TROISIÈME PARTIE

amour et bonne voulenté. Après mainies amoureuses parolles , le roy se parti, et ordonna que , pour le traveil qu'il avoit eu, souppast en sa chambre à requoy!; et il mena avec lui souper le roy des Rommains, les ducs, princes et chevaliers de l'empereur; et grant noble soupper y ot; el telle fu l’assiete : l’evesque de Paris, primier; le roy , et puis le roi de Babaigne ; le duc de Berry, le duc de Breban, le duc de Bourgongne, le duc de Bourbon, le duc de Bar; et pour ce que deux autres ducs r’estoyent chevaliers, mengierent à la secande table, et compaignie leur üunt le filz du roy de Navarre, messire Pierre ; le conte d'Eu et pluseurs autres seigneurs : el est assavoir que la grant sale du palais, la chambre du parlement, Ja chambresur l’eaue, la chambre vert, et toutes les autres notables chambres du palaiz, la Saincte Chapelle, et celle d’emprès la chambre vert , estoyent toutes très richement ordonnées et parées, tant au palais, comme à Saint Pol, au chastel du Louvre, au bois de Vincenes, à Beauté; esquels hostelz le roy mena, tint et festoya l'empereur. Après ce souper, vin el espices prises, 8e retrayrent le roy et le filz de l'empereur el les autres seigneurs, chascun en sa chambre ; et ainssi se passa celle journée.