CHAPITRE XLIX

Ci dit la mort la de royne.

Le lundi, quart jour de février*, après la departie de l'empereur, comme dit est, la royne de France enfenta une fille, dont moult fu grevée du travail; baptisiée fu en l’esglise de Saint Pol; et, pour la devocion que ot le roy et la royne à sainte Katherine, fu ainssi nommée. Le samedi ensuivant , ladicte royne trespassa de ce siecle : de laquel chose le roy merveilleusement fu dolent ; et nonobstant que la vertu de constance en luy fust plus grant que communement ès autres hommes, ceste departie luy fu si grant douleur et si longuement lui dura que onques , devant ne après, faire on ne lui vid pareil dueil pour chose qui avenist; car moult s’amoyent de grant amour. Si fu assez plainte et plourée de son frere le duc de Bourbon, et de mains autres. Leroy, qui avoit amé le corps, pensa de l’ame par devotes oroisons, messes, vigilles et psaultiers faire dire continuelement en très grant quantité, et en grans aumosnes faire : si fu son corps apporté solemnéement, selon l’usage des roys et roynes, veslue, parée et couronnée, sus un riche lit couvert de drap d’or, à tout un ciel dessus ; et ainssi fu portée à grant procession à l'esglise de Nostre Dame. Le ciel à quatre lances portoient le prevost des marchans et

Assuérus.

3 Christine se trompe : le 4 février 1377 était un jeudi,