CHAPITRE XXII

Comment le chastel de Pestien fut rendu à messire Bertrand.

Bertrand, qui la proucsse du chastellain avoit veu, luy dit : « Chastellain, tenez-vous riens du » conte de Montfort ? » À ce luy respondit le chastellain : « Sire, à vous rens-je Pestien, » sauve ma vie ; et si vous jure que du conte ne » tiens ung denier vaillant.» Lors luy dit Bertrand : « Beaux amis, el en verité vous en tien- » drez de moy, qui ne suy pas tel seigneur. » Adonc s’inclina le chastellain, et le mercia, et promit servir toute sa vie. Ainsi fut prins Pestien. Et d’illec en avant fut le chastellain servant Bertrand, qui pour sa prouesse l’honnoura moult et luy fit de très grans biens.