DEUXIÈME PARTIE. — CHAPITRE XII

onques ne relainqui son pere, ne fouy ; par quoy acquist lors le nom que puis ne luy chay*, que on le disoit Phelippe-le-Hardy.

En sa juenece, ou temps du roy Charles, estoit communement à grant armée ès frontières des ennemis; el par luy et sa compaignie, comme dist est, fu prise la ville d’Ardres, pluseurs autres fortresses , lorsqu'il estoit alé devant Calais: et aussi furent autre part pluseurs chasteaulx.

De cestui duc le roi traicta le mariage de

Margaerite, fille et heritiere du conte de Flandres, laquelle il espousa en son pays , present grant baronnie, à grant feste et à grand solemnité; puis vint la duchece à Paris en moult riche appareil , où du roy et de la royne et de lous fu receue à grant honneur et chiere. Par celluy mariage fu appertenant et eschéoit au duc la conté de Flandres , laquelle est la plus pobie, riche et grant qui soit en crestienté, la duchée de Brbean, celle de Lainbourc, la conté d'Artois, celle de Nevers et celle de Retel, autres que ne sçay nommer, et pluseurs signouries et très grandes el belles 4 merveilles. Si estoit bien digne le duc de si riche mariage : car la noblece de son sang valoit encore plus, et aussi la grant discretion de luy pour le bien gouverner. Lesquelles dictes terres, et sa duchié el conté de Bourgogne, si bien et si sagement en son temps a gouverné, que depuis le temps que Flamens, par maulvais enort, lui furent rebelles, à laquelle chose si granaement remedia , comme sera cy après dit, que puis n’y ot nul de ses subgiez qui osast deso- ‘béyr.

Et par son sens, et ayde de ses bons amis, rendy Flamangs si subgiez, que eulx et tout le royaume de France, lors par estrange constelacion enclins à rebellion, furent, par celle desconfiture , rendus si confus, que tous se tindrent cois et appaisiés : en paix et bonne amout a puis tenu toutes ses terres, gouverné par belle, sage et traictable pollicie.

Et 4 dire de luy et de ses condicions ct bonnes meurs, sans faille, tous le bien qu'on peut dire de prince, et toutes les vertus qui à bon appartiennent, furent en luy, prince detrès grant sçavoir, de grant travail, et grant volenté de l’augmentacion , bien et acroiscement de la coutonne de France ; si que, mesmes en sa viellete,

1 Qu'il ne cessa plus d'avoir.

nul temps à peine avoit repos, puis à conseil, puis à chemin, querant voyes tousjours d'actraire aliances et affinités de princes estranges, hauls ct puissans à ladicte couronne, en traictant et conseillant divers mariages pour actraire les Alemens, affin de bien. Par luy fu conseillié et fait l'assemblement du roy adès ! vivant, et de la royne Isabel, fille du duc de Baviere; lequel lignage d'ancienneté est de grant noblece.

Par son conseil fu fait le mariage de la fille de cestuy roy et du roy Richart d'Angleterre, qui à grant honneur la receupt en son royaume ; mais encore n’estoit la royne que de l’aage de sept ans : duquel dit mariage fust ensuivy si grant bien, comme paix perpetuelle et acroiscement d'amis à ce royaume, se fortune n’eust consenty par faire la trahison que fist Henry de Lancastre, qui celluy roy Richart, par fauls et desloyal tour, prist et fist mourir ; pour laquelle trahison et orrible mauvaistié vengier, comme sera dit cy après, la royne d'Angleterre tournée par deçà, est née à present nouvelle guerre entre François et Anglois.

Le duc de Bourgongne aussi ,pour tousjours tirer amis à ce royaume, a fait aliances de mariage de ses enfens à hauls princes allemans et autres, comme sa bonne, sage el très humaine fille au conte d’Ostreyan; l’autre de ses filles au duc d'Osteriche, et Fautre au jeune conte de Savoye ; son aisné filz à la fille du duc Aubert de Baviere, bonne, honeste et sage dame.

Ainsi, sanz cesser, ce bon duc ne finoit:

d’avisier et pener au bien et proffit du royaume, et à la paix et santé de la personne du Roy qui âdès vit; de laquelle santé à son povoir pourchacier a quis* et enserchié tous les remedes qu'il a peu et sceu. Son conseil sage, sain et ptofitable en tous cas à ce royaume, a adverti et avisié de toutes choses au mieulx qui estoyent à faire, et le contraire du bien du royaume et de la chose publique à son povoir éscheue ; sousteneur a tous diz esté du peuple

ét du bien commun : mais comme onques

homme, tant fust parfaict, ne peust tout faire au gré de chascun, mesmement, pour nostre

exemple, Jhesu-Crist, lout parfaict, ne fumie

au gré de chascun. Aucuns peuent avoir parlé sus le conseil pour cause de certaine ayde non ‘ À présent. |

8 Cessait.

3 Cher hé.

trop excessive, quoyqu'on se plaigne, sus les subgiez du royaume, laquelle chose est d’ancien droit et coustume en toules terres pour tel usage , c’est assavoir pour armées faire sus les ennemis de la contrée; lequel dit ayde peut chascun veoir employer ès armes qu'on fait presentement sus les fronticres du royaume, et l'assemblée du connestable grande et belle , et ès marches de Guicnne, ct aussi autre part; parquoy n’a cause le peuple de soy clamer.

Et est chose vrayce que le bon duc avoit ferme esperance et voulenté de, partie dudit ayde et aussi de ses propres deniers, aler, l’année de son trespassement, en propre personne, à grant ost, et les communes de ses bonnes villes de Gant et d’autres de Flandres, assigier la fortresse de Calaiz, et tel peine y mectre que rendue fust prise au roy de France.

Si n'est mie doubte que grant perte et singuliere a fait ce royaume de sa mort, pour le grant bien de sa personne.

Ses condicions estoyent telles : prince estoit de souverain sens et bon conseil; doulx estoit et amiable à grans, moyens, et petis ; les bons amoit de tous estas; large comme un Alixandre, noble et pontifical , encourt et estat magnificent; ses gens amoit moult chierement, privé estait à eulx, et moult leur donnoit de bien : pour laquel bonté et esemolumens qu’ilz en recepvoyent, tant l'amoyent que plus grant pitié ne pourroit estre veue que le dueil et regraiz d’eulx fait de son trespassement.

A sa derreniere fin apparu le grant bien de Juy et de sa conscience: car, recognoiscent son Créateur jusques au derrenicr trait, sagement fist ses ordonnances , testament et Jaiz; moult nobles parolles piteuses et sages dist, et enorta* à ses nobles enfens qu’ilz amassent et servissent Dieu, dont tout bien vient : aussy la personne du Roy, à qui fussent loyaulx comme toute sa vie avoit esté ; le bien de la couronne et du royaume eussent à cueur ; fussent en paix et amour entr'eulx, servissent et honnourassent leur sage mere, se gardassent de grever leur subgiez, lesquelz tenissent à amour ; leur recommanda ses serviteurs, desquelz avoit grant pilié.

Et moult d’autres beauls amonnestemens leur dist, et tost après à grant devocion et con-

1 Réclamer.

$ Remontra.

LE LIVRE DES FAIS ET BONNES MEURS DU SAGE ROY CHARLES

tricion rendit l'ame à Dieu : laquelle mort, comme dit est, remply de dueil tous nos signeurs de France, et mesmement toute gent, de qui fu, est et sera moult regraictié. Son corps auquel ot fait, en toute ville où il passoit, nobles obseques, depuis la ville de Halle en Hainaull, là où il trespassa, jusques à Digon en Bourgongne, où il fu porté à grant solemnité, et là où il repose en riche tombe, en l'esglise des Chartreus que il mesmes a fondé; duquel Dieu , par sa digne grace el pitié, vueille avoir l'ame!

Trois beauls filz luy sont demourés : l’ainsné, nommé Jehan , que on nommoit, au vivant du pere, conte de Nevers, prince de toute bonté salvable, juste, sage, benigne, douls, et de toutes bonnes mœurs : l’autre, Anthoine, dit lors conte de Rethel, à present, par l’ordonnance du pere, attendant la duchiée de Brabant ; le plus jeune, nommé Phelippe, qui assez enfent d’aage cst demouré.