CHAPITRE XV

Ci dit comment le roy Charles approuva diligence.

Comme il venist à cognoiscence à un clerc que un notaire du roy tiroit à la mort s1 près que ne povoit vivre une heure, tantost à un chevalier de la court, bien amé du roy, qui estoit son amy, ala, et lant fist qu'il luy empetra ladicte office. Un autre clerc, qui tousdiz avoit l’ueil que le notaire fust oultréement trespassé, par un autre moyen fist requerir au roy ledit office ; et comme le roy affermast que jà estoit donnée, le deuxieme dist «que ce ne » debvoit valoir, car, à l'heure que le don fu » fait, encore estoit l’autre en vie; » et briefment tant fist, que sa lettre fu commandée.

Quant vint au scel, le chancelier, qui en vid deux d’une mesme date, les refusa à seller ; le primier, qui moult estoit malicieus, en ce tendis oy que le chancelier dist à un sien messagé qu'il alast savoir en quel point le roy estoit, car il vouloit aler devers luy. Cestui gaitta tant que il vit le roy et le chancelier, celluy jour , ensemble à conseil, et de tant luy prist bien, qu'il estoit jà nuit ; lant s'’aventura cil, pour le grant desir qu’il avoit, qu'il se mist en lieu où il pot oyr tout quan que le roy et le chancelier disoyent, qui parloyent d'assez'secreles choses ; et oy que le chancelier , lequel estoit le cardinal de Beauvais, luy prioit que il voulsist escripre au pape pour une archidiaconé pour un de ses nepyeus ; de laquelle chose le roy dist voulentiers. Quant vint l’après disner, ce clerc fist bien l’embesongné; au chancelier ala dire que le roy lui avoit enjoint aler en Lenguedoc hastivement porter lettres de par luy au duc d'Anjou, pour la cause de ce dequoy il luy avoit parlé ; el adont dist le secret qu’il avoit oy, qui estoit d'envoyer oudit heu ; encore luy dist que le roy luy avoit enchargié d’aler cn Avignon devers le pape, pour