CHAPITRE XXXV
guen, et la fortresse de Planque rendue; et depuis fu pris le chastel de Bondiroit : puis se parti le duc de Bourgongne, pour la saison d’iver qui approchoit ; mais il laissa grans garnisons de gens d'armes, vivres , et toules choses conyenables ès chasteaulx et fortresses qu'ot conquestés.
Et à ce propoz dirons comment ceuls dedens se doivent deffendre et fortiffier leur fors. Et primierement quant on veult edifier chasteaulx et citez, on y doit regarder cinq choses : car on doit considerer que se ledit edifice est sus roche ou sus montaigne , en hault lieu, ou avironné d’eaue ou de mer, il est fort à prendre: parquoy , quant l'en cdifie, on y doit prendre garde.
Secondemnnt , les murs doivent cstre faiz à pluseurs angles, pour cause que ceulx qui se deffendent peuent, par plus de pars, grever leur ennemis.
Tiercement, on doit mectre, en l’espace qui est entre les deux murs qui sont environ le chastel, terre haulte comme ung gros mur pour recepvoir les coups de pierres et des engins.
Quartement, on doit mectre ès porles des chasteaulx et villes, portes colices' et anneauls de fer ; et par là peut-on gecter eauc, ou pour feu estaindre; pierres et chaulx pour deffendre l'entrée.
Quintement, doivent avoir de larges fossez, roides et perfons.
On doit garnir les cilez et fors, primicrement de bonnes gens d’armes, fors et deffensables à telle quantité comme au lieu est convenable, selon l'affaire que on peut avoir.
Après, des vivres, comme orge, froment, ayeine, char salées , et autres necessaires à vie humaine; et ce que on ne peut porter en garnison des villes prochaines , se la guerre est prochaine, on le doit destruire des villes d’environ, affin que les ennemis n’en ayent l'aise. La vitaille doit estre dispersée et distribuée par sages gens, afin que, par bon ordre, elle puissa durer plus longuement.
Item , les foibles et non puissans on doit cn voyer ès autres villes, afin que les vivres n'appetissent.
Si on a paour que les eaues, rivieres ou fontaines venans par conduit ou chastel puissent estre tollues *, on doit faire cisternes pour gar-
Herses, — ? Enlevécs.
der eaue, se c’est si près de la mer que les puis y soyent salés : et dit Aristote, ou livre de Methéores, que l’eau salée, passée parmi cire, pert son amertume et devient doulce ; et doivent estre garnis de vinaigre, affin que, se vin failloit, avec eaue il donne aucune force à boire.
Le chastel doitestre garni dequantité d’oyle!, de pois et de souffre, pour ardoir les engins
de leur adversaires; doivent garnir de fer et
merrein lances, dardes , ars, arbasles * de tout trait et de toute artillerie, et loutes armeures deffensables.
On se doit garnir de grant foison de dures pierres el cailloux, et mectre sur les murs etsur tours à grant quantité, et emplir pluseurs grans vaisseaulx de chaulx; et quant les ennemis approchent, ceuls vaisseauls doivent estre lanciés jus # des murs, et respendue celle chaulz, laquelle entre ès yeulx des assaïllans, et les rent comme aveugles.
Doivent estre garnis de nerfz à corde, pour ars et arbalestres ; et se felz cordes faillent, on doit prendre crins de chevaulx, ou les cheveuls des femmes, et en faire cordes, si comme dit Vegece, que jadis firent les dames à Romme, qui coperent leur cheveulx lorsqu'il avoyent faulte de trait à Romme, et par ce furent recouvrés ; et doivent estre garnis de foison cornes de bestes pour rappareillier leurs arbastes, et aussi de cuirs crus pour couvrir leur engeins et autres edifices, affin que feu ne sy boute.
