DEUXIÈME PARTIE. — CHAPITRE XV

giée , et luy mesmes offert son propre corps en preuve contre Henry de Lancastre, à present roy; et par maintes offres valeureuses d’armes , comme 1l appert par les lettres de ce escriptes, lesquelles dites armes offertes en pluscurs manieres n’a osé ledit Henry accepter, n’accomplir.

Cestui prince aime les gentilzhommes et les preux qui par vaillantisse voyagent et s’cfforcent d’accroistre l'honneur et le nom de France en maintes terres, les ayde du sien, Îles honneure et soustient. Cestui est aujourduy le retrait et refuge de chevalerie de France, dont tient noble court et moult belle de gentilzhommes jeunes, beauls, jolis ct bien assesmés!, tout apprestés d’euls embesoingnier pour bien faire. A luy viennent de toutes pars pour sa belle jeunece et esperance de son bienfait, et il les reçoipt amiablement , et entr'eulx est en maintien de prince tout tel qu'il appartient.

En ses jeunes faiz est en toutes choses trés avenant; bel est de corps, et a trés doulce et bonne phinozomie; gracieux en ses csbattemens ; ses riches et gens * abillement bien lui siéent ; bel se contient à cheval; abillemens à feste se scet avoir, et trés bien dance ; jeue par courtoise maniere ; rit et soulace “entre dames avenamment *.

Ses condicions sont telles : il aime les bons, comme dit est; il a sens naturel tel que nul de son aage ne le passe, maintieng hault et benigne, parolle rassise et agmoderée ; n’a en luy felonnie ne cruaulté; doulce response et et amiable rent à toute personne qui à lui a à besongnier ; et, entre les autres graces qu'il a, certes , de belle parleure aornée naturellement de rhetorique , nul ne le passe; car, commeil aviegne souventefoiz , devant luy faictes maintes colacions * de grant congregacions de sa-

ges docteurs en sciences et clercs solemnelz, aussi au conseil et alieurs, où mains cas sont proposés et mis en termes de diverses choses, merveilles est de sa memoire et belle loquelle : car n’y aura si estrange proposicion que, au respondre, il ne repete de point en point par ordre à chascun : si bien et si vivement responde ou replique, s’il affiert, qu'il semble que de longue main ait estudié la maliere ; et

$ Parés. — * Pluriel de genf, gentil.

3 8e récrée.

4 Convenablement.

8 Assemblées, conférences.

par si bel maintien et signoriecontenanceparle, attrait non de haulte ne de ficre parolle, mais rassisement et tout en paix, que ce est grant beaulté : et ce ay-je veu de mes veulx, comme j'eusse affaire aucune requeste d’ayde de sa parolle , à laquelle de sa grace ne faillis mie ; plus d’une heure fus en sa presence, où je prenoye grant plaisir de veoir sa contenance, et si agmoderement expedier besongnes, chascune par ordre ; el moy même, quant vint à point , par luy fus appetlée, et fait ce que requeroye.

Avec les autres bonnes condicions n'est mie moult vindicatif de desplaisirs receus : tout le peust-il bien faire; et certes, c’est moult noble condicion à prince. Pitié a de ceuls qu’il voit confus, si comme une fois, entre les autres demonstrances de sa benignité, avint, comme il regardast luictier ‘ de ses gens enmy sa court, un jeune homme , eschauflé d'ire trop follement, donna une buffe à un autre; cellui fu moult felonnessement pris et menacié, pour l'injure faicte devant le prince que le poing aroit coppé. Le bon duc, comme il veist le cas d’omme moult confus, dist à ses gens tout bas: « Dictes , dictes qu'on lui face paour, et que » on le laisse aler. »

N'a cure d’oyr dire deshonneur de femmes, ne de nulluy mesdire, et ne croit mie de legier mal qu’on luy rapporte d’autruy, à l'exemple du sage, et dit telles notables parolles : « Quant » on me dit mal d'aucun, je considere se cel- » luy qui le dit a aucune particuliere hayne à » celluy dont il parle; aussi se envie Juy fait » dire, ou il se tient à le despointer d’aucun » degré pour y estre luy mesmes. » Et ceste sage et bonne condicion à prince , de non croire de legier, me ramentoit ce qui est escript à ce propoz du vaillant empereur Julius-Cesar, que, entre les autres vertus de luy, il ne créoit mie de legier maulvais rapports. Une fois luy fu dit que un de ses chevaliers avoit dit mal de luy; l’empereur respondy que il ne le croyoit mie; et comme l’autre jurast et afférmast que voir estoit , Cesar respondy que ce n’estoit anie chose créable, que il ne fust amé de celluy à qui il avoit bien fait. Aristote dit que quant prince croit de legier, il ouvre la porte aux mençongeurs de lui rapporter nouvelles.

Assez pourroye dire de cestui prince sage en

Lutter.

juene sage, de laquel chose on peut jugier par ce que on voit de luy. Se il vit jusques au temps de vieillece, ce sera prince de moult grant excellence, par qui mains grans biens seront faiz; moult s’est efforcié de mectre paix en FEsglise : luy mesmes, pour celle cause, est alé devers le pape. En toutes guises, se vouldroit trayaillier que tout bien fust fait, et le mal laissié.

Noble dame a espousée et de grant prudence, fille * au duc de Millan, dont il a trois beaulx et gracieux filz ?, que Dieu, par sa misericorde, yueille acroistre entoute vertu! |