CHAPITRE XXV

Comment Charles, duc de Normandie, alla mettre le siege devant Meleun-sur-Saine, où la royne Blanche estoit.

Devant Meleun vint Charles de France, duc de Normandie, et tantost print la premiere vile; mais briefvement luy manda la royne Blanche, que de là se departist et que à elle esboit l’eritaige et bien le garderoit. De ce fut doulent le duc , et dit que riens n’y avoit la royne Blanche, fgrs son douaire. Lendemain à matin fit le duc assaillir Saint Maclo de Mekun où est le plus fort de la ville. Tant fut l'assault merveilleux et tant dura que moult y finit de chevaliers et d'escuyers. En cest assault fut Bertrand getté de dessus les murs de Meleun dedans la Douve. Ceste chose apperceul le duc de Normandie, qui à force fit traire Bertrand de la Douve; et cuydoit que Bertrand fust mort, dont grand deuil demenoit le duc ; mais guieres ne demoura que la parole luy commença à revenir, et demanda se Navarrois avoyent rendu le chastel. En ce point en-

Promis.

3 Le bâtard de Mareuil.

voya la royne par devers le duc et luy rendit le chastel. Adonc retourna le duc à Paris, et donna à Bertrand la garde du Pont Orson.