CHAPITRE XXIV
Ci dit d’aucanes fortreces que messire Bertram assigia et prit.
Après que le connestable Bertram ot desconfit les dessusdis Anglois, assigia la fortresse du Bas, et par assault, à l'ayde de ses bonnes gens, la prist, et y ot, que mors, que pris, environ quatre cens hommes anglois; adont, pour paour dudit connestable, ceuls qui estoyent ou chastel de Ruilly* s’enfuirent, mais petit y gaignerent : car il les suivi jusques à Bersieres ?, laquelle il prist par force; les Anglois, qui fuis s’en estoyent, se combatirent à luy, et furent desconfis, mors et pris, et ainssi pareillement pluseurs autres fortresses, Maïs à quoy feroye plus long conte qui ne seroit au propoz
{ Exhortation.
8 Soucier.
3 Craindre.
4 Cauteleux.
“ Éviter.
* En Anjou. - 7 Bressuire, en Poitou |
260 LE LIVRE DÉS FAIS ET BONNES MEURS DU SAGE ROY CHARLES
* de ma matiere, et fors prolixité dire lesquelz - chasteaulx, comment et quelz bésongnes ot celle année aux Anglois ledit connestable ? Lesquelles choses sont coustumes et maniere de polir gestes et romans, qui n’est selon l’ordre de mon entente, qui singulierement est, Joer ce que fait à loer, en prouvant la verité par les fais particuliers touchier en brief, revenant au propoz de mon object; et qui plus vouldra, trouvera l’estendue sur ceste matiere, le livre des Fais messire Bertram l'en fera sage.
Celle dite année, ot pluseurs batailles aux Anglois, qu'il desconfit tant qu’à l’ayde de Dieu, bonne diligence et force de luy et de sa route, furent aucques tous mors et pris par pluseurs lieux du royaume de France, comme en Guienne, ou pays d'Anjou, de Normandie et de Bretaigne, ceuls qui avoyent esté devant Paris avec Robert Canolle l’esté devant.
- Et aussi en pluseurs autres parties du royaume, esploitierent bien et vaillamment contre - Anglois celle année pluseurs autres chevetains - du royaume de France, les freres du roy Charles, comme dit est, le bel et bon chevalier, vaillant et sage, messire Jehan de Vienne, admiral de France, aussi le chevalereux messire Loys de Sancerre, lors mareschal, et aussi le mareschal de Blainville et pluseurs autres.
Si y ot, par cesdicts vaillans chevaliers et leurs gens,. pluseurs besongnes entre Françoiz et Angloiz, où il ot pertes et gaignes, souventefoiz d’ambe les deux! parties; mais, par volenté de Dieu, communement en conclusion aux FrancCoiz demouroit la victoire.
Mesmes en Limosin , y ot mains fais, tant * que la ville de Limoges, par ledit frere du roy, fu prise; et auxdictes besoingnes traire à fin moult aydierent avec les gentilzhommes les ‘ Communes du pays, lesquelles, comme dit Ve- ‘gecé en son livre de chevalerie, souvent sont prouffitables en bataille, quant icelle gent de ‘ Commune est conduite et gouvernée soubz or- ‘dre de bons chevetains.
* Et mesmement sont aucuns aucleurs qui dire veulent que les populaires soyent plus convenables ès fais d’armes et batailles que les gentilzhommes, et mesmement ceuls de vilages.
Leur raison est, pour ce que mieuls ont accoustumé travaulx à porter peine, et vivre rudement et grossement que les nobles : si ne
* Les deux ensemble,
leur est si dur le travail des armes. Mais meilleur raison y a qui ceste destruit : c'est que sens et avis, noblece de corage, desir d’onneur et paour du contraire fait plus en fait d'armes que peine et travail de corps : lesquelles condicions plus sont communement és nobles que ès populaires.
Bien est voir que, comme dit le préalegué livre, que pour ce que ceuls du peuple sont duis desdictes peines, prouffitables sont ès batailles à pié; et pour ce, en telz fais, les sages ordonneurs des batailles les mectent devant, et les primiers à l'assemblée.
Encore ensuivant recite ledit livre que avec le bon sens qu’il convient à gouverner chevalerie, c’est assavoir fais d'armes, est neccessaire l'exercite par longue main ; et qu’il soit voir, le lesmoigne l'experience de ce que souventefoiz on voit à petit de gens expers desconfire grant roule de gent non ou pou experte; et pour ce est dit, ès fais du preus Julius-Cesar, que petite porcion de ses chevaliers souffisoyent à conquerir grant pays.
Dit oultre ledit livre que le duc ou chevelaine de l’ost doit ordonner ses batailles, selon l'avantage de la place et le champ où la bataille doit estre, et ordonner que ses gens voisent: serrés et sanz desrouter*; et s’aucun y a qui communement soit coustumier de desrouter , soit bouté hors ; car il pourroit nuire aux autres. Deux grans maulx, ce dit, peut ensuivre de bataille desroutée : l’un est que les ennemis y peuent entrer legierement ; l’autre est que les batailles sont si empressées* que ilz ne peuent combatre : pour ce est neccessaire tenir ordre arrengié, et comme un mur serré et joint ensemble.
