CHAPITRE XLIV
Ci dit comment l’empereur als faire son pellcrinage à Saint-Mor.
Le mardy ensuivant, qui fu le douzieme jour de jenvier , faire volt l'empereur son pellerinage à Saint Mor.
Au malin, en sa liliere, du bois se parti; ainssi que le roy commandé avoit, y fu receu à procession. L'abbé la messe chanta ; l'empereur offri cent frans, et les dons de vivres que lui ot fait ledit abbé laissa au couvent; là disna et dormi en bel appareil que le roy bien et richement lui ot fait apprester, et le lieu parer parlout ; fu mis en sa lictiere et porté à
‘ Braques, chiens de chasse.
? Boucle de ceinture, etc.
3 Au bois de Vincennes.
* Aprés diner.
# Tandis que.
LE LIVRE DES FAIS ET BONNES MEURS DU SAGE ROY CHARLES
Beaulté-sur-Marne, que il moult prisa, et y amenda de sa goutte, comme il disoit, si que lui mesmes viseta tout l’ostel, qui moult estoit bien paré, et disoit que oncques en sa vie n’ayoit voue plus belle, ne plus delictable place ; et aussy disoyent ses gens, lesquelz on avoit aussi menés en la tour du bois , par tous les eslages de léans', et monstré les grans garnisons d'icelle et l'artillerie?, dont le roi des Romains ot des arbalcsles à son chois , que onques mais n'ayoyent veu si merveilleuse chose ; et ainsi louoyent le sens, la valeur et baultece du roy de France. A Beauté fu l’empereur pluseurs jours , et le roy chascun jour l'aloit viseter, et à secret parloyent longuement, puis au gisle s’en retournoil au bois; car le très sage roy, pour soing qu'il eut à cause de l’empereur, ne croye nul qu'il laissast à expedier ses autres besoingnes , comme cil qui pourveu esloit en toutes choses.
L'empereur desira à veoir la belle couronne que le roy avoit fait faire ; si luy envoya le roÿ par Giles Malet son vallel de chambre, et Hennequin son orphevre; la tint et regarda moult longuement partout et y prist grant plaisir, puis la bailla, et dist que, somme toute, onques en sa vie n’avoit veue tant de si riche el noble pierrerie ensemble.
Le jeudi devant la departie de l’empereur, avoit fait le roy tous assembler les gens dudil empereur ; car beauls dons avoit fait apprester pour leur donner ; si y mena le roy ses freres, le seigneur de La Riviere et aultres chevaliers porter ses joyaulx . et de ses varlés de chambre.
