CHAPITRE XXXI
Comment, pour le grand renom de la sagece et bonne fortune du roy Charles, encore pluseurs barons se vindrent rendre à luy.
Ou temps dessusdit fu jà, Dieu mercis, la bonne fortune du roy Charles si avanciée, par le moyen de ses vertus et la peine et diligence de ses bons menistres cy devant nommés, et mains autres vaillans hommes du royaume de France, que partout aloyent les nouvelles de l'acroiscement de sa grant prosperité ; parquoy, tout ainssi qu’il escript d’Ector de Troye. le preux combatant, que, pour la grand bonté de luy, tant l’amerent pluseurs estrangiers, que ilz desirerent estre ses subyiez ; et de fait à luy se rendirent, se vindrent pluseurs hauls barons, pour le grant bien du roy Charles, mectre en sa juridicion et hommage.
Ou temps que le duc d’Anjou estoit au siege devant Bergerac, messire Perducat d’Alebreth vint en l’obedience du roy, avecques toutes les fortresses qu’il tenoit.
Item, le seigneur de Bedoz, messire Ansel de Caumont, le seigneur du chastel d’Andorte, les enfens de Saint Aonys, euls, leur villes, leur chasteaulx et leur fortresses, dont il y avoit très grant numbre; avec ce, pluseurs autres chevaliers et gentilzhommes , lesquelz le sage roy receupt à grant honneur, et les retint familicrs de sa noble court.
En ce tendis besongnoyent les susdis barons en pluseurs autres parties du royaume, comme dit est, qui mie n’estoyent aprentis de conduire leur gens et leur batailles, par lequel sens et
Ü 4 Éclaireurs.
966 LE LIVRE DES FAIS ET BONNES MEURS DU SAGE ROY CHARLES
yaillance ensuivy preu‘ et honneur au royaume de France. D’ordener bataille, dit Vegece, que se ceuls de l’ost ne vont ordonnéement , 11z ne pourroyent bien combatre ; car quant ilz sont trop empressés , ilz empechent J'un l’autre à
ferir sur les ennemis , et aucune foiz la grant
foule d’euls mesmes les desconfit; donc ceuls à pié et ceuls à cheval daivent diligemment garder leur ordre; et doit le prince de l’ost, ains qu'il parte, pluseurs fois mener ses gens aux champs, et les mectre en ordonnance, et puis les faire mouvoir ainssi qu'il veut qu'ilz aillent, et bien les endoctriner comment H veult qu’ilz se maintiegnent , ceuls à pié et ceuls à cheval; doit partir ses batailles, et en chascune doit avoir bon chèvetaine; doit ordonner ses communes devant, et puis qui ira aprés, el ainssi de renc, selons le fait qu'il a à faire et les gens
qu’il a, et bien les doit endoctriner comment
ilz feront, selon la disposicion de leur adversaires ef des cas qui peuent advenir, car il doit estre avisié de tous les baras* et soubtilleté d'armes pourquoy ses ennemis le pourroyent grever ; si y doit remedicr, et par soubtilz poins les savoir surprendre, et rompre leur bataille : et de tout ce doit avisier ses gens.
Et se le prince de l’ost cognoist que ses adversaires soyent de si grande force qu'il ne les puisse vaincre, ains leur souffiroit de bien povoir fuir, lors doit ordonner ses batailles en reondesse *, bien serrés ensemble, qu'ilz ne puissent estre perciés : et en celle bataille on doit mectre par dehors, ou primier front, les meilleurs, plus hardis et mieuls armés.
Autre maniere d’ordonner balaille, se les ennemis ne sont mie en grant quanüté : ceuls de J'ost doivent estre ordonnés en guïse de fer de cheval à demy ront, affin qu'ilz encloyent * leur ennemis ; etse l’ost a afaire à forte partie de foison de gent, ilz doivent estre ordonnés en ma-
niere d’une espée qui est ague deyant, pour
percier leur ennemis.
Et doit-on sayoir que la meilleur maniere d’ordoner batailles communement cst en reondece ; et y doit avoir pluseurs batailles, et ou front devant; et où il a le plus grant peril, on doit mectre les meilleurs : y doit, autre si°,
Profit, 5
8 Tromperies, stratagèmes.
# Ên forme ronde.
4 Afin d’environner.
# De plus.
avoir ordonnance de secourir les batailles par
bonnes gens d'armes, se besoing en ont, ou que chanceler on les voye.
La maniere de ferir en bataille est La plus convenable d’eskoc, pour ce que plustost actaint en char *, et moins couste à celluy qui fiert, et plus est de grant force feru * que celluy de tranche ; et pour ce les bons haubers : doivent avoir les mailles empressiées l’une sur l’autre, afin qui sitost on ne les puist percier ; et aussi l'adversaire se peul mieulx couvrir du coup dont il voit lever le bras que il ne fait de l’estoc. Et dient aulcunes histoires que les Romains trouverent primierement la maniere ds ferir : car anciennement gouloyept ès batailles ferir d'espée à coup; et aussi , pour ce que le balailleur n’est mie si traveillié de ferir d'estoc comme servit de taille, et ne descueuvre mie tant, ne doit mie ferir à l’estourdy, mais. amesuréement, afin que plus longuement puist souffrir le travail.
