CHAPITRE XXX

Des principaux barons que le roy Charles tenoit continuelement, à grant ost, sur les Champs, en pluseurs pars.

Les barons principauls que le roy continuelement tenoit sur les champs, à grant povoir de gens d'armes, estoyent ceuls dont Jes noms s’ensuivent.

Es parties de Pieregort fu , un temps, monseigneur le duc d’Anjou; le connestable en Champaigne; le duc de Bourbon, frere à la royne de France ; le mareschal de Sancerre, le seigneur de Coucy, le seigneur de Monfort; le seigneur de Montauban, le seigneur de Roye, messire Guy de Rochefort, messire Olivier de Mauni, le sire d’Assé, le Begue-de-Villaines, Yves de Gales, le seigneur de Chasteaulgiron, le sire de Bueil, et autres bannieres!, vaillans preux à grant foison, qui en Guienne en pluseurs pars estoyent espandus, en Picardie, Normandie, Bretaigne, Anjou et ailleurs, à moult grand ost de gens d'armes et foison erbalestriers, dont, quant ilz arrivoyent en une marche*, devant leur venue se partoyent les Anglois des fortresses , et boutoyent le feu dedens. Le chastel de Condat se rendi, qui estoit assigié; après fu prise la ville de Bergeral : deyant y ot bataille, et furent Anglois desconfiz, et y fu pris le seneschal de Bordeauls cl pluseurs autres Anglois; la ville d’Aymel, la ville de Sauvetat, et pluseurs autres villes et chasteauls.

Et aussi par ces barons furent prises en diverses parties du royaume pluseurs fortes places, et fait mains beauls fais, dont je ne fais mie mencion; et n’esloit mie à merveiller se par si noble gent et lant esprouvés estoyent maintes belles besongnes achevées : car de quinze ou seize qu’ ‘ilz estoyent nobles barons, n'y avoit celluy qui souffisant ne fust de mener et conduire un grant ost, non mie centurion$, comme on souloit jadis faire les chevetains de cent chevaliers, mais des batailles de Perces”',

f Chevaliers bannerets.

% Frontiérce.

# Corps d'armée à la manière des Perses. :