CHAPITRE XVIIL

Ci dit comment le roy Charles approuva plus le sage homme povre que le riche nice".

Comme le tresorier de Nimes fust trespasse, un preudomme se tira devers un chambellan du roy, sien amy, luy pria de luy empetrer l'office; le roy, qui de celluy ot bonne relacion, l'octroya. Tost aprés, le duc d'Anjou, à la requeste d’un sien tresorier nommé Pierre Scatice, demanda pour un nepyeu ou parent d'icelluy Pierre, ledit office au roy, lequel dist qu'il l’avoit octroyé ; et comme le duc d’Anjou moult en pressast Le roy, à l’instigacion de son tresorier, dist au roy que celluy à qui il l'avoit donnée n'’estoit mie souffisant de tel office exerciter, car c'estoit homme de néant et de petite auctorité : le roy voult qu'information fust faicte des deux, et dist que le plus souffisant l’aroit. L'informacion raporta que le nepveu Pierre Scatice esloit un jueur de dez, jeunes homs de petit sens; riche estoil, mais de petit gouvernement: de l’autre, que sages estoit, prudent preudoms, mais non pas riche. Monseigneur d'Anjou, qui le roy solicitoit de ceste chose de rechiel , pria le roy comme de-

vant. « Vrayement , dist le roy, beau frere, |

4 Du latin nescsus, non insiruit.

LE LIVRE DES FAIS ET BONNES MEURS DU SAGE ROY CHARLES

» nous somines informés que celluy dont vous » parlez est fol, de mauvais gouvernement.

» — Certes, dist le duc d'Anjou, monseigneur, » celluy à qui vous l’avez donnée est de petite » value, et n’est souffisant d’estre en tel office. » — Pourquoy? dist le roy. — Pour ce, dist ÿ monseigneur; car c’est un povre homs, né- » de petites gens de labour, qui encore hanent: » les terres en nostre pays. — Ha, dist le roy. » n’i a-il autre chose ? Beau frere, certes plus » fait à prisier * le povre sage preudomme que » le riche fol desordené. » Monseigneur d’Anjou plus n’en voult le roy prisier; et aïnssi demeura l'office au primier.

À ce propos est escript du vaillant chevalier Choriscordes dont j’ay dit cy devant , qui fu le plus honoré, ce dit Justins, de l’ost Xercès, que quand on luy demanda lequel il àroit plus chier, que sa fille fust donnée à un porvre homme sage, ou a un riche non sage, il respondi : « J'ay plus chier un homme sage qui » ait deffaute de pecune, que pecune qui ai » deffaulte d’'omme sage. »