CHAPITRE XX

Ci dit que il est expedient reciter ce que les aucteurs traictent en leurs livres de chevalerie,

Pour deux raisons principales me semble expedient en ceste partie » Qui louche de chevalerie , dire et traictier de ce que les sages et au-

tentiques aucteurs ont escript et traictié de l'exercile d’ycelle és ordres des Cas particuliers de la frequentacion d'armes: l’une raison si est, pour ce que impossible est à sens humain que de s0ÿ peust toutes sciences et art concepvoir Sanz introduccion d’autruy; et pour ce, à ceuls qui au mestier d'armes desirent 4 euls instruire, est chose pertinent 4 savoir la pratique ; car les sciences et les ars qui sont escriptes, ne furent mie trouvées pour ceuls qui les saroient , mais pour introduire ceuls qui encore n’en avoyent la cognoiscence, si comme les livres de gramaire ou d'autre science que on escript tous les jours ; ceuls qui les scevent pourroyent donques dire : « Pourquoy nous escript- » on telz livres, quant nous les savons ? » Pour ceuls le dit qui de moy Pourroyent pareillement dire : « À quoy nous escripl ceste femme les » ordres de chevalerie, que nous 8Ççayons ? » Laquelle chose, comme dit est, ne s’adrece mie dutout aus maistres d’icelle art, mais à ceuls qui l’ignorent.

L'autre raison est que expedient est, mesmes au plus savens , expers et sages, comme il soit possible que le ventre de la memoire puist retenir et avoir recort continuelement de toutes les choses ydoines et expedientes à faire és offices de quoy l’'omme se veult entremectre; pour ce, à propoz de ceste maliere , traictier aprés les dits des aucteurs peut aux expers che. Yalereus estre ramentevable, et aux ignorans discipline.

- À deux autres raisons dont les reprimeurs de loange me pourroyent Chargier et accuser d'ignorance, et avec ce de presumpcion el procès de mon dictié en ceste partie, convient que je responde.

La premiere est que ilz Pourroyent dire :

Ceste femme ne dit mie de s0y ce qu'elle explique en son livre » ains fait son traictié par procès de ce que autres acteurs : on dit à la lectre. De laquelle chose à ceuls je puis respondre : que , tout ainssi comme l'œuvrier de

1 Auteurs,

architecture ou maçonage n’a mie fait les pierres et estofes dont il bastit et edifie le chastel ou maison qu'il tent à perfaire, et où il labeure, nonobstant assemblé les matieres ensemble, chascune où elle doit servir , selon la fin de l'entencion où il tent: aussi les brodeurs qui font diverses devises, selon la soubtiveté de leur ymaginacion, sanz faute ne firent mie les soycs , l'or ne les matieres, et ainssi d’autres ouvrages : tout aussi vrayement n'ai-je mie faictes toutes les matieres de quoy le traictié de ma compillacion est composé ; il me souffit seulement que les sache appliquer à propoz, si que bien puissent servir à la fin de l’imaginacion à laquelle je tens à perfaire. L'autre

raison est que aucuns pourroyent dire : Pre-

sumpcion meut ceste ignorant femme oser dilater de si haulte chose comme chevalerie, aussi comme se elle tendist à de ce donner discipline ou doctrine ; auxquelz je respons ce que mesmes autres fois ay dit, qui sert à ce propoz, ce que Hugues de Saint Victor dit : « Lesages homs » aprent voulentiers. Posons que un enfent luy » monstrast ; il ne regarde mie à la personne » qui parle, mais à la doctrine qu’il donne : se » elle est bonne, il la retient ; se maulvaise est, » il la laisse. » Pareillement puis dire en ceste part.

Et quant à ce que femme suis , oser parler d'armes ; il est escript que ès anciens aages , comme autrefoiz ay dit, une sage femme de Grece nommée Minerve, trouva l'art et science de faire armeures de fer et d’acier , et tout le hernois qu'on seult ‘ porter en bataille fu par elle primierement trouvé. .

Si n’y a nulle force qui donne la doctrine, mais que* bonne et salutaire.