus fist basir edifices, donna grans dons, tint plus magnificent eslat, ot plus gran! despense, moins fist de grief au peuple, et plus sagement se gouyerna en loute pollicie , et plus largement fu formé loules despense que n'avoit fait roy de France, selon le rapport des escriplures , je l’ose dire, depuis le temps Charlemaine, qui, pour la haultece de sa proueté, fu appellé Charles le Grant. Ainssi, pour la vertu et sagece de cestui luy, doit bien perpttuellement demourer le non de Charles le Sage.
Et ces choses et autres considerées qu'en lu habonderent, je puis conclurre celluy estre digne d’avoir le nom et tiltre de parfaite chevalerie.
