DEUXIÈME PARTIE. — CHAPITRE XIV

faire les grans merveilles ; et encore après, plus | le certifiala merveilleuse et noble victoire . ot sur les Flamangs en l’aage de quatorze ans; car, comme assez est sceu, comme les communes de Flandres, par maulvais conseil, se furent rebellés contre leur seigneur, le duc de Bourgongne, qui conte en estoit à cause de Margarite, fille et heritiere du conté de Flandres, comme dit est, qu’il avoit espousée, les fiez de sa terre ne luy vouloyent rendre, ains esloyent rebelles contre leurs debvoirs ; parquoy le sage duc et conte, considerant que, à tel outrage de commune et subgiez souffrir en &l orgueil , pourroit estre exemple d’ainsi faire en tout ce royaume, et mesmes ce seroit ou prejudice du roy qui est souverain seigneur; pour ce, par son conseil, y alla le roy et toute sa baronnie, à assemblée bannie, moult noble et moull redoutable, dont les Flamangs, lors remplis de grant oultrecuidance et presumpcion, s’assemblerent à bataille contre leur souverain seigneur le roy de France, et contre leur conte, furent en champ, à bannieres levées, le jeudi jour vingt-septiesme de novembre, en l’an 1382 : et là, en la haute plaine de Rosebech, par la grace de Dieu, ameur de tout droit, furent, le roy enfent present en la bataille et assemblée, desconfis quarante mille Flamangs, et leur capitaine Artevelle mort, et la plus grant partie d’eulx Celle grant victoire certifia l’esperance des gens , la bonne fortune et propice eur au jueune roy et sans faille‘ n’y eut mie failly ; au noble courage et grand voulenté qu'il a, se maladie ne l’eust de ce empechié ; auquel inconvenient, à luy et à son royaume Dieux tout poissant, par sa digne misericorde vueille remedier par luy donner enterine santé ! Car, de sa condicion , est prince tout bon et si noblement coudicionné qu’il n’y a nul deffault : il est sonverainement bel de corps et de viaire*?, grant de corps plus que communs hommes, bien formé et de beauls membres ; aime les chevaliers, les nobles et les bons; et voulentiers ot parlé d'armes qui plus lui plaisent que nulle riens ‘; 4 sa grant benignité, doulceur et clemence autre ne $é accompare ; humain à toutes gens, sans nul orgueil ; de si grant amour à ses pa-

* Sans marquer.

* Visage.

3 Ot pour oyf, entend.

{ Chose.

rens, amis et affins, ct mesmes à ses officiers, qu'il n’est chose qu ‘il leur voulsist véer; nlus large et liberal qu onques ne fu Alixandre :

car, tout soit sa poissance moult grant, la grant franchise et libéralité l’excede et passe en toutes choscs ; son peuple aime et ses subgiez, et moult cnvisi les charge; et à brief dire, tant est plain de grant benignité, doulceur et amour , que Dieu le demonstre mesmes eu l’emprainte de sa face ; en telle maniere que, de providence divine, a une telle singuliere grace, que toute personne qui le voit, soit estrangier prince ou autre, est amoureux et resjoy de sa personne : dont maintes foiz ay eu admiration, véant le grant peuple, femmes, enfens et toutes gens fuir par les rues pour le veoir passer quant il est respassé de sa maladye, mesmement gens de nacion non trop familiaire à ceste, passans par Paris leur voye, qui, en le regardant a peu, pleuroyent de compassion de son enfermeté et malage*, dont tel amour peut venir, qui ne peut estre autre chose fors don predestiné esleu de Dieu.

Autre merveille se considere et fait à noter ou cours de la vie de cestui prince, et de ce je me raporte à tous les plus anciens qui aujourd’hui vivent, se verité, sanz parler à voulenté, veulent dire, et aux registres des choses passées , que depuis l'aage de cent ans et plus, duquel temps ne puis parier , fors surle rapport des escriptures et croniques, ne fut le royaume de France plus riche, Dieux soit loué; plus le demaine et les fiez acreus, la poissance el noblece en chevalerie et toutes choses greigneur * ne plus augmentée; plus en paix, moins molestés, gens de tous estas; plus riches, mieulx meublez, soyent princes, nobles, clercs, bourgeoiz, ouvriers et gens du commun; qu'il est, de bonne heure soit dit aujourd’huy , et a esté tousjours en amendant âu temps du roy adès vivant, nonobstant ce que à nostre nature imperfecte, en ce monde non assouvie , ne souffise mie, et que maintes murmuracions ayent esté et soyenl sus le gouvernement des princes et leur conseil, sur le fait du royaume; mais plaist au benoit filz de Dieu que jamais n'’alast pis ! Je tien que ce seroit le plus glorieux royaume qui temporisast soubz les nues, nonobstant que au gré de tous, qui seroit imposable, * Malgré soi.

$ Mauvaise santé.

3 Plus grande.

ne soit mie gouvernée la chose publique : mais considéré tout ensemble qui bien au cler yveult regarder, je tien que ma parolle sera veritable trouvée , combien que le sage roy Charles avuit fait le preparatif de ceste grant felicité ; mais comme en riens depuis ne soit amoindri l’estat de la couronne de France, ne la richesse de la communité, est à presumer, et je le tiens, que Dieu, du tresor de sa liberalité, veut recompenser à ceslui roy, pour le soustrait de santé et le flayel ‘ et glaive sur lui descendu, non mic par ses pechiez, mais de ceuls du peuple punis en sa personne *, Ainssi, comme les vengences de Dieu soyent merveilleuses : ainssi, comme jadis la punicion du pechié de David, Dieu purgia par la percussion du peuple, peut estre pour nos pechiez, Dieu consent la playe sus nostre chief.

Une autre grace que Dieu donna jadis à nos peres anciens , par gran! especiaullé , à ce roy; car ila moult belle lignié ed’enfens encore moult jeunes d'aage : le primier fils, dit duc de Guienne :, tant bel prince et de si belle apparence en toutes choses bonnes, comme prince peut estre; autre deux filst semblablement beaulx et gracieux, par lesquelz, se Dieu plaist, sera , en leur temps, ce royaume gardé et soustenu contre tous ennemis; quatre belles filles : l’aisnée #, pieça *, couronnée du royaume d'Angleterre, comme dit est; l’autre’, espouse au duc de Bretaigne : laquelle noble compaignie Dieu , par sa saincte misericorde, vueille saulveretmaintenir en bonneconyalescence ! 4men.