TROISIÈME PARTIE. — CHAPITRE LXIII

sit proceder par voye de guerre, avoit mandé à son pere Edoart, roy d’Angletcrre, que remedier y voulsist; desquelles choses onques bonne response ne pot avoir : parquoy, par neccessité , et par le conseil de ses barons et de son royaume, assemblé pour ce en son parlement, ermprist à deffendre sa bonne justice contre ses ennemis : de laquelle chose Dieu, de sa grace , lui en avoit donné bonne fortune. Et adont desclaira le roy. les conquestes que ot faictes sur ses ennemis ; et nonobstant ce, devisa les offres que il leur avoit fait pour le bien de paix que ilz avoyent reffusé: si pria l’empereur que sur ce le voulsist conseillier , et ne creussent ses barons que, à son tort, la guerre fust. Et assez d’aultres choses dist le roy, qui longues seroyent à dire ; et par si bel ordre, si notable arenge ‘, l'ot dit, que tous en furent esmerveilliés, et moult prisierent et louerent son gran! sens et memoire.

L'empereur respondi : « Que très bien avoit » entendu ce que le roy très sagement avoit » expliqué, tant &s lectres comme ès parolles ; » et que partout Allemaigne le manifesteroit et » feroil savoir, et que au contraire les Angloiz » ne fussent creus ; et mesmement, qu'il fu

» present à Miens? quant le roy Edoart fist

» homage au roy de France ; si savoit son bon » droit. » Et quant au conseil donner. dist : « Que, consideré son bon droit et tort de ses » ennemis, l’avantage et bonne fortune qu'il » avoit contre eulx, et ses allés et amis, comme » le roy de Caslelle, de Portugal, d'Escoce et » mains autres, il ne lui donroit conteil de tant » avant offrir à ses ennemis, et trop en avoit

» fait, se pour l'amour de Dieu n'estoit. » A

tant finerent ses paroles, et le roy et luy et les autres alerent en sa chambre.