DEUXIÈME PARTIE

et comme dit celluy mesmes Aristote: « L’ex- » perience rent l’'omme maistre. »

Et que exercitacion d'armes soit neccessaire aux valereux chevaliers, est escript ès fais des -Rommains : que quant ceulx de Romme orent deliberé que Cartagce seroit destruite du tout, pour ce que trop estoit la condicion des Cartagiens rebellative, Scipio Nasiqua, qui lors estoit consul, contresta! tant qu'il pot qu’elle ne fust destruite, mais qu’on la laissast pour l’exercilement des Romains, affin que, par aise ou par paresse, ilz ne perdissent leur force et abilié, quand ne trouveroyent à qui combatre.

Celluy Bertram de Clequin, très en l’aage de

quinze ans, si comme il est recité de luy, se prist par droicte nature, maulgré ses parens, à l'exercice des armes, et tousjours puis si les continua, que sanz faille il en estoit très souverain maistre, si comme il paru à l'effet de ses œuvres et emprises, comme cy-après assez en brief sera desclairié.