Saint Ignace, evesque d’Antioche, fut à Rome devorés

115. Chy fut Anacletus pape martirisiet de Trajan l’empereur.

120. Adrien Constantin, 15° empereur, qui Jherusalem refit faire et clore de murs, fit moult de mal aux juifs, et comanda que jamais n’y entrassent.

124. Alixandre fut pape qui ramentut en la messe la Passion Jhesu-Crist recorder, et fit l’eawe benilte, puis fu martirisiet.

134. Chy fut Sixtus pape, qui comanda que nuls n’atouchast les choses de sainte eglise, fors clers sacrés, et mist les Sanctus en la messe.

138. Elius Adrianus prist Jherusalem et le destruit; puis fut refaite où elle siet ore , et l’appella Elye.

141. Adrien Constantin empereur morut. Et fut imperaleur après luy Anthonius, 16°, lequel fut moult preudhomme.

Yceluy absolut toutes les debles en son lamps, et fit ardoir les tables, pourquoy il fut appellé du peuple romain : pere du pays.

145. Thelephorus fut pape, qui establit les messes en Noël chanter par nuit et Glonia in excelsis.

Item. Ordonna faire le quaresme devant Pasques, et que les clers ordonnés s’astenissent de char mengier, l’espase de 7 sepmaines devant Pasques.

- 155. Iginus fut pape qui establit le clergiet

par degrés et les dignités.

159. Puis fut pape‘. . . . qui estably que Pasques fussent par dimence toujours.

Anthonius Titus morut.