CHAPITRE XXXIV

Comme le roy Charles retourna du sacre de Rains.

De la cité de Rains se partit le roy Charles après son sacre, et vint à Paris .où moult fut honnouré. Puis ala à Rouen et manda à Bertrand que ses prisonniers illec amenast. Au mandemert du roy ala Bertrand à Rouen ; et en sa compaignie amena toute la chevalerie qui en la bataille avoit eslé, et mena chascun ses prisonniers. De la venue de Bertrand, et de la chevalerie , fut le roy très lie, et moult les honnora en les mercyant de la victoyre ; mais à Picrre de Saquenville, qui prisonnier estoit, fit le roy la teste tranchier, pour ce que son traistre avoit esté. Là donna le roy à Bertrand la conté de Longueville, et mareschal de Normandie le fit. Au chastel de Longueville estoient Navarroys qui l'entrée refuserent à Bertrand. Mais ne demeura gaires que Bertrand fit le chastel assaillir ; adoncques luy fut rendu.